خەباتمێدیا: نرخی یەک فەردە ئارد لە بازاڕدا دەهێندە گرانتر بووە و لە 67هەزار گەیشتۆتە 640هەزارتمەن و دوابەدوای ئەم گرانبوونە نرخی نان دووهێندە گرانتر بووە. ئەمە لە کاتێکدایە کە نرخی ڕۆن، مریشک، هێلکە و هەمووبەرهەمەکانی شیر گران بووە و لەمەبەدواوە نرخیان بە شێوەی ئازاد هەژمار دەکرێت.
سەرەڕای ئەوەیکە بەرپرسانی ڕژیم باس لەوە دەکەن کە تەنیا نرخی ئەم بەرهەمانە گران دەبێت، بەڵام لە بازاڕدا بە پێچەوانەوە نرخی هەمووشتێک گرانتر بووە.
بە پێی هەواڵەکانی ناوخۆی ئێران، بازاڕی برینجی ئێرانی کونتڕۆڵ ناکرێ و نرخی هەر کیلۆ برینج لە بازاڕدا گەیشتۆتە 120هەزار تمەن. لەساڵی 1398 سوبسیت لەسەر خۆراکی برینج هەڵگیرا و ئەمە بووە هۆی پەرەسەندنی نرخی ئەم خۆراکە و ئێستا لە سەر سفرەی هەژاران نەماوە.