له‌سه‌رهێل 89
پێنچ شه‌مه‌ 26 خاکه‌لێوه‌ 2721
سازمانی خه‌باتی کوردستانی ئێران
بەشداری سکرتێری گشتی سازمانی خەبات ی کوردستانی ئێران لە كۆبونەوەی ساڵانەی شۆڕای میللی مقاومەتی ئێران

 ئێواره‌ی ڕۆژی ١١ی خاكەلێوە، سکرتێری گشتی سازمانی خه‌بات کاک بابه‌شێخ حوسه‌ینی، وه‌ک میوان به‌شداری له‌ كۆبونەوەی دەورەیی و ساڵانەی شۆڕای میللی مقاومەتی ئێران کرد که‌ بە ئامادەبوونی خانمی مریەمی ڕەجەوی و ئەندامانی شۆڕا به‌ڕێوه‌چوو .له‌و کۆبونه‌وه‌ گرنگه‌دا سکرتێری گشتی سازمان، کاک بابه‌شێخ حوسه‌ینی، وتارێکی پێشکه‌ش به‌ ئاماده‌بوان کردو له‌ ووتارەكەدا جارێكی دیكە پێداگری سازمانی خەبات و بۆچونی جه‌نابیان لە سەر سیاسەتی دروست لە پێوەند بە جوڵانەوەی ڕەوای كوردستان و شۆڕشی ڕەوا لە بەرانبەر ڕژیمی دیكتاتۆری ئاخوندی دووپات كردەوە، و باسی لە گرینگی شۆڕشی گەلی كوردو ئەو گشتە ستەمانەی ڕژیمی ئاخوندی بەرانبەر بە خەڵكی كوردستان دەیكا كرد. له‌ درێژه‌ی ووتاره‌که‌ی سکرتێری گشتی دا ئاماژه‌ به‌ دژایەتی ڕژیمە دیكتاتۆرەكان لە ئێران لە بەرانبەر گەلی كورد و بە تایبەت دژایەتی ڕژیمی شا، و ڕژیمی ئاخوندی لە بەرانبەر گەلی كورد کرا و ڕایگه‌یاند که‌: شۆڕای میللی مقاومەتی ئێران وەك تەنیا ئالترناتیوی ڕژیمی دیكتاتۆری ئاخوندی، دەوری بەرچاوی لە بەرەوپێش بردنی خەباتی سیاسی و دیپلۆماسی جوڵانەوەی سەرانسەری ئێران، لە جیهاندا هەیەو هەروەها لە ڕێبەرایەتی كردنی ئەو جوڵانەوەیە بە هاوكاری سازمانی موجاهیدینی خەڵكی ئێران چالاكانە تێ‌ دەكۆشێ‌.
له‌ کۆتایی ووتاره‌که‌ی سکرتێری گشتی دا ئاماژه‌ به‌ دووپاتکردنه‌وه‌ی هاوپەیمانێتی سازمانی خه‌بات لە گەڵ سازمانی موجاهیدینی خەڵقی ئێران و شوڕای میللی مقاومەتی ئێران و سوور بوون لە سەر خەباتی بەردەوام لە پێناو ڕوخانی ڕژیمی دیكتاتۆری ئاخوندی ئێران کرایه‌وه‌. شایه‌نی باسه‌ له‌و کۆبونه‌وه‌دا چه‌ندین ووتاری گرنگ پێشکه‌ش کران كە ووتاری خانمی ڕەجەوی جێگەی سەرنج و گرینگی زیاتر بوو بە تایبەت لە بەشێك لە ووتارەكەیدا پێداگری لە سەر دابین كردنی مافی خودموختاری بۆ گەلی كوردو گەلانی ئێران كردەوە.
ڕێکه‌وت: 2021-04-03 08:44:12
به‌شی ( سکرتێری گشتی )





دیمانه

سیاسی