سازمانی خه‌باتی کوردستانی ئێران
به‌بۆنه‌ی ٥ی خه‌رمانان ٤١مین ساڵڕۆژی دامه‌زرانی سازمانی خه‌باتی کوردستانی ئێران، به‌شێوه‌ی ڕاسته‌وخۆ و له‌به‌رنامه‌ی زووم، ڕێوڕه‌سمێکی شکۆدار به‌به‌شداری سکرتێری گشتی، ئه‌ندامانی سه‌رکردایه‌تی، کادر و ئه‌ندامان و پێشمه‌رگه‌کانی سازمان و هه‌روه‌ها دۆستان و نوێنه‌ری به‌شێک له هێز و لایه‌نه سیاسیه‌کان، له ئێواره‌ی ڕۆژی ٦ی خه‌رمانانی ١٤٠٠ی هه‌تاوی به‌رامبه‌ر به ٢٨ی ئاگوستی ٢٠٢١ی زاینی به‌ڕێوه‌چوو.
پاش به‌خێرهاتنی میوانان و کردنه‌وه‌ی مه‌ڕاسیمه‌که و وه‌ستانی ده‌قه‌یه‌ک بێده‌نگی بۆ گیانی پاکی شه‌هیدانی سورخه‌لاتی گه‌ل و سازمانی خه‌بات، داوا له کاک بابه‌شێخی حسینی سکرتێری گشتی سازمانی خه‌بات کرا، که به پەیامی پیرۆزباییی سکرتێری گشتی بە بۆنەی ٤١یه‌که‌مین ساڵڕۆژی دامەزرانی سازمانی خەبات، پێشکه‌ش به ئاماده‌بوان بکات.
کاک بابه‌شێخ وێڕای پیرۆزبایی ئه‌م یاده له ئه‌ندامان و پێشمه‌رگه‌کانی سازمانی خه‌بات و هاونیشتمانیانی کوردستان هه‌روه‌ها پیرۆزبایی له که‌سوکاری شه‌هیدان و زیندانیانی سیاسی، ڕایگه‌یاند که: سازمانی خەبات وەك هەمیشە له سەنگەری تێكۆشان و بەرخودان دەبێ لە بەرانبەر داگیركەران و ستەمگەران و دیكتاتۆراندا. پاشان له باسێکی کورت دا فەلسەفەو ئامانج و هۆی پێكهاتنی سازمانی خەباتی شیکرده‌وه و ڕایگه‌یاند که: دامەزرانی سازمانی خەبات لە هەلومەرجێكدا بوو كە خومەینی فەرمانی جیهاد و شەڕی دژی گەلی كورد ڕاگەیاند و كوردستان كەوتبوە بەر پەلامارو هێرشی پاسدارو هێزی چەكداری ڕژیمی تازە بە دەسەڵات گەیشتوو. بەو پێ یە یەكێك لە هۆكانی پێكهاتنی سازمانی خەبات،بە مەبەستی بەرنگاریكردن بەرانبەر ستەمكاری ودیكتاتۆری و خۆسەپێنیدا بوو. سازمانی خەبات لە ناو جەماوەری كوردستان و لە سەر دەستی چەندین كەسایەتی و تێكۆشەری گەلی كوردو بە ڕێبەرایەتی مامۆستا شێخ جەلال حوسەینی دامەزراو پێكهاتنیشی زەرورەت و پێویستیی مێژووی بوو، سازمانی خەبات لە ناوخۆی كوردستان و بە پشت بەستن بە جەماوەرو بە بیروباوەڕی نەتەوەیی و دوور لە ڕێنوێنی بێگانەو خارجیی دامەزرا. سازمانی خەبات ی كوردستانی ئێران خاوەن خەت و بەرنامەێكی نەتەوەیی و نیشتمانی بووە و هەر لە سەرەتای دامەزرانیەوە ئەوە ڕێبازی بووە،تەنانەت ئەو چەند ساڵەی كە بە ناوی سازمانی خەباتی نەتەوایەتی و ئیسلامی كوردستانی ئێران تێكۆشاوەو بە تایبەت لەو ساڵانەی دواییشدا كە بە ناوی سازمانی خەبات ی كوردستانی ئێران تێكۆشانی درێژە پێداوە، بەردەوام بووە لە ئەركی پیرۆزی شۆڕش و موبارزە لە پێناو هاتنە دیی ئامانجەكانی تێكڕای چین و تۆێژەكان و هەموو پێكهاتە فكری و ئایینیەكانی كوردستان.
