له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
کاک بابەشێخ حوسەینی: هێرشی موشەکی بۆ سەر هەرێمی کوردستان مەحکوم دەکەم.

سکرتێری گشتی سازمانی خه‌بات بە تووندی سەرکۆنەی هێرشە مووشەکییەکەی شەوی رابردووی سەر هەولێر دەکات و دەڵێت: سازمانی خەبات ی كوردستانی ئێران هێرشی موشەكی ڕژیمی ئاخوندی بۆ سەر هەرێمی كوردستان و بەتایبەت شاری هەولێری پایتەخت و بەتایبەیتر تەلەفزیونی کوردستان ٢٤، بە پێشێلكردنی سەروەری عێراق و هەرێمی كوردستان و بە كردەوەیەكی تەجاوەزكارانەو جەنگ لە دژ هەرێمی كوردستان و عێراق دەزانێ و بە توندی مەحكومی دەكا.
کاک بابه‌شێخ حسینی، سکرتێری گشتی سازمانی خه‌باتی کوردستانی ئێران، په‌یامێکی له‌باره‌ی هێرشه‌ مووشەکییەکەی شەوی رابردووی سەر هەولێر بڵاوکردەوە و رایگەیاند “ئەوە نۆیەمین هێرشی جۆراوجۆری مووشەكی ڕژیمی ئێران بۆ سەر هەرێمی كوردستان و شاری هەولێر بە تایبەت و چەندین جاریش شارەكانی عێراقی كردۆته‌ ئامانجی هێرشە ترۆریستیەكانی خۆی كە لە ئاكامی هێرشە مووشەكی و ترۆریستیانەی ڕژیمی ئاخوندی دەیان كەس كوژراو و بریندار و زیانی بەرچاو بەر خەڵكی سڤیل و ناوەند و ئیدارە دەوڵەتی و ئابوریەكانی كوردستان و عێراق كەوتوە”

دەقی پەیامەکەی به‌ڕێز کاک بابه‌شێخ حسینی

هێرشی مووشەكی بۆ سەر هەرێمی كوردستان مەحكوم دەکەم
بەرەبەیانی ڕۆژی یەك شەممە ٢٢ی رەشەمەی ١٤٠٠ی ك خ، ڕژیمی ئاخوندی ئێران بە ١٢مووشەكی دوورمەودای گرتە هەرێمی كوردستانی عێراق كە زۆربەی ئەو مووشەكانە لە نزیك شاری هەولێر كەوتنەخوارەوەو خەسارەت مادی زۆری بە خانووبەرە و مەزرای ناوچەكە گەیاند.
ئەوە نۆیەمین هێرشی جۆراوجۆری مووشەكی ڕژیمی ئێران بۆ سەر هەرێمی كوردستان و شاری هەولێر بە تایبەت و چەندین جاریش شارەكانی عێراقی كردۆته‌ ئامانجی هێرشە ترۆریستیەكانی خۆی كە لە ئاكامی هێرشە مووشەكی و ترۆریستیانەی ڕژیمی ئاخوندی دەیان كەس كوژراو و بریندار و زیانی بەرچاو بەر خەڵكی سڤیل و ناوەند و ئیدارە دەوڵەتی و ئابوریەكانی كوردستان و عێراق كەوتوە.
هێرشە مووشەكیەكانی شەوی یەكشەممەی رژیمی ئاخوندی لەم كات و ساتەدا كە وتووێژەكان لەسەر بەرنامەی ناوكەیی، مووشەكی و تیرۆریستیەكانی رژیم لە وەڵاتان لە ئارادایە، دەرخەری ئەو راستیەیە کە وتووێژی كۆمەڵگەی نێونەتەوەیی لەگەڵ دەسەڵاتی ئاخوندی، نەبوونی هەڵوێستی جیددی و بەبڕشت لەبەرامبەر ئاخوندان و چاوپۆشی لە كردەوە خراپكاریەكانی، جورئەت و جەسارەتی زیاتر دەدا بەو رژیمە بۆ دروست كردنی مەترسی و هەڕەشەی زیاتر بۆ سەر وەڵاتانی جیران و پێگەی ئەمریكا و هاوپەیمانەكانی لە هەرێمی كوردستان، عێراق و ناوچه‌که‌.
سازمانی خەبات ی كوردستانی ئێران هێرشی موشەكی ڕژیمی ئاخوندی بۆ سەر هەرێمی كوردستان و بەتایبەت شاری هەولێری پایتەخت و بەتایبەیتر تەلەفزیونی کوردستان ٢٤، بە پێشێلكردنی سەروەری عێراق و هەرێمی كوردستان و بە كردەوەیەكی تەجاوەزكارانەو جەنگ لە دژ هەرێمی كوردستان و عێراق دەزانێ و بە توندی مەحكوم دەكا.
بڕوخێ‌ ڕژیمی دیكتاتۆر و ترۆریستی ئێران
سازمانی خەباتی كوردستانی ئێران
سکرتێری گشتی
بابەشێخ حوسەینی
22 ی ڕەشەمی 1400 كۆچی خۆری
13 ی مارسی 2022 زایینی
ڕێکه‌وت: 2022-03-13 10:02:26
به‌شی ( سکرتێری گشتی )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی