له‌سه‌رهێل 95
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
ڕژیمی ئێران لە دەمێكەوه‌ شەڕی دەست پێكردوە

كاروان كرماشانی

نەفتالی بنێت سەرۆك وەزیری ئیسرائیل لە ووتارەكەیدا لە كۆمەڵەی گشتی نەتەوەیەكگرتوەكان باسی مەترسیەكانی ڕژیمی ئێران بۆ سەر خۆرهەڵاتی ناوەڕاست و نزیك بونەوەی لە دروست كردنی بۆمبی ئەتۆم كرد. سەرۆك وەزیرانی ئیسرائیل و تێكڕای دەسەڵاتداران و حكومەتەكانی جیهان ئەو ڕاستیە باش دەزانن كە ڕژیمی ئێران هەر لە سەرەتای هاتنە سەردەسەڵات لە ئێراندا، ئامانجێكی سەرەكی دەست بەسەردا گرتنی خۆرهەڵاتی ناوەڕاست و ناردنی ئینقلابی خومەینی بۆ ووڵاتانی ئیسلامی و وولاتانی خۆرهەڵاتی ناوەڕاستە. ڕژیمی ئێران بەشێكی زۆری داهات و سەرمایەی خەڵكی ئێرانی لە پێكهێنانی دەستەو تاقمی ترۆریستی لە لوبنان، عێراق،یەمەن و بەحرین و زۆربەی ووڵاتانی ناوچەی خۆرهەڵاتی ناوەڕاست بەكار هێناوەو هەروەها زۆر ڕیاكارانە كەڵكی لە هەستی مەزهەبی و ئیسلامی خەڵكی ئەو وولاتانە وەرگرتوە بۆ هێنانە دیی مەبەستە چەپەڵەكانی و دەست گرتن بە سەر خۆرهەڵاتی ناوەڕاستدا. لە لایەكی دیكەوە ئاخوندە دەسەلاتداراەكان بۆ هێنانی دیی ئەو ئامانجەی  كەڵكی لە بێ‌ بەراوردی هەڵە هەڵسەنگاندی هەلومەرجی سیاسی ناوچەكە لە لایەن ئەمریكاو ووڵاتانی ئوروپایی وەرگرتوەو بە شێوەیەك كە ئەو وو ڵاتانە لە چوارچێوەی هەڵە سیاسیەكانیان و چاو قونجاندن لە حاست سیاسەتە مەترسیدارەكانی ڕژیمی ئێران،ڕاستەوخۆ وناڕاستەوخۆ هاوكاری ڕژیمی ئێرانیان كردوە بۆ پەرەپێدانی ئامانج و سیاسەتە مەترسیدارەكانی.

ڕوخاندنی حكومەتی سەددام حوسەین لە عێراق و دوایەش پاشەكشە پێكردنی هێزە سەربازیەكانی ئەمریكا لە عێراق و ڕێگەدان بە دەستێوەدرانی ڕاستەوخۆی ڕژیمی ئێران لە كاروباری عێراقداو هەروەها ووت وێژو دانوستان لە گەڵ ڕژیمی دیكتاتۆری ئێران و ئیمتیاز پێدانی جۆراوجۆر بەو ڕژیمە، تەنیا بە هومێدی ئەوەی دەست لە گەڵاڵەی دروست كردنی بۆمبی ئەتۆم و دەست لە سیاسەتی داگیركاری و پاوانخوازی هەڵگرێ‌، بەشێكن لە هەڵە سیاسەكان و هاوكاریەكانی ووڵاتانی ئەمریكاو ئوروپاو جیهان بە تێكڕا بە ڕژیمی ئاخوندی. لە ئێستادا كە ڕژیمی ئێران چەند ڕۆژێكی ماوە بۆ دروست كردنی بۆمبی ئەتۆم و بە شێوەی ئاشكرا شانازی بە دەست بە سەردا گرتنی زۆربەی وولاتانی ناوچەكەدا دەكاو كاریگەری و هێژمونی خۆی  چ لە باری سیاسی و چ لە باری سەربازیدا پەرەپێداوە.

پێ‌ وایە لە دوای دروست كردنی بۆمبی ئەتۆمی هیچ هێزێكی جیهانی توانای ڕوبەڕوبونەوەی نابێ‌ و بڕیاڕی بۆ پاك كردنەوەی ئیسرائیل لە سەر نەقشەی جیهان جێ‌ بەجێ‌ دەكا. دەسەڵاتدارانی ڕژیمی ئێران بە كەڵك وەرگرتن لەو كەلێن و بۆشاییەی لە نێوان ووڵاتانی خاوەن هێزی جیهاندا هەیەو بە بەراوردەیان لە جۆری تەعامولی كۆمەڵگەی جیهانی لە گەڵ ووڵاتی كورەی شومالی خاوەن بۆمبی ئەتۆم، گەیشتونە سەر ئەوە باوەڕەی هیچ بایەخێك بۆ بۆچوون و داوای ئەمریكاو ئوروپاو، بە شێوەی گشتی تر ئەنجومەنی ئاسایشی نەتەوەیەكگرتوەكان نەدەن. سەبارەت بە كاریگەری ئابڵوقەكانی ئەمریكاو كۆمەڵگەی جیهانی لە سەر ڕژیم،وەك هەمیشە ئاخوندە دەسەڵاتدارەكان، هەژاری و برسیەتی خەلك و بیكاری و گرانی لە ئێرانیان بۆ گرینگ نەبوە. دیارە ئابڵوقەكان نەیانتوانیوە كاریگەریان لە سەر ژیانی كاربەدەستانی دەسەڵات هەبێ‌ هەر بۆیە دەسەڵاتداران سەرەڕای ئابڵوقەكان سوورن لە سەر بەردەوام بوونیان بە سیاسەت و گەڵاڵە مەترسیداریەكانیان.

سەرۆك وەزیرانی ئیسرائیل و هەموو ئەوانەی كە پێ‌ یان وایە ڕژیمی ئاخوندی لە ئێستادا زیاتر بۆتە هەڕەشە بۆ سەر وولاتانی ناوچەكەو جیهان بە گشتی بۆچونێكی دروستە، بەڵام ئەگەر هەستیان بەو ڕاستیە نەكردوە كە ڕژیمی ئاخوندی لە مێژە جەنگی لە گەڵ كۆمەڵگەی جیهانیدا ڕاگەیاندوە لە هەڵەدان.

ڕێکه‌وت: 2021-09-28 21:37:32
به‌شی ( سیاسی )





دیمانه

سیاسی