سازمانی خەبات هەوڵ بۆ یەكدەنگی دروست كردن و پێكەوە كاركردن و لێك گەیشتنی تێكڕای بیروباوەرو فكرەكان و نەهێشتنی هەستی خۆسەپاندنی فكری و ئایینی و قۆرغ كردنی دەسەڵات لە دەست چینێك و باوەڕێكی دیاریكراو دایه . خەتی نەتەوەیی و نیشتمانی خەتێكی سەردەمیانەیەو بەربەرست دروست دەكا لە بەر دەم كەسانێك كە هەوڵ دەدەن جیاوازی مەزهەبی و ئایینی،جیاوازی چینایەتی،جیاوازی ڕەگەزی پەرە پێ بدەن. ڕێبازی نەتەوەیی و نیشتمانی جەماوەر بەرەو ئاشتەوایی و هاوكاری و هاودەنگی هان دەدات، بە شێوەیەك كە باوەڕەكان و جۆری بیركردنەوەكان نەبنە بەربەست لە حاست ئەرك و خزمەتە نیشتمانیەكاندا.
سکرتێری گشتی سازمانی خه‌بات له به‌شێکی تری په‌یامه‌که‌ی دا ڕایگه‌یاند که:كارو چالاكی دڵسۆزانەو پاكی سیاسی و پێشمەرگانەی سازمانی خەبات لە ماوەی ٤١ ساڵدا و چاوپۆشی لە قازانجی سازمانی لە پێناو قازانج و بەرژەوەندیە نەتەوەیی و نیشتمانیەكان دەرخەری ئەو ڕاستیەیە كە سازمانی خەبات خاون پرنسیپ و خاوەن بەرنامەیەو بە حەق بۆ خزمەتی جەماوەری كوردستان و بۆ دابین كردنی ئازادی و بەختەوەری كۆمەڵگەی كوردەواری پێكهاتوە.
شۆڕشی خاوێن وهەڵوێست و سیاسەتی دروست و سنوور دانان لە نێوان شۆڕشگێڕ و دژە شۆِرش و سنوور دیاری كردن لە نێوانی لە گەڵ دوژمن و داڕشتنی ئیستراتیژیك و بنەڕەتی لە كاری شۆڕشگێڕانە لە شوناسەكانی سازمانی خەباتی كوردستانی ئێرانە. هیچ وولاتێكی بێگانەو هیچ دەسەڵاتێك نەیتوانیوە كارێگەری هەبێ لە سەر سیاسەت و تێكۆشانی سازمانی خەبات و لە پێنجی خەرمانانی ساڵی ١٩٨٠ زایینی تا ئێستا هیچ دژمنێك نەیتوانیوە كەڵك لە سازمانی خەبات بۆ زیان گەیاندن بە هیچ لایەن و هیچ پێكهاتەیەك وەرگرێ.
ووت وێژ و دانوستان لە گەڵ ڕژیمی ئاخوندی بە خەتی سوور دەزانین كە ئەو بڕیاڕە، هەڵقوڵاوی فەلسەفەو بنەڕەتی شۆرشگێرانەیەو لە ئاكامی سیاسەت و بریاڕی دژمنە، بۆ وێرانكردنی كوردستان و تەفروتونا كردنی گەلی كورد، و بە شێوەێكی بەرینتر بۆ وێرانكردنی ئێران بەگشتی و لە ناوبردنی تەدریجی و قۆناغ بە قۆناغی خەڵكی ئێرانە...
