له‌سه‌رهێل 48
چوارشه‌مه‌ 29 به‌فرانبار 2721
سازمانی خه‌باتی کوردستانی ئێران
خوێنی حاج قاسم و هەیمەنەی تێك شكاوی رژیمی ئاخوندی

"شۆڕش حاجی"
دوو ساڵ بەر لە ئێستا لەهێرشێكی كتۆپری هێزەكانی ئەمریكا بۆ سەر كاروانی گەورەترۆریستی ناوچەكە قاسمی سلێمانی سەرۆكی سپای قودس و پیاوی ژمارە دووی رژیمی ئاخوندی لەت و پەت كرا و سەرەرۆیی و دۆسیەی ئاژواەگێرییەكانی بۆ هەمیشە داخرا.
كوژرانی قاسم سلێمانی نوقتە وەرچەرخانێكی گەورە لە سیاسەتی نێودەولەتی لە راست رژیمی ئاخوندی بوو و دەكرێ‌ بلیێن موعادلاتی سیاسی جیهانی پێوەندیدار بە ئاخوندانی خستە بارێكی تر و سنورێكی بۆ سیاسەتی پەرەدان بە ترۆریسم و نفووز لە ناوچەكە دیاری كرد. روداوەكە هێندە كاریگەر و چاوەرواننەكراو بوو كە دەسەلات لە گرتنە بەری هەڵویستێك بە بارتەقای رووداوەكە دۆش دامابوو و هەتا ماوەیەک لە سەر لێشێواوی و ماتی دا بوو. هەیمەنی دەسەلات تێك شكاو و زیانێكی قەرەبوونەكراو لە گرینگترین رێكخستنی دەسەڵات روو بە دەرەوە كەوت. ئەو بەشەی هەموو جارێ‌ ئەبوو بە كارتێكی گرینگ بە دەست دەسەلات و لە دانووستانە ناوكەییەكان و زۆریك لە سات و سەودا و گەمە سیاسیەكان وەك ئامرازێكی فشار بە كار دەهێندرا و كۆمەلگای جیهانی پێ چاوترسێن دەكرد، لە ئان و ساتێكدا كۆتایی پێهیندرا و سووتا.
خوێنی قاسم سلێمانی هەروا لە سەر زەوی ماوەتەوە و لەو ساتەوە تا ئێستا بە بەردەوامی باسی توڵە و نەفەوتانی خوێنی قاسم ئەكرێ‌ و ئەگەر لەو سەرەتایەوە بە درۆ و لە چوارچێوەی فروفیشاڵ باسی كاردانەوەی هاوشێوە ئەكرا، ئەمساڵ لە زاری سەرۆك كۆماری رژیمی ئاخوندی باسی دادگایی نەك وەلاتی ئەمریكاش و كەسایەتێكی حقوقی و حكومی بەڵكو دادگایی سەرۆكی پێشووی ئەمریكا دوناڵد ترامپ ئەكرێ‌. ئەو هەڵوێستە ئەو پەری داماوی و بێ هێزی دەسەلاتدارانی ئاخوندی نیشان ئەدا و ئەو هەیمەنەی لەدەسەلات شكێندرا ئیتر جارێكی تر ناتواندرێ‌ وەك خۆی لێبكریتەوە. هەڵبەت ئەوە یەكەمجار نییە كە رژیم لە بەرانبەر كۆمەلگای نێونەتەوەیی و وەلاتانی جۆراوجۆر ناتوانێ‌ هیچ دژكردەوەیەک نیشان بدا و لەم یەك دوو سالەی رابردوو شاهید بووینە كە بە بەردەوامی ناوەندە ناوكەییەكانی رژیم و هێزە ترۆریستیەكانی رژیم لە سوریا لە لایەن وەڵاتی ئیسرائیل هێرشیان كراوەتە سەر و ژمارەیێکی زۆریان لێ كووژراوە و خەسارەتی گەورەش