له‌سه‌رهێل 98
سێ‌شه‌مه 3 جۆزه‌ردان 2722
سازمانی خه‌باتی کوردستانی ئێران
كۆبوونەوەی ساڵانەی كۆمیتەی نۆروێژی سازمانی خەبات بەرێوەچوو

 

رۆژی شەممە ۲۸ی رەشەمەی ۱٤٠٠ی ك خ، كۆمیتەی رێكخستنی نۆروێژی سازمانی خەبات ی كوردستانی ئێران بە سەرپەرستی رێكخستنەكانی دەرەوە كۆبوونەوەی ساڵانەی خۆی بەرێوەبرد.
سەرەتای كاری كۆبوونەوە بە ساتێک وەستان و فاتیحەیەك بۆ گیانی پاكی شەهیدانی كورد و كوردستان بەتایبەت شەهیدانی سوورخەڵاتی سازمانی خەبات دەستی پێ كرد.
سەرەتا كاك عەبدوڵا قادری بەرپرسی كۆمیتەی نۆروێژ بەخێرهاتنی بەشدارانی كرد و خشتەی كاری كۆبوونەوەكەی خستە بەردەم ئامادەبووان و ئیشارەی بە دواكەوتنی كۆبوونەكان بەهۆی نەخۆشی كرۆنا و ئەو دۆخە نەخوازراوەی پێشهاتبوو كرد و وتی: پێویستە هەموو لایەكمان هیمەت بكەین كارەكانی كۆمیتە بخەینەوە سەر رەواڵی ئاسایی خۆی و ئەو كارانەی پێویستە ئەنجام بدرێن پۆلین بكەین و هەموو بەشەكانی كۆمیتە بە جددیەتەوە هەنگاوی بۆ هەڵگرن.
پاشان کاک عەلی بەهرامی بەرپرسی رێكخستنەكانی دەرەوەی سازمانی خەبات وێڕای دەستخۆشی و سوپاس بۆ گرتنی ئەم كۆبوونەوە و بەشداری ئەندامانی سازمانی خەبات و خەمخۆریان بۆ ئەركە تەشكیلاتیەكانیان چەند وتەیەكی پێشكەش كرد.
کاک عەلی بەهرامی چەند بەرنامە و راسپاردەیەكی سەركردایەتی بۆ كاری كۆمیتە خستە بەردەم كۆبوونەوەو داوای لە بەرپرس و كادر و ئەندامانی كۆمیتەی نۆروێژ كرد كە بە گوڕتر لە رابردوو كار لەسەر پێشخستنی كارەكانی سازمان لە نۆروێژ بكەن و ئامادەیی خۆیشی بۆ ئاسانكاری و پشتیوانی لە هەموو هەنگاوەكانی كۆمیتە دەربڕی.
لە درێژەی كاری كۆبوونەوەدا هەڵسەنگاندن بۆ بەشە جیاجیاكانی كۆمیتەی نۆروێژ كرا و پلان و بەرنامەی پێویست بۆ زیاتر كارا كردنی ئەو بەشانە خرایەڕوو و پەسەند كران.
لە كۆتاییدا هەمووان بریاریان دا بە گیانێكی خەباتیانە درێژە بە خزمەتە نەتەوەیی و نیشتمانیەكان بدەن و رێگە نەدەن هیچ بەربەستێك لەبەردەم كارەكانی سازمانی خەبات لە وەڵاتی نۆروێژ دروست بێ.

ڕێکه‌وت: 2022-03-24 07:02:24
به‌شی ( چالاکیه‌کان )






  به‌شی : هه‌واڵی کوردستان   کات : 2022-05-20 10:03:34

دیمانه

سیاسی