له‌سه‌رهێل 66
سێ‌شه‌مه 3 جۆزه‌ردان 2722
سازمانی خه‌باتی کوردستانی ئێران
ئامریکا سورە لەسەر نەهێشتنی دەست پێڕاگەیشتنی ڕژیمی ئاخوندی بە چەکی ناوکەیی

خەبات مێدیا: جیک سالیوان دەڵێت: ئامریکا سوورە لەسەر پێشگرتن بە ڕژیمی ئاخوندی ئێران بۆ دروست نەکردنی چەکی ناوکەیی.

جیک سالیوان، ڕاوێژکاری ئەمنیەتی نەتەوەیی کۆشکی سپی وتی: ئامریکا سوورە لەسەر ئەوەی پێش بە ڕژیمی ئاخوندی ئێران بگرێت بۆ ئەوەی دەستی بە چەکی ناوکەیی نەگات.
ڕۆژی یەک شەممە 26ی بەفرانبار، کاناڵی سی بی ئێسی ئامریکا لەبەرنامەی ڕو بە ڕو لەگەڵ خەڵک(فیس د نیشن) کە جیک سالیوان بەشداری کردبوو، لە وەڵامی پرسیارێکی پێشکەشکارەکەدا کە پرسیبووی، ئایا بەرپرسانی ڕژیمی ئێران لە وتووێژەکاندا تەنیا خەریکی کات کوشتنن؟
جیک سالیوان لە وڵامدا وتی: یەکەم ئەوەی کە سیاسەتی ئێمە زۆر ڕوون و ئاشکرایە، ئێمە لەسەر ئەوە سوورین کە پێش بە دروستکردنی چەکی ناوکەیی لەلایەن ڕژیمی ئێران بگرین.
دووهەم ئەوەی کە بڕوامان وایە دیپلۆماسی باشترین چارەسەرە بۆ جێبەجێ کردنی ئەم کارە.
ناوبراو لەگەڵ ئاماژەی بە قسەکانی ئانتۆنی بلینکن کە وتبووی، چەند حەوتویەک کات هەیە بۆ زیندوهێشتنەوەی بەرجام! وتی بەهەمان شێوەی کە وەزیری دەرەوەش وتبوی، کات کەمە و من لە دواڕۆژەکانی مانگی پێشوو کە لە ئیسراییل بووم، لەسەر خاوی بەرەو پێش چوونی دیپلۆماسی هەماهەنگیم کردبوو.
ڕاوێژکاری کۆشکی سپی هەروەها لە بەردەوامی قسەکانیدا وتی: ئامریکا لەسەر ئەم بابەتە لەگەڵ هاوپەیمانەکان و هاوبەشە ئورووپاییەکانی خۆی لەنزیکەوە کار دەکات و ڕێگایەک بۆ بەرەوپێش چوون دەدۆزێتەوە.

ڕێکه‌وت: 2022-01-17 19:14:22
به‌شی ( هه‌واڵی ئێران )






  به‌شی : هه‌واڵی کوردستان   کات : 2022-05-20 10:03:34

دیمانه

سیاسی