بڕگه‌ی کۆتایی په‌یامه‌که‌ی کاک بابه‌شێخ حسینی تایبه‌ت بوو به بارودۆخی ئێستایی ئێران و کوردستان و هاتنه سه‌رکاری ئاخوند ڕه‌ئیسی و ڕایگه‌یاند که: ئاخوند ڕەئیسی یەكێك لە ئاخوندە نزیكەكان و هاوكارەكانی خامنەیی ڕێبەری ڕژیمە كە بە دیاری كردنی ناوبراو بۆ سەرۆك كۆماری ڕژیم، سێ كوچكەی دەسەلات یەكیان گرت و تەواوی پێكهاتەو ئورگانەكانی ئیجرایی و قانون دانان و قەزایی لە دەست مۆرە دیارەكانی خامنەییەو تاوانبارەكان و جەللادەكانی قەتڵوعام كردنی زیندانیانی سیاسی و شۆڕشگێڕانی موجاهیدین و تێكۆشەرانی كورد، ئێستا ئەهرومی دەسەڵاتیان بە دەستەو هەموو لە ژێر دەستی خامنەیی و موجتەبای كوڕیدان. بە یەك دەست بوونی سێ كوچكەی سیستم و پێكهاتەی دەسەڵات، هەلومەرج لە ئێراندا خراپتر دەبێ و خەڵك زیاتر لە ڕابردوو دەكەونە بەر هێرش و سەركوت و شكەنجەو، ئیعدامی زیندانیانی سیاسی و تێكۆشەران زیاتر پەرەدەستێنێ و ناوەندە ئەمنیەتیەكانی ڕژیم دەست ئاوەڵە تر دەكرێن بۆ ئەوەی ژیانی ڕۆژانەو سات بە ساتی خەڵك بخەنە بەر چاودێری كردن...
هه‌ر له‌م په‌یوه‌ندیه‌دا سکرتێری گشتی ئاماژه‌ی به‌وه کرد که : دەسەلاتداران ئەو ڕێچكە پیس و پۆخڵەی كە هەر لە سەرەتاوە خومەینی بۆ پاراستنی دەسەڵاتی گرتیە بەر كە دو نمونەی ئەو سیاسەتی پاكتاوكردنی موخالفان، فەرمانی جیهاد بۆ سەر خەڵكی كوردستان و فەرمانی قەتڵو عامی زیاتر لە ٣٠٠٠٠ هەزار زیندانی سیاسی لە ساڵی ١٣٦٧ كۆچی خۆری بوو.لەم كاتە حەستەم و مێژووییەدا جەماوەری ئێران بە یەكگرتوویی و بە خەباتی یەكانگیر دەتوانن بەربەستێكی ئاسنین بن لە بەرانبەر سەركوت و چەوسانەوەو بە ناڕەزایەتی سەرانسەری دەسەڵاتی دیكتاتۆری ئاخوندی بڕوخێنن...
له درێژه‌ی باسه‌که‌ی دا کاک بابه‌شێخ ئاماژه‌ی به‌وه کرد که: یەكێكی دیكە لە ئامانجە چەپەڵه‌كانی دەسەڵاتداران، كار نەكردن و ڕیگری نەكردن بۆ بڵاو بونەوەی نەخۆشی كۆڕونا لە ئێران و بێ دەربەستیان بە مردنی خەڵكی بێ تاوان بووە.ئاخوندەكان نەخۆشی كۆڕۆنایان وەك هۆیەك بۆ بێ دەنگ كردنی جەماوەری ئێران و كەم كردنەوەی ناڕەزایەتیەكان بەكار هێنا.بە داخەوە كۆڕۆنا تا ئێستا بۆتە هۆی مردنی زیاتر لە ٣٠٠ هەزار دانیشتووی ئێران و دەسەڵاتداران لە سەرویانەوە خامنەیی گرینگی بە چارەسەرەكان و هێنانی واكسین لە وولاتانی دیكە نادەن...
