له‌سه‌رهێل 61
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
په‌یامی پیرۆزبایی سکرتێری گشتی به‌بۆنه‌ی جه‌ژنی خاوه‌نکار

بە بۆنەی جێژنی خاوەنكار، گه‌رمترین پیرۆزبایی خۆم و هاوباوه‌ڕانم له‌ سازمانی خه‌بات، به‌ خاوەنباوەڕەانی یارسان لە كوردستان و ئێران و لە ڕیزەكانی سازمانی خەبات پێشکەش ده‌‌که‌م.
ڕژیمی دیكتاتۆری ئاخوندی لە ماوەی چواردەیەی دەسەڵاتیدا، خاوەن باوەڕانی یارسان بەتایبەت کوردانی یارسانی خستۆتە بەر ئازارو سەركەوت و چەوسانەوەو دەیان كەس لە خاوەنباوەڕانی یارسانی زیندانی و ئێعدام كردوەو هەوڵ بۆ پاکتاو و سڕینەوەوەیان دەدا. بێگومان خاوەن خاوەنباوەڕانی یارسان لە پێشەوەی تێكۆشان و خەبات لە بەرانبەر دەسەڵاتی دیكتاتۆری ئاخوندی و شۆڕشی مافخوازانەی خەڵكی كوردستانی ئێرانن. خەبات و تێكۆشانێك كە بە دڵنیایی، خاوەن باوەڕانی یارسان و نەتەوەکانی ئێران و تێکڕای خاوەن باوەڕی ئایینەکان، دەگەێنێتە ئازادی و ڕزگاری و ڕوخانی ڕژیمی دیکتاتۆری ئاخوندی لێ‌ دەكەوێتەوە.
لە گەڵ پیرۆزبایی دووبارە بەبۆنەی جێژنی خاوەنکارو نوێکردنه‌وه‌ی به‌ڵێن و سوربوونی سازمانی خەبات‌ له‌سه‌ر کارکردن بۆ پێکەوە ژیانی ئاشتیانەو دۆستانەی نێوان چین و تۆێژەكان و خاوەن باوەڕانی یارسان‌ و تێکڕای باوەڕەکانی دیکە لە ئێران و کوردستان.

سازمانی خەبات ی كوردستانی ئێران
سكرتێری گشتی
بابەشێخ حوسەینی
25 ی خەزەڵوەری 1400 كۆچی خۆری
16 ی نوامبری 2021 زایینی
ڕێکه‌وت: 2021-11-16 05:44:20
به‌شی ( سکرتێری گشتی )





دیمانه

سیاسی