خەباتمێدیا: لەدوای ئازاد كردنی نرخی ئارد و بەرز بوونەوەی نرخی نان و ڕاگەیەندراوی ستادی ڕێكخستنی بازاڕ لە پێوەند بە بەرزبوونەوەی نرخی مریشك، هێلكە، شیر و بەرهەمە شیرییەكان و ڕۆن ، خەڵكی بەش مەینەتی ئێران, رژاونەتە سەر شەقامەكان و تا دێ‌ سنووری نارەزایەتیەكان بۆ شارەكانی تریش پەرە ئەستێنی .
بە پێی ڕاپۆرتەكان ڕۆژی شەممە 24ی بانەمەڕ لەگەڵ كەشی ئەمینەتی شارەكانیش ، لە چوارمەحالی بەختیاری ، بروجێرد، بروجێن و شارەكی رەزەوی تاران و قۆچان، هەفشجانی نیشابوور، فارسان تەزاهورات لە دژی حكوومەت بەردەوام بوو و خەڵکی ناڕازی دژی خامنەیی و ڕژیمی ئاخوندی دروشمیان دا و خوازیاری ڕووخان و نەمانی ئەو دەسەلاتە بوون.
بە پێی ئەو راپۆرتانەی بە خەباتمێدیا گەیشتووە لە شار و پارێزگاكانی كوردستانیش خەڵكی ئامادەی خۆپیشاندانن و جم و جوڵی ئیعترازی ئەبیندرێ‌ و لە لایێكی ترەوە هێزێكی بەرچاوی سەركەووتکەر ناو شارەكانیان تەنیوەتەوە و ئەو جۆرەی لە ڕاپۆرتەكان ئاماژەی پێ ئەكرێ‌ لە مەودای هەر سەد میترێك مەئمورێكی سەركووتكەری رژیم جێگیر كراوە.

جێگەی باسە لە دوای هەنگاوی حكوومەتی ڕەئیسی لەراست لابردنی یارانەكان لەسەر هەندێك لە مادە خۆراكیەكان لە ڕۆژی پێنج شەممه نرخی پەسەند كراوی مریشك، بەرهەمە شیرییەكان و ڕۆن لە ئێران گران بوون، هەندێك لەم بەرهەمە خۆراكیانە دوو هەتا سێ هێندە گران بووە.
بەپێی نرخە پەسەندكراوە نوێیەكان، نرخی كیلۆیەك مریشك گەیشتە 60هەزار تمەن، نرخی ڕۆنی 810گرەمی گەیشتە 63هەزار تمەن، یەك تەبەق هێلكە گەیشتە 40هەزار تمەن، پەنیری بەستە كراو بە 38هەزار تمەن و شیری نایلۆنی 15هەزار تمەن گرانە بووە.