له‌سه‌رهێل 70
چوارشه‌مه‌ 29 به‌فرانبار 2721
سازمانی خه‌باتی کوردستانی ئێران
پەیامی پیرۆزبایی کاک بابەشێخ حوسەینی, بەبۆنەی لەدایک بوونی حەزرەتی مەسیح و هاتنی ساڵی نوێ زایینی

بە بۆنەی یادی لە دایك بوونی حەزرەتی عیسا مەسیح و هاتنی ساڵی نۆێ‌ زایینی گەرمترین پیرۆزبایی بە هاونیشتمانیانی مەسیحی لە كوردستان و ئێران وجیهان پێشكەش دەكەم.
لە كاتێكدا یادی لە دایك بوونی حەزرەتی عیسا بەرز ڕادەگرین و ساڵی نۆێ‌ 2022 جێژن دەگرین كە خەڵكی ئێران بە تێكڕاو جەماوەری كورد لە كوردستانی ئێران لە خراپترین هەلومەرجی سیاسی، ئابوری و كۆمەڵایەتیدان و دەسەڵاتی دیكتاتۆری ئاخوندی ژیانی ئاسایی لە جەماوەری ئێران تێكداوەو ئێرانی كردۆتە زیندانێكی بەرین بۆ خەڵك و هیچ سنوورێكی لە جینایەتكاریدا نەهێشتۆتەوە.
ئیعدامی هاونیشتمانیانی كورد تەنیا بە تاوانی كورد بوون درێژەی هەیەو لە سەرانسەری ئێرانیشدا شكەنجەو زیندانی كردنی خەڵك و تێكۆشەران درێژەی هەیە، بە تایبەت خاوەنباوەڕانی ئایینی مەسیحی و باوەڕدارانی مەزهەبەكانی دیكە لە ئێراندا، لە ژێر باری قورسترین ستەم و چەوسانەوەدان.
بە هۆی بێ‌ دەربەستی دەسەڵاتی ئاخوندی لە حاست ژیانی خەلك و ژیانی موعەلیمان و بەردەوامی سەركوت و هەرەشە لە سەریان،مامۆستایان و موعەلیمان لە شارەكانی ئیران و كوردستان بۆ هێنانە دیی داوا ڕەواكانیان و كۆتایی هاتن بە ستەم و بیعەداڵەتی، دەستیان داوەتە ناڕەزایەتی و مانگرتن، كە بە داخەوە ژمارەیەكیان زیندانی كراون وشكەنجە دەدرێن.
جینایەت و سەركوتی دەسەڵات بەرانبەر بە خەڵكی ئێران و مەعەلیمان و مامۆستایانی قوتابخانەكانی ئێران بە توندی مەحكوم دەكەم و دڵنیام كە بە ئازایەتی و نەبەزی جەماوەری ئێران و كوردستان و خەبات و كۆڵنەدانی هێزە تێكۆشەرەكانی ئێران و كوردستان دەسەڵاتی دیكتاتۆری ویلایەتی فەقیه لە ناو دەچێ‌ و بە هاتنە سەر كاری دەسەڵاتێكی دیموكرَاتیك و جەماوەریی، ئازارو مەینەتیەكانی گەلانی ئێران كۆتایی دێ‌.
جارێكی دیكە پیرۆز بێ‌ یادی لە دایك بوونی عیسا مەسیح و ساڵی نۆی 2022 زایینی.

بابەشێخ حوسەینی
25.12.2021

ڕێکه‌وت: 2021-12-25 19:21:12
به‌شی ( سکرتێری گشتی )





بێ سەرو شوێن بوونی سێ کۆڵبەری کورد

به‌شی : هه‌واڵی کوردستان   رۆژ: 2022-01-15

نوقم بوونی ژن و مێردێکی مەریوانی لە ئاوەکانی یونان

به‌شی : هه‌واڵی کوردستان   رۆژ: 2022-01-15


دیمانه

سیاسی