له‌سه‌رهێل 83
دووشه‌مه‌‌ 5 ره‌زبه‌ر 2721
سازمانی خه‌باتی کوردستانی ئێران
پەیامی سازمانی خەبات بۆ سكرتێری گشتی نەتەوە یەكگرتووەكان سەبارەت بە دەستگیركرانی چالاكانی كورد

سەبارەت بە گرتن و ڕاوەدوونانی چالاكانی كورد لەلایەن هێزە سەركوتگەرەكانی رژیمی ئاخوندی، سازمانی خەبات ی كوردستانی ئێران، پەیامێكی ئاڕاستەی ئانتۆنیۆ گوتێرس، سكرتێری گشتی نەتەوە یەكگرتووەكان كرد.
لە پەیامەكەی سازمان دا روو بە ئانتۆنیۆ گوتێرس هاتووە: بە ئاگاداری بەرێزتان ڕادەگەیەنین رژیمی دەسەڵاتدار لە ئێران لە چەند مانگی رابردوودا، هێرش و سەركوتی خەڵكی كوردستان و بە دیاری كراوی چالاكانی مەدەنی لە شارەكانی كرماشان، سنە، پیرانشار، بانە، شنۆ، ئیلام و چەندین شاری دیكە پەرە پێداوە.
سازمانی خەبات هەروەها لە پەیامەكەیدا لە بارەی ژمارەی گیراوانی كوردستان نووسیویەتی: ناوەندە سەركوتگەرەكانی ریمی ئێران لە درێژەی سەركوت و داپڵۆسینەكان، زیاتر لە 90 كەس لە تێكۆشەرانی بواری چالاكانی مەدەنی گرتووەو زیندانی كردووە.
لە بەشێكی دیكەی ئەو پەیامە دا هاتووە: ئێمە وەك سازمانی خەباتی كوردستانی ئێران داوا لە بەرێزتان دەكەین هەوڵی جیددی و كاریگەر بدەن بۆ رێگەگرتن لە سەركوتی خەڵكی كورد و تێكۆشەران و چالاكانی مەدەنی لە ئێران و كوردستان.
دەقی پەیامەكەی سازمانی خەبات بۆ ئانتۆنیۆ گوتێرس بەم شێوەیەیە:
بەڕێز جەنابێ‌ ئانتۆنیۆ گۆتێرس سكرتێری گشتی ڕێكخراوی نەتەوەیەكگرتووەكان!
لە گەڵ سڵاو ڕێز
بە ئاگاداری بەڕێزتان دەگەێنین، ڕژیمی دەسەڵاتدار لە ئێران لە چەند مانگی ڕابردودا، هێرش و سەركوتی خەڵكی كوردستان و بە دیاری كراوی چالاكانی مەدەنی لە شارەكانی كرماشان، سنە، مەهاباد، بۆكان، سەقز، پیرانشار، بانە، شنۆ،ئیلام، نەغەدە، پاوە و چەندین شاری دیكەی لە كوردستانی ئێران پەرە پێداوە.
ناوەندە ئەمنیەتیەكانی حكومەت لە ئێران، لە درێژەی سەركوت و داپڵۆسینەكان، زیاتر لە ٩٠ كەس لە تێكۆشەرانی بواری چالاكی مەدەنی گرتووەو زیندانی كردووە.
ئاشكرایە كە ڕژیمی ئێران بە كەڵك وەرگرتن لە هەلومەرجی سیاسی جیهانی و نەبوونی هاودەنگی پێویست لە نێوان ووڵاتانی خاوەن هێزی جیهان و بە دیاری كراوی ئەندامانی شۆرای ئەمنیەت و هەروەها ئەو هەلومەرجەی بە هۆی نەخۆشی كۆڕۆنا كە جیهانی گرتۆتەوە، كردۆتە هۆیەك بۆ زیاتر كردنی سەركوت و چەوسانەوەی تێكۆشەران و چالاكانی سیاسی لە كوردستان و ئێران.
ئێمە وەك سازمانی خەبات ی كوردستانی ئێران داوا لە بەڕێزتان دەکەین هەوڵی جیددی و كاریگەر بدەن بۆ ڕێگەگرتن لە سەركوتی خەڵكی كوردو تێكۆشەران و چالاكانی مەدەنی لە ئێران و كوردستان.
لە گەڵ رێزی دووبارەمان
سازمانی خەبات ی كوردستانی ئێران
30.01.2021
ڕێکه‌وت: 2021-01-30 08:16:54
به‌شی ( سیاسی )





دیمانه

سیاسی