له‌سه‌رهێل 91
یه‌ک شه‌مه‌ 10 گه‌لاوێژ 2721
سازمانی خه‌باتی کوردستانی ئێران
دانپێدانانی نوێنەرێکی مەجلیسی ڕژیم بە تەقەكردنی بەعەمد لە کۆڵبەران!

بێهزاد ڕەحیمی، نوێنەری مەجلیسی دواکەووتوی ڕژیمی ئاخوندی دانی بەوەدا ناوە کە هێزە سەرکوتگەرەکانی ڕژیم بەعەمد تەقە لە کۆڵبەران دەکەن.
ناوبراو لەگەڵ ئاماژە بەوەی كە هێزە جینایەتكارەكانی ڕژیم بە عەمد تەقە لە سەر و دڵی كۆڵبەران دەكەن، ووتی کە لەماوەی دوو حەوتوی ڕابردوودا 4کۆڵبەر بەتەقەی ڕاستەوخۆی هێزەکانی ڕژیم کوژراون، و لەو پێوەندەدا ووتی كە هۆشداریان داوە ئەگەر گومانیان لە هەندێک کەس هەبوو، ئەوە دەستگیریان بکەن یان بە فیشەکی پلاستیکی تەقەیان لێبکەن، بەڵام بەداخەوە ڕاستەوخۆ تەقە لە سەر و دڵی ئەو کەسانە كراوەو كوشتویانن.
ناوبراو هەروەها باسی لەوەش کردووە کە ئەوانەی کاری کۆڵبەری دەکەن دیارن و چەک و چۆڵیان پێ نیە، بەڵام هێزە جینایەتكارەكانی ڕژیم بەبیانوی ئەوەی كە شەو بووە و وایان زانیوە دوشمنن، دەقەیان لێكردوون.
بەداخەوە کوشتنی کۆڵبەران لەکوردستان زۆر زیادی کردووە، ڕۆژانە لە شارە سنووریەکانی کوردستان کۆڵبەران بەهۆی تەقەی ڕاستەوخۆی هێزە ئینتزامیەكانی ڕژیم گیان لە دەست دەدەن....
ڕێکه‌وت: 2021-07-04 10:34:36
به‌شی ( هه‌واڵی کوردستان )





دیمانه

سیاسی