له‌سه‌رهێل 41
چوارشه‌مه‌ 13 ره‌شه‌مه 2720
سازمانی خه‌باتی کوردستانی ئێران
خامنەیی :حیجاب بۆ كەسەكانی فیلمی كارتۆن و ئەنیمەیشنەكان

عەلی خامنەیی، ڕێبەری ڕژیم لە نوێترین فتوایی دا دەڵێت، پێویستە حیجابی كەسایەتیەكانی ناو فیلمە كارتۆنی و ئەنیمەیشنەكان ڕەچاو بكرێ‌.لە کاناڵی فقە و ئەحکامی ڕێبەری ڕژیمی ئاخوندی، خامنەیی لە وڵامی پرسیارێک سەبارەت بە (ئایا ڕەچاوکردنی حیجاب بۆ كەسایەتیەكانی ناو کارتۆن و ئەنیمەیشنەكان پێویستە)؟ دەڵێت: پاراستنی حیجاب لەناو كارتۆن و ئەنیمەیشنەكاندا، بە لە بەرچاوگرتنی لێکەوتەکانی نەبوونی حیجاب لەناو ئەنیمەیشن و كارتۆنەكان دا، پێویستەو دەبێ‌ ڕەچاو بکڕێ. 

بەڵام تا ئێستا دیار نییە کە ئەم فتوایە تاچەندە لە سەر بڵاوکردنەوەی فیلم و ئەنیمەیشنەكان کاریگەری دەبێت. زۆربەی ئاخوندان و تاقمە توندڕەوە مەزهەبییەکانی سەر بە ڕژیمی ئێران لەسەرەتای هاتنە سەرکاری دەسەڵاتی خومەینی تا ئێستا دژی بڵاوکردنەوەی فیلم و سریاڵی دەرەکین کە ئافرەتان بێ حیجابن و وەکوو هۆکاری هاندانی بێ حیجابی لە کۆمەڵگەی دەزانن.
ڕێکه‌وت: 2021-02-22 11:18:21
به‌شی ( هه‌واڵی ئێران )





دیمانه

سیاسی