سیاسەتی خارجی و دەرەوی ڕژیم هەر وەك چۆن لە ڕابردوودا پشتی بە هەرەشەو ئاژاوەگێڕی لە وولاتانی ناوچەكەو جیهان بستبوو سەرمایەی خەڵكی ئێرانی بۆ پێكهاتنی گروپ و تاقمە ترۆریستیەكان و خەرجی مانەوەو بەردەوام بوونیان و كردەوە ترۆریستیەكانی خەرج كردوە بێگومان لە ڕۆژان و مانگەكانی داهاتوو بە بونی ئەم پێكهاتە قاتڵ و جینایەتكارەی دەسەڵات، شاهیدی كردەوەی ترۆریستی دەست و پێوەندەكانی ئەو ڕژیمەو دەست تێوەردانیان لە كاروباری ووڵاتانی ناوچەكەو شەرخوازی لە ناوچەكەدا دەبین.
سکرتێری گشتی سازمانی خه‌بات له به‌شی کۆتایی قسه‌کانی دا له‌سه‌ر هاکاری و په‌یوه‌ندی له نێوان هێزه سیاسیه‌کان دا دواو به‌ناوی سازمانی خه‌بات،ەوه داوای له هێز و لایه‌نه سیاسیه‌کانی کوردستان کرد که هاوده‌نگی و هاوکاریه‌کانیان له‌سه‌ر خه‌بات ڤۆ ڕژیمی ڕژیمی دیكتاتۆری ئاخوندی و خەبات بۆ دابین كردنی مافەكانی گەلی كورد یەك بخەن و ڕایگه‌یاند که: ئەو دوو خاڵە بنەڕەتیە كە بریتیە لە ڕوخانی ڕژیم و مافەكانی گەلی كورد لە چوارچێوەی ئێراندا بكەینە بنەمای كاركردنمان. هەروەها داواكارم هێزو لایەنەسیاسیەكانی كوردستانی ئێران هاوشێوەی سازمانی خەبات، هاوكاری كردن و هاوبەشی كردن لە گەڵ ئوپۆزیسیۆنی ڕژیم واتە سازمانی موجاهیدینی خەلقی ئێران و شوڕای میللی مقاومەتی ئێران ڕەوتی روخانی ڕژیم خێراتر بكەین و هەروەها بۆ پێكهاتن و دامەزراندنی حكومەتی سكۆلارو دیموكڕاتیك لە ئێران تێ بكۆشین.
په‌یامی سازمانی موجاهیدینی خه‌لقی ئێران لهلایهن کاک سه‌یفه‌دین خوێندرایه‌وه. سازمانی موجاهیدینی لە پەیامەكەیدا پیرۆزبایی له كاك بابەشێخ حسینی سکرتێری گشتی، سه‌رکردایه‌تی و ئه‌ندام و پێشمه‌رگه‌کانی سازمانی خه‌بات و له کۆمه‌ڵانی خه‌ڵکی کوردستان دەكات و تیایدا هاتووە كە بەبۆنەی دامەزرانی سازمانی خەبات لە پێنجی خەرمانانی ١٣٥٩ بە سڵاو و درود بۆ مامۆستا سەید جەلال حوسەینی دامەزرێنەری سازمانی خەبات و خەتی خۆراگری و بەربەرەكانێ لە بەرامبەر رژیمی دژە ئینسان و كوردكوژی ئاخوندی دەنێرێ. لە پەیامەكەی سازمانی موجاهیدینی دۆستدا هاتووە: رێبەر و ئەندام و پێشمەرگەكانی سازمانی خەبات چل ساڵە لەسەر پێویستی و بنەمای روخانی رژیمی ئاخوندی و لەسەر مەرزبەندی لەگەڵ دیكتاتۆرەكانی شا و شێخ و پاشماوە و كلك و شوێنكەوتووانیان، كە پێویستی رەوانەوەی زوڵم و ستەمی خەڵكی چەوساوەی كوردستانە، پێداگری كردووەتەوە.
