له‌سه‌رهێل 315
هه‌ینی 10 پووشپه‌ڕ 2722
سازمانی خه‌باتی کوردستانی ئێران
دەورەیەكی دیكەی فێرگەی پێشمەرگایەتی سازمانی خەبات كۆتایی پێهات

 دەورەیەكی سەرەتایی پێشمەرگەی تازە پەیوەست بوو بەڕیزەكانی سازمانی خەبات كۆتایی پێهات.
ڕۆژی چوارشەممە ڕێکەوتی 16ی پوشپەڕ، ڕێوڕەسمی كۆتایی هاتنی دەورەی سەرەتایی و چەكداركردنی پۆلێك پیشمەرگەی تازە پەیوەست بوو، لەژێر چاودێری و بەڕێوەبردنی كۆمیسیۆنەكانی سیاسی نیزامی و پەروەردە و لەژێر ناوی دەورەی شەهید "تاهیر خزری" بەڕێوەچوو.
سەرەتای ڕێوڕەسمەكە بە دەقەیەك بێدەنگی بۆ ڕێزگرتن لە ڕوحی شەهیدان و لەسەروویانەوە جەنابی مامۆستا سەیید جەلال حسینی دامەزرێنەری سازمانی خەبات، دەستی پێكرد، و پاشان چەند وتەیەك لە لایەن بەڕێز كاك کامیل نورانی فەرد بەرپرسی کۆمیسیۆنی پێشمەرگەی سازمانی خەبات پێشكەش كرا كە تێیدا گرینگی خەباتی پێشمەرگانە و دەسكەوت و بایەخی خەباتی چەندین ساڵەی هێزی پێشمەرگە، بەرجەستە كرابوو.
بەرێز نورانیفەرد بەهێنانەوەی وتەیەکی ئەرەستوو لەسەر کۆمەڵگای بەختەوەر کە بە ڕێژەی تاکی سیاسیەکەی مەزندە دەکرێ، پێناسەی هاتن بۆ ناو ڕیزی شۆڕشی کرد و پەیوەستبوون بە ڕیزی پێشمەرگایەتی بە ئەرکێکی ئەخلاقی و نەتەوەیی و مرۆڤانە زانی. ناوبراو لەقسەکانی دا تیشکی خستە سەر دوایین پێشهاتەکانی ئێران و هاتنە سەرکاری ئاخوندی جینایەتکار ڕەئیسی، و بە لەبەرچاو گرتنی ڕەوشی پڕ قەیرانی ئێران، ئەرکی هێزی پێشمەرگەی بە هەستیارتر و گرینگتر زانی و لەئاستی جوڵانەوەش دا لەسەر زەرورەتی پێكەوەبوونێكی هەمەلایەنە و واقعیانە لەسەر ئەساسی ڕێز و خوێندنەوەی بەرانبەر پێداگری كرد.
لەدوای وتەكانی كاك کامیل نورانی فەرد، سرودی من پێشمەرگەم، لە ڵایەن هاوڕێیانی تازە پەیوەست بوو پێشکەش کرا.
پاشان لەلایەن هاوڕێی پێشمەرگە شاهۆ حاتەمی پەیامی سپاس و پێزانین لە مامۆستایانی فێرگە خوێندرایەوە و لە پاشان دا چەكی شەرەف و كەرامەت لەلایەن کادری بەرێوەبەری کۆمیسیۆنی سیاسی نیزامی پێشكەش بە پێشمەرگە تازە پەیوەست بووەكان بەریزی سازمانی خەبات، كرا.

ڕێکه‌وت: 2021-07-09 21:09:43
به‌شی ( چالاکیه‌کان )






  به‌شی : هه‌واڵی ئێران   کات : 2022-06-30 19:57:10
به‌شی : هه‌واڵی کوردستان
ڕێکه‌وت : 2022-06-25

به‌شی : هه‌واڵی ئێران
ڕێکه‌وت : 2022-06-24

به‌شی : هه‌واڵی ئێران
ڕێکه‌وت : 2022-06-24

سیاسی