له‌سه‌رهێل 60
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
بەرێوەچوونی كۆبوونەوەی سیاسی تەشكیلاتی بۆ رێكخستنی هەولێری سازمانی خەبات ی كوردستان

ڕۆژی هەینی ڕێكەوتی 17/9/2021 لە بارەگای ناوەندی سازمانی خەبات، كۆبوونەوەیەكی سیاسی و تەشكیلاتی بۆ بەشێك لە ئەندامان و لایەنگرانی سازمانی خەبات لە شاری هەولێر بەرێوە چوو. كۆبوونەوەكە بە دەقیقەێك بێدەنگی بۆ ڕێزگرتن لە ڕۆحی پاكی شەهیدان دەستی پێكرد، و پاشان بەرێز كاك كامیل نورانی فەرد ئەندامی دەفتەری سیاسی و بەرپرسی ڕێكخستنی ئاشكرای سازمانی خەبات لە هەرێمی كوردستان، لەسەر دوایین ڕەوشی جوڵانەوەی ڕزگاریخوازانەی گەلەكەمان و ئەركی ئەندامان لەو دۆخە هەستیارەی هەنووكە قسەی كرد.
بەرێزیان سەرەتای قسەكانی بە مەبەست و ئامانجی كۆبوونەوە و زەورەتی بایەخ دانی زیاتر بە ئەركە تەشكیلاتیەكان و جێبەجێ‌ كردنی ڕاسپاردە سازمانیەكان دەست پێكرد و چوارچێوە و كاری سازمانی شیكردەوە و باسی لەو هەڵە باوە لە كاری سازمانی لە ناو چوڵانەوەی ڕزگاریخوزانە كرد كە زۆربەی ئەركە تەشكیلاتیەكان دەخاتە سەر ئەو هێزەی لە بارەگاكان نیشتەجێن و هێزی ئەندامانی دەرەوەی بارەگاكان لەبەرچاو ناگرێ‌.
بەرێز نورانی فەرد، ئاماژەی بە كاری سازمانی و دەستەجەمعی كرد و بە پێناسە كردنی هێزی ڕێكخراو لە سێ بەشی (ناوخۆیی و تەشكیلات و بەشی ئاشكرا و نیشتەجێ‌ لە كوردستانی باشوور و وەڵاتانی دەرەوە ) یەكێتی و هاوئاهەنگی ئەو بەشانەی بە هێمای سەركەوتن و پێش كەوتنی زیاتری تەشكیلات زانی و هەموو ئەو بەشانەی بە تەواوكەری یەكدی زانی.
ناوبراو لەدرێژەی قسەكانی دا لەسەر دوایین ڕەوشی جوڵانەوەی ڕزگاریخوازی و هەڕەشەكانی سپای پاسداران قسەی كرد و ئەو هەڵوێستەی محەممەد پاكپوور فەرماندەی هێزی زەمینی سپای پاسدارانی بە بەڵگەیێكی حاشا هەڵنەگر لەسەر كاریگەری و زیندوویەتی جوڵانەوەكە و هێز و لایەنە سیاسیەكانی كوردستان زانی، و هاوكات ترس و دڵەڕاوكێی دەسەڵات لە تەقینەوەی ڕقی پەنگخواردووی گەلانی ئێران و بە تایبەتی خەڵكی كوردستان نیشان ئەدات.
ڕژیم لەو هەڵوێستەی دەیهەوێ‌ ‌ئاستی دەستێوەردان و نفوزی خۆی لە عێراق و ناوچەكە زیاتر بكات و بە بوونی مەقۆ مەقۆی ڕۆیشتنی هێزە ئەمریكاییەكان، هەوڵی دروست كردنی بشێوی لە عێراق و هەرێمی كوردستان دەدات و بە تایبەتی كە هەرێمی كوردستان بۆتە جێگەی حەوانەوە و مانەوەی بەشێكی بەرچاو لەكوردانی هەر چوار بەش.
بەرێز نورانی فەرد لە درێژەی قسەكانی دا ووتی: بە لەبەرچاو گرتنی ئەو هەل و مەرجە هەستیارە كە قەیرانە یەك لەدوای یەكەكان تەنگی بە دەسەڵاتی ئاخوندی چنیوە، ئەركی شۆڕِشگێران زیاتر لە ڕابردوویە و پێویستە هەوڵ و تێكۆشان لە پێناو دەستەبەركردنی مافە ڕەوا نەتەوەییەكانمان چەند بەرانبەر بكرێ‌ و بە یەكێتی و ماندووبوونی زیاتر ئەو پرسە خێراتر بكرێ‌.
لەدوای قسەكانی بەرێز كامیل نورانی فەرد ئەندامی دەفتەری سیاسی، بەرێز كاك شۆڕِشی حاجی ئەندامی كومیتەی ناوەندی و بەرپرسی نوێنەرایەتی هەولێری سازمانی خەبات ی كوردستان، لەسەر كۆمەڵێك بابەتی تەشكیلاتی و سازمانی پێوەندیدار بە ئەندامان و لایەنگران قسەی كرد و لەچوارچێوەی ئەرك و مافەكانی ئەندامان ڕاسپاردە و بڕیارە تەشكیلاتیەكانی بیر هێنایەوە و چەندین ڕێنوێنی لە پێوەند بە باشتركردنی كاری ڕێكخستنی هەولێری باس كرد.
لەدوای قسەكانی ئەندامانی سەركردایەتی سازمانی خەبات، ئەندامانی ئامادەبوو ڕاوسەرەنج و تێبینی و پرسیاری خۆیان پێشكەش كرد و كۆبوونەوەكەیان پر ناوەرۆكتر كرد.
لەبڕگەیێكی تری كۆبوونەوەكە، دەستەی نوێی بەڕێوەبەری ئەندامان هەڵبژاردنی بۆ كرایەوە و لە پرۆسەیێكی دیموكراتیك دا دەستەیێكی نوێی بەرێوەبەری و هەروەها چەندین سەر شانە هەڵبژاردنیان بۆ كرا.
كۆبوونەوەكە بە بەڵێن و بریاری بەرەوسەر بردنی هەوڵ و ماندووبوونی زیاتری بەشداربووان كۆتایی پێهات.


ڕێکه‌وت: 2021-09-18 09:30:50
به‌شی ( چالاکیه‌کان )





دیمانه

سیاسی