له‌سه‌رهێل 90
یه‌ک شه‌مه‌ 10 گه‌لاوێژ 2721
سازمانی خه‌باتی کوردستانی ئێران
په‌یامی پیرۆزبایی سکرتێری گشتی سازمانی خه‌بات به‌بۆنه‌ی هاتنی جه‌ژنی قوربان

هاونیشتمانیانی موسڵمان لە كوردستان!

موسڵمان لە ئێران و جیهان!

بە بۆنەی جێژنی قوربان، جێژنی فیداكاری و گیان بەخشین لە پێناو باوەڕو بڕیاڕی یەزدانی بێ‌ هاوتا،جێژنی بە گژدا هاتنەوەی ستەمگەران و بێدادی و جێژنی هاوكاری و یارمەتی هەژاران و لێقەوماوان، گەرمترین پیرۆزبایی بە موسڵمانان لە كوردستان،ئێران و جیهان پێشكەش دەكەم. لە كاتێكدا جێژنی قوربان بەرز ڕادەگرین كە بە داخەوە ڕژیمی دەسەڵاتدار لە ئێران، ئارامی بۆ جەماوەر نەهێشتۆەو بۆتە هۆی بێكاری، گرانی، ستەم و جینایەت.

گەندەڵی دەسەڵاتداران، ژیانی جەماوەری سەخت كردوەو قەیرانی جیاجیا، بەرۆكی خەڵك بەتێكڕاو نەتەوەو ناوچەو شارەكانی كوردستان، بلوچستان و خوزستان بە تایبەتی گرتۆتەوە. لە ئێستادا جەماوەری عەرەب زمان لە ناوچەو شارەكانی خوزستان لە بەر بێ‌ ئاوی و ووشكەساڵی لە كێشەدان و لەدوای دەربڕین و ڕاگەیاندنی داواكانیان، كەوتونە بەر بێڕەحمانەترین سەركوت و ستەم و چەوسانەوەو تا ئێستا سێ كەس لە هاووڵاتیانی عەرەب لە لایەن هێزە سەركوتگەرەكانی ڕژیمی دەسەڵاتدار لە ئێران شەهید كراون.

ستەم و بیعەداڵەتی دەسەڵاتی دیكتاتۆر لە ئێران لە بەرانبەر نەتەوەكانی ئێران بە گشتی و بە دیاری كراوی لە بەرانبەر گەلی كوردی خاوەن مێژوو هەزاران ساڵە، ئەو ڕاستیەمان بۆ دەسەلمێنێ‌ كە دەسەڵات لە ئێران لە كۆن تا ئێستا نایانهەوێ‌ و نەیان ویستوە مافەڕەواكانی گەلانی ئێران قەبوڵ بكەن، كە ئەوكردەوە دزێوانەی دەسەڵاتداران لە كۆن تا ئێستا بۆتە هۆی شێواوی و ناسەقامگیری لە ئێراندا.

پەراوێز خستنی جەماوەری كوردو تێكڕای نەتەوەكانی ستەم لێكراو لە ئێران سەرچاوەكەی لە هەستی ڕەگەزپەرەستی و زاڵ كردنی بڕیاڕی كەمینە بە سەر زۆرینەداو پێشێلكردنی هەموو بنەما ئینسانی و ئایینی و دیموكراتیكەكانە كە هیچ كات سەركەوتوو نابێ. بەم بۆنەوە سیاسەتی دژمنانەی دەسەڵاتداری دیكتاتۆر لە ئێران بەرانبەر خەڵكی خوزستان بە توندی مەحكوم دەكەم و دڵنیام كە ئازادی بۆ گەلانی ستەملێكراوی ئێران دێتە دیی.

لە گەڵ پیرۆزبایی دووبارەم بە بۆنەی جێژنی قوربان

بابەشێخ حوسەینی

سکرتێری گشتی سازمانی خه‌بات

٢٩ ی پوشپەڕی ١٤٠٠ كۆچی خۆری
ڕێکه‌وت: 2021-07-20 00:19:03
به‌شی ( سکرتێری گشتی )





دیمانه

سیاسی