له‌سه‌رهێل 38
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
دادگایی جەلاد حەمیدی نووری لە سوئیدەوە بۆ ئالبانی دەگوازرێتەوە

 خەباتمێدیا: بەپێی هەواڵەكان سەرۆكی دادگای ستهۆكۆڵم رایگەیاند: دادگا لە حەفتەكانی چل و پێنج و چل و شەشی ساڵی 2021 (17 هەتا 30 خەزەڵوەری 1400) بە مەبەستی گوێگرتن لە شاهیدان دەگولزرێتەوە بۆ ئالبانی. رۆژی سێ شەممە 4ی خەزەڵوەری 1400 لە دەستپێكی 33یەمین كۆبوونەەوی دادگایی جەلاد حەمیدی نووری لە ستهۆكۆڵم سەرۆكی دادگا رایگەیاند: دادگا بۆ ماوەی دوو حەوتوو بە مەبەستی گوێگرتن لەو ئەندامانەی سازمانی موجاهیدین كە وەكوو دادخواز ناویان لە ئەشرەفی 3 تۆمار كردووە، دەگوازرێتەوە بۆ ئالبانی.

سەرۆكی دادگا وتی: لە 16ی ژوئێنی 2021 لە رێگەی وەزارەتی دادگوستەری سوئیدەوە داوای هاوكاری و كار ئاسانیمان لە وەزارەتی دادگوستەری ئالبانی كرد كە دەوڵەتی ئالبانی و دادگوستەری ئەو وەڵاتە قەبوڵیان كرد. لە ماوەی ئەو دوو حەوتووەدا هەیئەتی داوەران، دادستانەكان و ئەو پارێزەرانەی داواكار و دادخوازەكانیان لە ئالبانین دەچنە ئەو وەڵاتە. بەڵام تاوانبار حەمیدی نووری و یەكێك لە پارێزەرەكانی هەر لەم هۆڵە (لە سوئید) دەمێننەوە. ئەو كەسانەی لە ئالبانی نەبن دەتوانن لە سهۆكۆڵم و لە رێگەی پێوەندی ویدئیۆیی بەدواداچوون بۆ كۆبوونەوەكانی دادگا بكەن.

ڕێکه‌وت: 2021-10-27 15:59:09
به‌شی ( هه‌واڵی ئێران )





دیمانه

سیاسی