له‌سه‌رهێل 89
یه‌ک شه‌مه‌ 10 گه‌لاوێژ 2721
سازمانی خه‌باتی کوردستانی ئێران
بەڕێوەچوونی ڕێوڕەسمی نەورۆز لە بنکەی ناوەندی سازمانی خەبات ی کوردستانی ئێران


خەبات مێدیا: ئێوارەی ڕۆژی شەممە ١ی خاکه‌لێوه‌ی ١٤٠٠ به‌رامبه‌ر به‌ ٢٠ مارسی ٢٠٢١ لە بنکەی ناوەندی و بە ئامادەبوونی  به‌شێک له‌ ئەندامانی سەرکردایەتی و پێشمەرگەو ئه‌ندامان ڕێوڕه‌سمی ساڵی تازه‌ی ٢٧٢١ی کوردی – ١٤٠٠ی هە‌تاوی به‌ڕێوه‌ چوو.

سەرەتای بەرنامەكە بە دەقەیەك بێدەنگی بۆ ڕێزگرتن لە ڕۆحی سەرجەم شەهیدانی كورد و كوردستان دەستی پێکرد و  پەیامی نەورۆزی رێزدار کاک بابەشێخ حوسێنی  سكرتێری گشتی،  لەلایەن بەڕێز كاك كامیل نورانی فەرد ئەندامی دەفتەری سیاسی سازمانی خەباتەوە پێشکەش کرا.  پاش پێشکەش کردنی بەرهەمێکی هونەری لە لایەن هونەرمەند کاک مێهریاری کۆماسی، پەیامی ڕێكخراوەكانی ئافرەتان و لاوانی سازمانی خەبات، بەم بۆنەوە لەلایەن بەڕێز كاك ماردین زاهێدی، ئەندامی دەستەی بەڕێوەبەری ڕێكخراوی لاوانەوە پێشکەش کرا.

دوای پێشکەشکردنی چەندین بەرهەمی شیعرو گۆرانی و هه‌ڵپه‌ڕکێ، دوابڕگەی ڕێوڕەسمەکە مه‌‌شخه‌ڵی نه‌ورۆز له‌لایه‌ن  بەرێز خاتوو زێنەب حوسێنی ئەندامی سەرکردایەتی سازمانی خەباته‌وه‌ هه‌ڵگیرسا. ڕێوڕەسمەکە بە شایی و هەڵپەرکێ و خۆشی دەربرین تا درەنگانێکی شەو درێژەی کێشا.



ڕێکه‌وت: 2021-03-22 08:00:54
به‌شی ( چالاکیه‌کان )





دیمانه

سیاسی