سازمانی خەباتی كوردستانی ئێران هەروەها بە رەت كردنەوەی هەر جۆرە رێگەیەكی سازشكارانە و وتووێژ لەگەڵ دەسەڵاتدارانی تاوانكار، باوەڕی نەگۆڕ بە خەبات بۆ دیموكراسی و ئازادی خەڵكی ئێران و خودموختاری كوردستان سەلماندوە و هەڵگری سیاسەتێكی رەسەن و پێشكەوتنخوازانە بۆ خەڵكی كوردستانی ئێرانە. سیاسەتی دروستی سازمانی خەبات لە یەك چارەكە سەدەی رابردوو لەسەر ئەساسی هاوپەیمانی لەگەڵ سازمانی موجاهیدینی خەڵكی ئێران و شۆرای میللی مقاومەت، مێژوویەكی بەرز و درەوشاوەیە لە پێوەند بە مقاومەتی سەرانسەری خەڵكی ئێران، پێوەندیەك كە درەخەری ئاگاهی و رەسەنایەتی خەت و ئامانجی سازمانەكەتانە و پروپاگەندەی ناپەسەندی رژیم لەبارەی جیاخوازی پێشمەرگە و خەباتكارانی كوردستانی ئێران، دەكاتە بڵقی سەر ئاو.
لە درێژەی پەیامەكەی سازمانی موجاهیدیندا هاتووە: خوشك و برایانی بەرێز! هەلومەرجی ئێستا وادەخوازێ كە بە تەوژمتر بۆ بە ئاكام گەیشتنی چوار دەیە خەباتی بەردەوام و شێلگیری پێشمەرگە و رێبوارانی رێی ئازادی، بۆ دەستەبەری مافی چەوساوان و تۆڵەی خوێنی قوربانیانی دەستی رژیمی شومی ئاخوندی لەو چل ساڵەدا، بۆ وەرگرتنەوەی مافی زەوتكراو و بە تاڵان براوی خەڵكی ئێران و هەموو نەتەوەكانی، بۆ ئەو كۆڵبەرە زوڵم لێكراوانەی كە رۆژانە لەلایەن پاسدارانی رژیمی ئاخوندیەوە خوێنیان بە نارەوا دەرژێ، هەوڵ و خەبات و لەخۆبردووییمان لە بەرامبەر رژیمی سەركوتگەردا زیاتر و بەرفراوانتر بكەین و ریشەی دیكتاتۆری سەرەرۆی ئاخوندی لە بن دەرێنین. كە خەباتی سازمانی خەباتی كوردستانی ئێران و سازمانی موجاهیدین و شۆرای میللی مقاومەتی ئێران لەو راستایە. لە سەركەوتنی ئەو خەباتە رەوایە بۆ ئازادی ئێران و خودموختاری كوردستان شك و گومانێك نیە.
په‌یامی تەشکیلاتی لاوانی ناوخۆی ووڵات لە ساڵیادی دامەزرانی سازمانی خەباتی کوردستانی ئێران لهلایهن ته‌شکیلاتی ناوخۆوه پێشکه‌ش به ئاماده‌بوان کرا. له په‌یامه‌که‌دا وێڕای پیرۆزبایی له ئه‌ندامانی سازمانی خه‌بات هاتوه که: سازمانی خەبات تەشكیاتێكی سیاسی و تێکۆشەرە، بە پێشینەیەکی پتر لە ٤١ سال خەباتی رامیاری و پێشمەرگانە لە دژی ڕژیمی ستەمگەری ئاخوندی و هەوڵ بۆ دەستەبەرکردنی مافەكانی نەتەوەکەمان دەدا. لە کاتیکدا یادی دامەزرانی سازمانی خەبات بەڕێوەدەبەین و پێشینە وموبارەزەی دەنرخێنین کە تروسکەی هیواداری بۆ رزگار بوون دەبیندرێ و شنەی ڕزگاری وڵات وا دەشنێتەوەو مژدەی هەوڵەکانی ڕۆشنگەرانەی چینی لاو و ئازدیخوازان و ڕووخانی ئەهریمەنی سەفەوی سەردەم دێتە گوێ. له به‌شێکی تری په‌یامی ته‌شکیلات دا هاتوه که: لە ساڵیادی دامەزرانی سازمانی خەبات بە ڕێبەری مامۆستای نەمر شێخ جەلالی حوسێنی دەستی هاوڕێیانمان لە سازمان دەگوشین و بڕیار ئەدەین بۆ درێژەدان بە خەبات دژی رژیمی پەت وسی پەت وسێدارە هەردەم ئامادەبین و وافادارانە ئەرکە سازمانیەکانمان بە جێ بهێنین.
