له‌سه‌رهێل 79
سێ‌شه‌مه 3 جۆزه‌ردان 2722
سازمانی خه‌باتی کوردستانی ئێران
دادخوازیی كوشتاری سالی 1367، سەركەوتنێك بەسەر دیكتاتۆریەتی ئاخوندی

کامیل نورانی فەرد
لە پاش دەستبەرسەر كردن و دەسپێكی پرۆسەی لێكۆلێنەوە لە حەمید نوری دادیاری زیندانی گەوهەر دەشت و یەكێك لە ئەندامانی "شاندی مەرگ" كە لە سالی 1367 حوكمی زیاتر لە 30 هەزار زیندانی سیاسی یان پەسەند و جێبەجێكرد، رەوتی دادگاییكردنەكەی زیاتر و زیاتر بەرەو ئاشكرا بوونی حەقیقەت لە لای دادگا هەنگاو دەنێ‌ و بەڵگە و دیكۆمێنتێكی زۆر لە شاهیدان و سكالاكارانی ئەو جینایەتە مرۆڤایەتیە كۆ بۆتەوە و كاتی ئەوەیە بە حوكمێكی شیاوی ئەو جینایەتە، یەكێك لە تاوانباران بە سزای كردەوەكانی بگات.
بە پشت بەستن بە مادە و یاسای سەلاحیەتی دادوەری جیهانیی ، سیستەمی قەزایی وەلاتی سوئید بۆ هەر جۆرە مەحكەممە و حوكمێكی قانونی لە دژی ئەو كەسانە كە دەستیان هەیە لە كوشتار و جینایەتی جەنگی دا دەستی ئاوەڵەیە. بە پشت بەستن بەو یاسایە، رۆژی پێنج شەممە 8ی بانەمەڕی 1401، كریساتینا لیندۆف كارێلسۆن دادستانی دادگای سوئید داوای سزای هەتاهەتایی بۆ حەمیدی نووری كرد. حوكمێك كە بێگومان بە چەسپاندنی هاوكات شانازییەك بۆ دەزگای دادوەری وەلاتی سوئیدە لە ئاستی نێونەتەوەیی سەركەوتنێكی گەورەیە بۆ عەداڵەت و پاراستنی مافەكانی مرۆڤە و جیاواز لەوانەش بۆ دەسەڵاتـدارانی رژیمی ئاخوندی زەربەیێكی گورجوبڕی كاریگەرە كە دەبێتە سەرەتاییەكی نوێ بۆ پرۆسەیێكی بەردەوامی دادخوازیی لەبەرانبەر جینایەتەكانی رژیمی ئێران.
جینایەتی سالی 1367 بە پێی كۆنوانسیون و میساقە نیونەتەوەییەكان ئەچێتە خانەی تاوانی شەر و كۆمەڵكوژی كە تێیدا ئێعدامی بەكۆمەڵی ئەندامانی سازمانی موجاهدین و زیندانیانی سیاسی دیكەی پێكهاتە نەتەوەییەكانی ئێران و كوردستان و چەند كادر و پێشمەرگەی بەنرخ و خۆڕاگری سازمانی خەبات بە ناوەكانی شەهیدان عەبدوڵڵا هەمزە، خەلیل جەعفەری، غەفور ئەحمەدی، تاهیر ئەحمەدی و حەسەن سەلیمی بەرێوە چوو. حەمید نوری وەك كەسَكی دیار و بەشدار لەو جینایەتە ئاگاداری زۆرێك لەتاوانەكانی ئەو سەردەمەیە و گرتن و دادگایی كردنی زەربەێكی گەورەیە بۆ دەسەلاتدارانی رژیمی ئاخوندی.
رژیمی ئاخوندی لەسەرەتا زۆر بە شێوەیێكی زیرەكانە ویستی خۆی بەری بكات لە حەمید نوری و هیچ جۆرە خاوەندارەتیەكی لێ نەكا ، ئەوەش لەبەر ئەوە بوو كە زۆر بە جوانی دەیزانی هەر جۆرە لێداونێك دەكرێ‌ ببیتە بەڵگەیێك و لە پرۆسەی مەحكەممە كردنەكەدا بە كار بهێندرێ‌ و زیاتر لە رێگەی حانەوادەكەی پەیامەكانی بەیتی خامنەیی ئەگەێندرا بە حەمید نوری و راسپاردە و رَینوێنیەكان ئالوگۆر پێ ئەكرا. بەلام لە كۆتایی پرۆسەی لێكۆلینەوەكان رژیم لە كردەوەێكی قێزەون و سیاسی دا باسی ئیعدامی ئەحمەد رەزا جەلالی