له‌سه‌رهێل 80
دووشه‌مه‌‌ 4 گه‌لاوێژ 2721
سازمانی خه‌باتی کوردستانی ئێران
بەشداری سكرتێری گشتی سازمانی خەبات لە كونفرانسی یەكیەتی عەرەبی ئیسلامی بۆ پشتیوانی لە جوڵانەوەی ئازادیخوازی لە ئێران

كۆنفرانسێك لە ژێرناوی یەكیەتی عەرەبی و ئیسلامی لەگەڵ جوڵانەوەی ئازادیخوازی لە ئێران بەرێوەچوو.

رۆژی چوارشەممە 25ی خاكەلێوەی 1400ی هەتاوی، كونفرانسێك لەژێر ناوی یەكیەتی عەرەبی و ئیسلامی بۆ پشتیوانی لە جوڵانەوەی ئازادیخوازی بەشێوەی ئۆنلاین بەرێوەچوو و كاك بابەشێخی حوسەینی سكرتێری گشتی سازمانی خەباتی كوردستانی ئێران وتارێكی تایبەت بە هەڵسوكەوتی رژیم لە حاست سونی مەزهەبەكان و بەگشتی كوردستان پێشكەش كرد.

كاك باباشێخ لە وتارەكەیەدا تیشكی خستە سەر هەڵسووكەوتە خراپەكانی رژیم لە كوردستان و ئێران و ناوچەكە و وتی: رژیم بەناوی دین نەك هەر خەڵكی كوردستان و ئێران بەڵكوو خەڵكی تێكراِی ناوچەكەی تووشی كێشەی گەورە كردووە. بەرێز سكرتێری گشتی سازمانی خەبات هەروەها ڕووی لە بەشداربووان كرد و وتی: نوێنەرانی وەڵاَتانی ئیسلامی و عەرەبی بەشدار لەم كۆنفرانسە، هەر وەك ئاگادارن رژیمی خوێنرێژی ئاخوندی لە ماوەی 42 ساڵ دەسەڵاتداری خۆی دا لە هەموو فێل و تەڵەكەیەك بۆ زەربەدان لە ژیانی پێكەوەیی ئیسلامی و ئینسانی لە ئێران و وەڵاتانی ناوچەكە كەڵكی وەرگرتووە. ئەو دەسەڵاتە خۆی بە داشداری ئیسلام دادەنێ، بەڵام لە بنەڕەتدا بە هەموو توانایەوە دژایەتی لەگەڵ ئیسلام و موسڵماناندا دەكا. دەسەڵاتداریی ئاخوندی لە ئێران لە ماوەی 42 ساڵی رابردوودا هەموو توانای بۆ دژایەتی و لێدانی نەتەوەكانی ئێران بەكار بردووە. بەتایبەت خەڵكی كوردستانی ئێران لەلایەن ئەو رژیمە خوێنرێژ و دژە ئینسانیەوە زوڵم و زیانی زۆری لێ كەوتووە.

بەرێز كاك بابەشێخ سكرتێری گشتی سازمانی خەبات لە درێژەی وتارەكەیدا و لە چوارچێوەی سەركوت و زوڵم و زۆری رژیم لە خەڵكی كوردستان و بەتایبەت پێشرەوانی دینی وتی: رژیمی ئاخوندی دەستی نە لە سونی و نە لە هیچ پێكهاتەیەكی دیكەی كوردستان نەپاراستووە، ئەو دەسەڵاتە مامۆستا مەلا برایمی حیكمەت كە 80 ساڵی تەمەن بوو لەسێدارەدا تەنیا لەبەر ئەوەی سونی بوو.

كاك بابەشێخ لە درێژەدا ئیشارەی بە هاوئاهەنگی و پێوەندی بزوتنەوەی كوردستان بە جوڵانەوەی سەرانسەری كرد و وتی: سازمانی خەبات و پێشمەرگەكانی سازمان هاوتەریب و دۆستانە لەگەڵ سازمانی موجاهیدینی خەڵكی ئێران و شۆرای ملی مقاومەت زیاتر لە رابردوودا بۆ ئاشكرا كردنی كردەوەكانی رژیمی بێزرا و دژە ئیسلام و دژە مرۆڤی ئاخوندی لە كۆمەڵی نێونەتەوەیی و ناوچەكە هەوڵ دەدا.

شایانی گوتنە ژمارەیەكی بەرچاو لە بەرپرس و كادر و ئەندام و پێشمەرگەكانی سازمانی خەبات لەو كونفرانسە بەرینەدا بەشدار بوون.

Ali
ڕێکه‌وت: 2021-04-16 09:07:35
به‌شی ( سکرتێری گشتی )





دیمانه

سیاسی