دەورەیەكی سەرەتایی پێشمەرگەی تازە پەیوەست بوو بەڕیزەكانی سازمانی خەبات كۆتایی پێهات. ڕۆژی شەممە ڕێکەوتی 21ی بانەمەڕی 1400ی کۆچی خۆری، ڕێوڕەسمی كۆتایی هاتنی دەورەی سەرەتایی  چەكداركردنی پۆلێك پێشمەرگەی تازە پەیوەست بوو، لەژێر چاودێری و بەرێوەبردنی كۆمیسیۆنەكانی سیاسی نیزامی و پەروەردە و لەژێر ناوی دەورەی شەهید " عەبدولا سەییدی" بەرێوەچوو. سەرەتای ڕێوڕەسمەكە بە دەقەیەك بێدەنگی بۆ ڕێزگرتن لە ڕۆحی شەهیدان دەستی پێكرد و پاشان چەند وتەیەك لە لایەن بەرێز كاك کامیل نورانی فەرد، ئەندامی دەفتەری سیاسی سازمانی خەبات ی کوردستان، پێشكەش كرا، كە تێیدا باسی لە ئەرکی گرینگی تێکۆشان لەپێناو گەل و ژیانی پێشمەرگایەتی کرد و هاوکات لەسەر دۆخی هەستیاری ناوچەکە و بەتایبەتی دۆخی ڕژیمی ئێران و جوڵانەوەی گەلەکەمانی کرد و بەپێی لێکدانەوەکان دوورەدیمەنی خەباتی گەلەکەمانی بە گەشبینیەوە لێکدایەوە و ئەرکی هەنووکەیی هێزی پێشمەرگەی وەبیر هێنایەوە. لەدوای ووتەكانی کاک کامیل نورانی فەرد، لەلایەن یەکێک لە هاوڕێیانی پێشمەرگە بەناوی کاک سەرکەوت ئیلامی پەیامی سپاس و پێزانین لە مامۆستایانی فێرگە خوێندرایەوە، و لە پاشان دا چەكی شەرەف و كەرامەت لەلایەن مامۆستایانی دەورەكە پێشكەش بە پێشمەرگە تازە پەیوەست بووەكان بەریزەکانی سازمانی خەبات، كرا.

 
ڕێکه‌وت: 2021-04-12 09:22:42
به‌شی ( چالاکیه‌کان )