په‌یامی بنەماڵەی شەهیدان، لهلایهن داده فاتمه‌وه پێشکه‌ش به ئاماده‌بوان کرا. له سه‌ره‌تایی په‌یامی بنەماڵەی شەهیدان دا هاتوه که : دامه‌زراندنی سازمانی خه‌بات ی كوردستانی ئێران له ٥ی خه‌رمانانی ١٣٥٩ دەستپێكی خەبات و تێكۆشانی نەتەوەیی و خۆماڵیانەو پرشنگداره له جولانه‌وه‌ی رزگاریخوازانه‌ی گه‌له چه‌وساوه‌كه‌مان و جێگه‌ی شانازی و هیوا و وره به‌خشی خه‌ڵكی كوردستانه...
له درێژه‌ی په‌یامه‌که‌دا ڕاده‌گه‌یه‌نن که : ئه‌گه‌رچی سازمانی خه‌بات له‌سه‌ره‌تای گه‌شه‌كردنیدا تووشی گه‌لێك هه‌وراز و نشێو بۆوه ، به‌لام خۆنه‌ویستی و كۆڵنه‌ده‌ری ڕابه‌ران وئه‌ندام ولایه‌نگرانی، ئه‌و ڕێگیریانه‌ی تاڕاده‌یه‌ك لابرد و له پێناو ئه‌و ره‌ِساڵه‌ته‌ی كه خستبوویه سه‌ر شانی، ئه‌و كات و ئێستاش لێبڕاوانه هه‌ڵده‌سوورێ. بۆ ڕێبوارانی ڕێبازی سازمانی خه‌بات سه‌ربه‌رزیه كه له مه‌یدانی ووشیار كردنه‌وه‌ی جه‌ماوه‌ر و كاری سیاسی و ته‌شكیلاتی و چالاكیی كه‌م وێنه‌ی پێشمه‌رگه‌یی و ڕاگه‌یاندن، به‌پێی تواناو هه‌ل و مه‌رجی ناله‌باری ئه‌وكات ده‌وری به‌رچاو و كاریگه‌ریان نواند...
له به‌شێکی تری په‌یامی بنه‌ماڵه‌ی شه‌هیداندا هاتوه که:سازمانی خه‌بات ئه‌و ته‌شكیلاته‌یه كه گیانی دەیان كه‌س له باشترین رۆڵه‌كانی كوردستانی تێدا فیدای ئامانجه به‌رزه‌كانی كورد كراوه و خۆینی ئه‌و رۆڵه قاره‌مانانه پێش كه‌ش به باره‌گای پیرۆزی نه‌ته‌وه و نیشتمانی كورد كردووه. بێ گومان ئه‌و ڕۆحه خۆنه‌ویست و نیشتمانپه‌روه‌رانه‌یه هه‌نووكه‌ش له پێشمه‌رگه و ئه‌ندام ولایه‌نگر و دۆستانی سازمانی خه‌باتدا ده‌بیندرێ و به پشت ئه‌ستووری به نه‌ته‌وه قاره‌مانه‌كه‌مان له‌سه‌ر ئه‌و به‌رنامه و هه‌ڵوێسته تا سه‌ركه‌وتنی یه‌كجاری نه‌ته‌وه زوڵملێكراوه‌كه‌مان به‌رده‌وام ده‌بن.
