له‌سه‌رهێل 106
پێنچ شه‌مه‌ 26 خاکه‌لێوه‌ 2721
سازمانی خه‌باتی کوردستانی ئێران
پێشوازی سكرتێری گشتی سازمانی خەبات لە بڕیاڕی شەست و حەوتەمین بڕیاڕنامەی کۆمەڵی گشتی ڕێکخراوی نەتەوە یەکگرتووەکان لە پێوەند بە مەحکومکردنی ڕژیمی ئێران

هاونیشتمانیانی تێكۆشەری كوردستان!
خەڵكی وەزاڵەهاتوی ئێران!
بە خۆشیەوە جارێكی دیكە كۆمەڵەی گشتی ڕێكخراوی نەتەوەیەكگرتووەكان، بە هۆی سەركوتی بێ بەزەییانەی خەڵك وجێ‌ بە جێ‌ كردنی حوكمی ئیعدام، وە بە تایبەت حوكمی ئیعدامی كەسانی ژێر 18 ساڵ، ئیعتراف و ددان پێدانەكان لە رێگەی شكەنجەو ،پێشێلكردنی بەرنامە بۆ داڕێژراوی مافی مرۆف،گرتن و زیندانی كردنی دانیشتوانی ئێران بێ‌ بەڵگە، و چەندین پێشێلكاری دیكە، بە زۆرینەی دەنگی 82 ئەندام ڕژیمی ئێرانی مەحكوم كرد.
بە پێی ئەم بڕیارنامەیە، پەروەندەی پێشێلكاریەكانی مافی مرۆف لە ئێران بۆماوەی یەک ساڵ بەکراوەیی دەمێنێتەوە. ئەوە لە كاتێكدایە كارناسانی نەتەوەیەكگرتووەكان قەتڵوعامی زیندانیانی سیاسی بە جینایەت دژی مرۆڤایەتی ناساندبوو و بە هۆی پێبەند نەبونی رژیم بە بڕیارەكان و قانونە نێوەدەوڵەتیەكان، داوایان كردبوو پەروەندەی ئەو جینایەتانە، بنێردرێ‌ بۆ شورای ئەمنیەتی نەتەوەیەكگرتووەكان.
سازمانی خەبات ی كوردستانی ئێران سپاسی قوڵی خۆی بۆ ئەو 82 ئەندامەی كۆمەڵەی گشتی نەتەوەیەكگرتووەكان بە تێكڕاو، نوێنەری ووڵاتی کانادا،كە ئەو بڕیاڕنامەی ئامادە كردبوو، دەردەبڕێ‌، هەروەها داواكارە ناوەندە جیهانیەكانی پارێزەرو داكۆكی مافی مرۆف بە شێوەی كاریگەرتر،كردەوە ستەمگەریەكانی ڕژیمی ئێران بەرانبەر خەڵكی كوردستان و خەڵك و نەتەوەو ئایین و بیروبۆچوون و پێكهاتەكان لە ئێران مەحكوم بكەن و دەسەڵاتدارانی ئێران ناچار بكەن دەست لە ستەمگەری و جینایەتكاری هەڵگرن.
سازمانی خەبات ی كوردستانی ئێران
سكرتێری گشتی 
بابەشێخ حوسەینی
27ی سەرماوەزی 1399 كۆچی خۆری
ڕێکه‌وت: 2020-12-18 14:22:40
به‌شی ( سکرتێری گشتی )





دیمانه

سیاسی