له‌سه‌رهێل 66
سێ‌شه‌مه 3 جۆزه‌ردان 2722
سازمانی خه‌باتی کوردستانی ئێران
‌بەرز بوونەوەی نرخی خۆراک ڕۆژ لە دوایی ڕۆژ ناڕەزایەتی لێ دەکەوێتەوە

خەباتمێدیا؛ هاوکات لەگەڵ بەردەوامی ناڕەزایەتی لەسەر گران بوونی هێندێک پێداویستی ڕۆژانە، کاربەدەستانی ڕژیم باس لە بەرزبوونەوەی نرخی نان لە داهاتودا دەکەن.
له پارێزگای خوزستان لە دوای ناڕەزایەتی خەڵک و بانگەوازی گشتی دژی گرانی خۆراک، هێڵی ئینتەرنێتی موبایل تووشی کێشەو پچڕان بووە. بە پێی سەرچاوەی هەواڵدەری ئێران ئینتەرنەشنال؛ هێڵی موبایل لە زۆربەی شارەکانی پارێزگای خوزستان, ئەهواز، سوسنگرد، حەمیدیە، شادگان، ڕۆژی هەینی ئینتەرنێت پچڕاوە. ژمارەێک لە شارۆمەندانی خوزستان پێشتر بانگەوازیان دابوو کە ڕۆژی هەینی ناڕەزایەتی خۆیان لەسەر بەرز بوونەوەی نرخەکان ڕادەگەیەنن و لە چەندین شار گردبوونەوە درووست بووە.
ڕژیم بەرنامەیەکی نوێی بە شێوەی تاقیکردنەوە خستۆتە بەردەست نانەواکان کە دەبێت شارۆمەندان لە رێگەی کارتی بانکی بۆ کڕینی نان هەنگاو بنێن.
نرخی هەر کیلۆ ئارد بۆ بەکارهێنەران وەک هاوەڵاتیان و بە گشتی نانەواکان، لە ماوەی کەمتر لە یەک حەوتوودا لە ۲۷۰۰ تمەن گەیشتە ۱۲هەزار تمەن و لە ئێستادا بە ڕێژەیەکی بەرچاو بەرز بۆتەوە بۆ ۱۶ هەزار تمەن.
چەند بەرانبەر بوونی نرخی ئارد، ناڕەزایەتی و نیگەرانی لێ کەوتۆتەوە و کەمبوونەوەی بەرچاوی خۆراک گەلێک وەک ماکارۆنی لە ناو مارکێتەکانی لێ کەوتۆتەوە.
نرخی میوەی جۆراوجۆر بە نرخێکی سەر سووڕ هێنەر لە بازاڕەکانی ئیسفەهان؛
هاوکات کە باس لە گرانی و نەبوونی ئارد و خوارک دەکرێ و بۆتە کێشەی هاووەڵاتیان لە لایەکی دیکە نرخی چەندین میوەی جیاواز و جۆراوجۆر لە بازاڕەکان دەر دەکەوێت.
نرخی ئەم میوە لوکسانەی وک نارگیل و ئەڤەکادۆ و ئەناناس ... لە یەک دانە و یەک کیلۆ ۷۰ هەزار تمەن دەست پێدەکات تا ۱۰۰، ۱۶۰، ۲۰۰، تا ۳۰۰ و ۳۵۰ هەزار تمەن.
باس لەوە دەکرێت کڕێن و فرۆشتنی ئەم مێوانە لە لایەن بنکە و فرۆش و مەیدانی مێوە و سەوزە لە لایەن ئیدارەی کشتووکاڵەوە پەسند نەکراوە و بەشێکی زۆریان لە مەرزی پاکستان لە ڕێگای زەوی بە قاچاغ هاوردەی شارەکانی سیستان و بلووچستان دەکرێت.
ڕێکه‌وت: 2022-05-08 08:26:51
به‌شی ( هه‌واڵی ئێران )






  به‌شی : هه‌واڵی کوردستان   کات : 2022-05-20 10:03:34

دیمانه

سیاسی