دكتۆر و لێكۆڵەری سوئیدی ئێرانی بە تاوانی سیخۆری بۆ ئیسرائیل دەكات كە ساڵی 2016 لە گەرانەوەی بۆ ئێران دەستبەسەر كراوە و رژیم وا ئیدعا دەكات كە بە زانیارییەكانی جەلالی، دوو بیرمەندی ناوكەیی ترۆر كراون. روون و ئاشكرایە هێنانە بەرباسی ئەو بابەتە لە ئێستادا ئاماژەیە بۆ ویستی رژیم لەسەر ئالوگۆری زیندانی لە نێوان دوو وەلات و ناراستەوخۆ پێشنیاری مامەلەیێكی سیاسی دەكەن. رژیمی هەولێكی زۆر ئەدا ئەو بابەتە بەو شێوەیە كۆتایی پێ بێنێ‌ و لەم رێگەوە هێزی خۆی بسەلمێنێ‌ و پرسی دادخوازیی كوشتاری ساڵی 1367 تووشی شكست بكات و بە بەرەی ئۆپۆزسیون بلێ هیچ جۆرە هەولێك ناتوانێ‌ دەسەلات بخاتە ژێر پرسیار و مەحكوم بكرێ‌. هەر چەند سیستەمی ئورووپا ئەوەندەی لەسەر نەهێشتنی تاوان هەڵوەستە ئەكات ئەوەندە لەسەر بە سزا گەیاندنی تاوانبار پێداگری ناكات بەڵام نابێ نیازە شوومەكانی دەسەلاتی ئاخوندی لەبەرچاو نەگیری َ و هەرگیز نابێ بە مامەلەێكی لەم چەشنە رازی ببن. دەسەلاتدارانی تاران زۆر بەجوانی ئەزانن مەحكووم بوونی حەمید نوری تەنیا مەحكووم بوونی تاكەكەسێك نییە و تەواویەتی رژیم ئەكەوێتە بەر تیغی عەداڵەت و بە سەركەوتنی ئەو پرسە و سەپاندنی حوكمیكی شیاو بەسەر حەمید نوری ئێتر هیچ شوێنكی ئورووپا بۆ بەرپرسانی رژیم ئەمن نابێ و ئەو پەروەندەیە ئەبێتە سەرچاوەیێك بۆ پشت پێ بەستن بە تاوانباری رژیمی ئاخوندی و لە هەر وەڵاتێك دا ئەكرێ‌ كەیسی وا دووبارە بێتەوە ، جیاواز لەوەی كە خوی ئەو پرسە كە مەحكوومیەتی بەكرێگیراو و خزمەتگوازارێكی بكوژی ئەو رژیمەیە بە هەوڵی سازمانی موجاهیدینی خەڵقی ئێران جیگەی بایەخ و گرینگە.
گرینگە دادگای سوئید بە پشت بەستن بە هەموو بەڵگە كۆكراوەكان و ئاشكرا بوونی راستیەكان ، حوكمێكی شیاو و شایستەی هاوسەنگی ئەو جیناتە بەربلاوە لە راست حەمید نوری پەسەند بكات و بەمجۆرە زەنگێكی وشیاركەرەوە بێ بۆ باقی بكەران و بكوژانی زیندانیانی سیاسی و تاوانی كوشتاری جیابیران لە ساڵی 1367 و ئەو حوكمە بەربەستێك بێ بۆ هەموو ئەو نیزامە دیكتاتۆرانەی لە ئاستێكی بەریندا پێشێلی مافەكانی مرۆڤ دەكەن و لە هیچ جۆرە جینایەت و كوشتارێك ناسڵەمێنەوە و بەو پێیە سیستەمی دادوەری سوئید لە تاقیكردنەوەیكی گەورە دایە.
پێویستە زیندانی هەتاهەتایی بۆ حەمید نوری كە لە لایەن دادستانی ئەو كەیسە هاتۆتە گۆرێ‌ پەسەند بكرێ‌، هەر چەند ئەو سزایە بە بارتەقای تاوانەكانی ئەو تاوانبارە نابی، بەلام دەتوانێ‌ هەنگاوێك بێ بۆ پارێزگاری و بەرزراگرتنی بەها و نۆرمە ئەخلاقیە مرۆڤایەتیەكان و سوكناییەك بێ بۆ خەمی هەموو ئەو كەسانەی كەسە ئازیزەكانیان لەو شالاوە لە دەست داوە .

ڕێکه‌وت: 2022-05-06 12:23:54
به‌شی ( سیاسی )






  به‌شی : هه‌واڵی کوردستان   کات : 2022-05-20 10:03:34

دیمانه

سیاسی