له کۆتایی په‌یامی بنه‌ماڵه‌ی شه‌هیداندا هاتوه که: به‌ئاوڕدانه‌وه لەدۆخی ئیستای ڕژێمی دیكتاتۆری ئاخوندی كه ساته‌كانی كۆتایی ژیانی تێپه‌ڕده‌كات، پێویسته زیاتر له‌رابردوو ریزه‌كانمان یه‌ك خه‌ین و خۆمان بۆ هه‌ر جۆره ئاڵوگۆر ئاماده بكه‌ین. بێ گومان جولانه‌وه‌ی ڕزگاریخوازی كوردستان و خه‌باتی جه‌ماوه‌ری خه‌ڵكی ئێران له‌به‌رامبه‌ر ڕژیمی ملهوڕی ئاخوندی دا سه‌رده‌كه‌وێ و به زوویی له ئێراندا ده‌سه‌لاتێكی دیموكراتیك و نیشتمانی داده‌مه‌زرێ و گه‌لی كورد و خه‌ڵكی ئێران له سایه‌ی ئازادی و دیموكراتی دا به ماف و داوا ڕه‌واكانیان ده‌گه‌ن و ئاسه‌وارێك له سه‌ركوت و هه‌ڕه‌شه نامێنێ.
په‌یامی هاوبه‌شی ڕێکخراوی ئافره‌تان و لاوانی سازمانی خه‌بات لهلایهن کاک ماردین به‌رپرسی لاوانی سازمانی خه‌باته‌وه پێشکه‌ش کرا. وێڕای پیرۆزبایی له ساڵڕۆژی دامه‌زرانی سازمانی خه‌بات، له په‌یامی ڕێکخراوی ئافره‌تان و لاوانی سازمانی خه‌بات دا هاتوه که: پێش ٤١ ساڵ و لە ٥ی خەرمانانی ١٣٥٩ی کۆچی خۆری، ژمارەیەک لە کەسایەتی و مامۆستایانی ئاینی خۆشناو و شۆڕشگێڕی کوردستان بە سەرکردایەتی جەنابی مامۆستاشێخ جەلال حسینی، سازمانی خەباتیان دامەزراند. سازمانی خەبات هەر لەسەرەتای دامەزراندنیەوە بە بوونی سەرکردایەتی لێهاتوو و زانا، پێشمەرگە و کادری چاونەترس و لە خۆبوردوو ترسیان خستە دڵی دوژمنەوە. پێشمەرگەکانی سازمانی خەبات لە نووسینەوەی مێژووی پڕ شانازی سازمانی خەباتدا چەندان داستانیان لە بەرنگاربوونەوەی هێزەکانی ڕژێمی ئاخوندی و دوژمنانی کورد و کوردستان تۆمارکردوە . له به‌شێکی تری په‌یامی لاوان و ئافره‌تان دا هاتوه که: لاوان و ئافرەتان لە ڕیزەکانی سازمانی خەبات بەردەوام لە خزمەتکردن و بەگوڕترکردنی خەبات، دەوری گرینگ و کاریگەریان هەبووە، لە درێژەی بەرەوپێش چوونی زیاتری سازمانی خەبات و بەبینینی توانا و ئامادەیی ئافرەتان و لاوان بە کردەیی، بۆ بواردان و هەلی زیاتر ڕێکخراوەکانی تایبەت بە ئافرەتان و لاوان دامەزرێندران. ئێستاش سازمانی خەبات بە بەرنامە و پەیڕەوی سەردەمیانە، پەروەردەکردن و پێگەیاندنی پێشمەرگە و کادری لێهاتوو، گرنگی دان بە بوارەکانی ڕاگەیاندن و بڵاوکردنەوە، پتەوکردنی پەیوەندی لەگەڵ کەسایەتیەکان و هاونیشتمانیان لە ناوخۆی وڵات، بەهێزکردنی تەشکیلاتی ناوخۆ و بواردان بە لاوان و ئافرەتان و دامەزراندنی ڕێکخراوەکانی تایبەت بەهەریەک لە خۆیان بەردەوامە لە نوێگەری و پێویستیەکانی سازمانێکی بەهێز و کاریگەری هێناوەتە ئاراوە.
به‌شێکی تر له بڕگه‌کانی تری ئه‌م مه‌راسیمه تایبه‌ت بوو به سرودو و هۆنراوه و گۆرانی له لایه‌ن ئه‌ندامانی سازمانی خه‌باته‌وه.
