له‌سه‌رهێل 42
یه‌ک شه‌مه‌ 10 گه‌لاوێژ 2721
سازمانی خه‌باتی کوردستانی ئێران
كێشەی كەمی بەرق لە ئێران ناڕەزایەتی خەڵكی لێكەوتەوە

 كێشەی كەمی بەرق لە زۆرێك لە شارەكانی ئێران، ناڕەزایەتی و خۆپیشاندانی خەڵكی ئەو وڵاتەی لێكەوتەوە.
شەوی شەممە 12ی پووشپەڕی ساڵی 1400،ناوچەیەکی بەرین لە شارەکانی تاران و کەرەج تا بەرەبەیانی ڕۆژی یەکشەممە بەرقیان نەبووە، ئەمەش توڕەیی و ناڕەزایەتی خەڵكی لێكەوتەوە و خەڵك بە دروشمی (مرگ بر دیکتاتور) و (مرگ بر خامنەای) هاواری ناڕەزایەتی دەرئەبڕن.
جێی باسە ئەو ناڕەزایەتی و خۆ پیشاندانانە تا 14ی پەشپەڕ، بەردەوامی هەبووە و بەپێی ڕاپۆڕتەكان خەڵکی شارەكانی(کهریزک, پاکدشت, فشافویە, شهرری, گوهردشت, قائمشهر, بهشهر, بهنمیر مازندران, دریا کنار بابلسر, ێ‌مل, پاکدشت, شیراز, کرج, کازرون, فریدون کنار, بندرگز و جویبار مازندران) بە کۆبوونەوەو ناڕەزایەتی دەربڕین لە دەوری ئیدارەی بەرق و بە وتنەوەی دروشمی دژی ڕژیم, داوایان لە بەرپرسانی ئەو ئیدارە کردووە که دەست لە کار بکێشنەوە.
لە گەوهەردەشت خەڵکی وەزاڵەهاتوو دروشمی مەرگ و نەمانیان بۆ خامنەیی جینایەتکار دا، و لە فەشافویەش خەڵک بە دانانی سەتڵی زبڵ ڕێگەی هاتووچۆی شەقامەکانیان بەست.
پچڕانی بەردەوامی بەرق بە بێ ئەوەی لەلایەن دامودەزگاكانی بەرقی ڕژیمەوە ڕابگەێندرێ، بۆتە هۆی دروستبونی كۆمەڵێك کێشە لە ژیانی ئاسایی خەڵک و ژیانی ئەستەمتر کردووە لەوانەش، دروستبوونی ئاڵۆزی لەترافیكەكاندا، كاری نەخۆشخانەكان و فەوتی زۆرێك لە نەخۆشەكان..، ناوەندە دەرمانیەكان و زۆرێك لە ئیدارە حكومەتیەكان...، بەردەوامبوونی ئەو ڕەوتەش دەتوانێ ببێتە مەترسییەک بۆسەر ڕژیم.
بەرپرسانی بەرقی ڕژیم ڕایانگەیاندووە كە ئەگەری بەردەوامی نەبوونی بەرق لەشارەکانی تاران و کەرەج زۆرە و ڕەنگە تاریکی سەرتاسەری لە ئێران ڕوو بدات.
ڕژیمی ئێران لە کاتێکدا باس لە بەردەوامبوونی نەبوونی بەرق دەکات و ناتوانێ بەرق دابین بکات، کە یەکێکە لە وڵاتە هەرە دەوڵەمەندەکانی خاوەن سەرچاوەی نەوت و گازی جیهانی و دەتوانێ لە وێستگەکان بۆ دابینکردنی بەرق کەڵکی لێ وەربگرێ.
ڕێکه‌وت: 2021-07-06 10:12:25
به‌شی ( هه‌واڵی ئێران )





دیمانه

سیاسی