لە دامەزراوەكانیان كەوتووە بەلڵام بۆ یەكجاریش نەبوو وەڵامێكی بە كردەوەی بچووك لە دەسەلاتدارانی رژیم ببینین. ئەوە لەكاتیكدا كە بچووكترین كردەوەی نارەزایەتی ناوخۆ لەلایەن خەڵكی ئێران لەشكەر كێشی هێزە داپۆسێنەرەكانی رژیمی لێ ئەكەویتەوە و هیچ ترس و دوو دڵیەك لە رژاندنی خوێنی گەنجان و خەڵكی ئێران نابیندرێ‌ و نمونەش دەتوانین ئاماژە بە كوشتنی زیاتر لە 1500 كەس لە خوپیشاندانەكانی خەزەڵوەری 1398 لەسەرانسەری ئێران بكەین و یا خود ماوەیەک بەر لە ئێستا سەركووتی وەحشیانەی خەڵکی ئەهواز و هەروەها بە درێژایی ئەو چوار دەیە حوكمداریە بە دەیان نمونەی كۆمەڵكوژی هاوشێوە كە لەسەر دەست و فەرمانی ئاخوندان روویداوە ئەتوانین ئاماژە پێ بكەین.
ئەو واقعیتە ئەوەمان بۆ دەردەخا كە دەسەڵاتدارانی ئێران بە پێچەوانەی پروپاگەندە درۆینەكانیان كە دەوترێ َ زلهێزی ناوچەكەن، تەنیا لە راست خەڵكی بێ چەك و بێ تاوان دەتوانن هەیبەت و هێزیان نیشان بدەن و ئەگەرنا لە لێدان و هێرشی دەرەكی و لەراست وەڵاتانی وەك ئیسرائیل و ئەمریكا توانای بەرگری و هیچ جۆرە موقاومەتێكیان نییە و ئەو فروفیشاڵەی ناوە ناوەش سەبارەت بە توڵە و كردەوەی هاوشێوە لە زاری بەرپرسانی بالای رژیم دێتەدەر تەنیا روویەكی ناوخۆیی هەیە و دەیانهەوێ‌ كەرامەتی شكێندراویان لە لایەن جاش و بەسیج و بەكرێگیراوەكانیان بهێڵنەوە و پێخۆری تەبلیغاتی پێوە بكەن.
ماوەتە بڵێین قاسم سلێمانی گەورە جینایەتكاری مێژووی مرۆڤایەتی پەڵەیێکی وەها شووم و تاریكە كە بە هیچ ئاوێك پاك نابیتەوە و هەر جۆرە هەوڵێک لە چوارچێوەی سیمینار و مەراسیم و پێداهەڵدان ناتوانێ‌ رووی راستەقینەی قاسم سلێمانی بشاریتەوە و تاوانەكانیان بزر بكات و باشترین كار بۆ دەسەلاتدارانی رژیمی ئاخوندی ئەوەیە ناوی قاسم سلیمانی بۆ هەمیشە لە شاراوەیی دا بهێڵنەوە، چونكە هەموو جارێ بە باس كردن و كۆرگێڕان بۆی مرۆڤ بیری خوینی بە فیرۆ چوو و هەیمەنی تێكشیندراوی رژیمی ئاخوندان ئەكەوێتەوە و بێ دەسەلاتی شوێنکەوتووانی ئەو سیستمە پووشاڵیەمان بۆ دەردەكەوێ‌.
ڕێکه‌وت: 2022-01-08 15:08:10
به‌شی ( سیاسی )





بێ سەرو شوێن بوونی سێ کۆڵبەری کورد

به‌شی : هه‌واڵی کوردستان   رۆژ: 2022-01-15

نوقم بوونی ژن و مێردێکی مەریوانی لە ئاوەکانی یونان

به‌شی : هه‌واڵی کوردستان   رۆژ: 2022-01-15


دیمانه

سیاسی