به‌شی ( چالاکیه‌کان )
ڕێکه‌وت : 2022-05-16
ڕێکه‌وت : 2022-05-16
ڕێکه‌وت : 2022-05-15
دیمانه
به‌شی : دیمانه رۆژ: 2020-07-23
وتوووێژی بەڕێز مامۆستا سەید جەلالەددینی حوسەینی لەگەڵ گۆڤاری k21 سازدانی دیمانه : ئه حمه د سه فا مامۆستا سەید جەلالەددین حوسەێنی یەکێک لە کەسایەتیە شۆڕشگێرەکانی ڕۆژهەڵاتی کوردستانە، پیاوێکی ئایینیەو لە مێژ ساڵە دژ بە ڕژیمی کۆماری ئیسلامی خەبات دەکات و بۆ مافی نەتەوایەتی گەلەکەی تێدەکۆشێ، بۆ ئەو مەبەستەش لەگەڵ چەند کەس لە مامۆستایانی هاوبیری لە دوای شۆڕشی سەرانسەری گەلانی ئێران و لەگەڵ دەسپێکی سیاسەتی نامرۆڤانە و کورد کوژی کۆماری ئیسلامی(سازمانی خەباتی کوردستان)ی دامەزراندووە تایبەتمەندی ئەو رێکخراوەیە لە ڕۆژهەڵاتی کوردستان ئەوەیە کە یەکەم ڕێکخراوی سیاسیە کە باوەڕی بە بنەماکانی ئایینی ئیسلام زیاتر ...
جەلال خۆشكەلام: بزوتنەوەی كورد پێویستی بە هاوخەباتی بوون و تێكۆشانی جددی هەیە
به‌شی : دیمانه رۆژ: 2020-04-23
وتووێژی ئەندامی سەرکردایەتی سازمانی خەباتی کوردستانی ئێران لەگەڵ ماڵپەڕی nnsroj
به‌شی : دیمانه رۆژ: 2020-01-27
شیلان محەمەدی: بزوتنەوەی ژنان لە ناوخۆ بزوتنەوەیەكی زیندوو چاوكراوەیە
به‌شی : دیمانه رۆژ: 2018-04-23
عەلی بەهرامی: هەتا زوڵم و چەوسانەوە هەبێ خەڵك بە چاوی ئومێدەوە لە ئەحزاب دەروانن
به‌شی : دیمانه رۆژ: 2018-04-20
كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینە
به‌شی : دیمانه رۆژ: 2017-11-12
سیاسی
به‌شی : سیاسی رۆژ: 2022-05-13
ماردین زاهدیداڕمانی ئابووری وڵاتێک دەتوانێ داهاتووی بخاتە مەترسی و خەساری قەرەبوو نەکراوەی بێ. هەلوومەرجی ئەمڕۆی ئێران لە باری ئابوورییەو زۆر خراپەو توێژێکی زۆری کۆمەڵگە تووشی خراپ ترین دۆخی ژیانی خۆیانن و ڕۆژ لە دوای ڕۆژیش ئەم دۆخە خراپتر ئەبێ. هەژاری و نەبوونی توانا بۆ دابین کردنی پێداویستیەکانی ژیان دەتوانێ زیانی قەرەبوو نەکراو دروست بکات. حکومەتی ئاخوندی ئێران بە گرتنە پێشی کۆمەڵێک سیاسەتی خراپ بۆ پەرەپێدانی بیرۆکە چەقبەستوەکانی خۆی وای کردووە هەژاری ڕۆژ لە دوای ڕۆژ زۆرتر خەڵکی ئێران و کوردستان برسیی بکات و چینی ناوەند لەو وڵاتە نەمێنی, کە وایە خەڵک یان هەژار دەبن و یان دەوڵەمەند. خەڵکی دە زیاتر ...
گەڵاڵەی بەربەست دروست كردن لە سەر ئینتەرنێت لە ژێر ناوی پارێزراوی دونیای مەجازی
به‌شی : سیاسی رۆژ: 2022-04-15
