له‌سه‌رهێل 96
پێنچ شه‌مه‌ 26 خاکه‌لێوه‌ 2721
سازمانی خه‌باتی کوردستانی ئێران
پەیامی پیرۆزبایی سكرتێری گشتی سازمانی خەبات بە بۆنەی یادی لە دایك بوونی حەزرەتی عیسا و ساڵی 2021 زایینی هاونیشتمانیانی مەسیحی لە كوردستان!

 هاوباوەڕانی مەسیحی لە ئێران و جیهان! یادی لە دایك بوونی عیسا مەسیح (ع) و ساڵی نۆی 2021 زایینی لە مەسیحیەكانی كوردستان، ئێران و جیهان پیرۆز بێ‌. لە كاتێكدا یادی لە دایك بوونی مسیح (ع) بەرز ڕادەگرین و ساڵی نۆی 2021 جێژن دەگرین، بەداخەوە ستەم و بێدادی لە زۆربەی ووڵاتانی ناوچەی خۆرهەڵاتی ناوەڕاست و بە تایبەتی لە ئێراندا، بۆتە پێناسەی حكومەت و دەسەڵاتە دیكتاتۆرەكان. ڕژیمی ملهوڕی ئاخوندی لە ئێران بە شێوەی سیستماتیك و گەڵاڵە بۆداڕێژراو، سەركوتی خاوەن باوەڕانی مەسیحی و باقی ئایین و نەتەوەو مەزهەبەكان دەكات. ئەو دەسەڵاتە پاوانخوازو حەق نەبیستە،لە ماوەی تەمەنیدا بە پەیڕەو كردنی سیاسەتی دژی ئینسانی و ئیسلامی و كۆمەڵایەتیەكان و بە دیاری كردن و سەپاندنی قانونی دواكەوتوانە،درێژە بە دەسەڵاتی دەستەێكی بچوك بە سەر تێكڕای خەڵكی ئێران دەدات. پەسەند كردنی قانونی دواكەوتوانەو، دارولەلەكانی مەجلیسی ڕژیم،بۆ ئەوەی كە ئافرەتان و ئەوانەی بۆچوون و بیروباوەڕیان پێچەوانەی بیری تەسكی دەسەڵاتدارانەو هەروەها مەزهەب و ئایینەكان و نەتەوەكانی پێكهێنەری ئێران، بە تایبەت نەتەوەی كورد كە مافی خۆپاڵاوتنیان بۆ سەرۆك كۆماری نیە، دەرخەری جینایەتكاری و دژایەتی دەسەڵاتداران لە گەڵ خەڵكی ئێران بە تێكڕاو بیروباوەڕو نەتەوەكانی پێكهێنەری ئێرانە. بێگومان تا ئەو دەسەڵاتە ملهوڕە نەڕوخێ‌ كۆتایی بە مەینەتی و جیاوازی دانان و سەركوت و هەڕەشە لە ئێراندا نیە. بەو ئاواتەی لە ساڵی داهاتووی زایینی، ئاسۆ لە بەردەمی خەڵكی ئێران و خاوەن باوەڕانی مەسیحی، و تێكڕای باوەڕو نەتەوەكانی ئێران گەشاوەو ڕوناك بێت ولە ساڵی داهاتوو، كۆتایی بە نەخۆشی كوشەندەی كۆڕوناو دەسەڵاتی ستەمكارو جینایەتكاری ئاخوندی لە ئێراندا بێ‌. جارێكی دیكە بە ناوی خۆم و هاوباوەڕانم لە سازمانی خەبات كوردستانی ئێران پیرۆز بایی گەرم بە بۆنەی یادی عیسا مەسیح و ساڵی نۆی زایینی پێشكەش دەكەم. سازمانی خەبات ی كوردستانی ئێران سكرتێری گشتی بابەشێخ حوسەینی 24 دیسامبری 2020
ڕێکه‌وت: 2020-12-25 14:54:52
به‌شی ( سکرتێری گشتی )





دیمانه

سیاسی