له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بە ئامادە بوونی سكرتێری گشتی رێورەسمی بە خاكسپاردنی مامۆستا شیخ رەئوف حوسەینی بەرێوە چوو

خەبات مێدیا: رۆژی چوارشەممە رێكەوتی 25ی مەی 2022 بەرانبەر بە 4ی جۆزەردانی 1401 تەرمی مامۆستا شێخ رەئوف حوسەینی لە ووڵاتی سوئێد گەرێندرایەوە هەرێمی كوردستان و لە گۆرستانی واژەی كوردستانی عێراق بە خاك سپێردرا.
لەسەر وەسیەتی خوالێ خۆشبێت مامۆستا شێخ رەئوف حوسەینی كە داوای كردبوو لە تەنیشت گۆری پیرۆزی جەنابی مامۆستا شێخ جەلالی حوسەینی رێبەری نەتەوەی گەكەلەكەمان بنێژرێ، بە ئامادەبوونی بەرێز كاك بابەشێخ حسێنی سكرتێری گشتی سازمانی خەبات ی كوردستانی ئێران و دادە خەجیج هاوسەری مامۆستا،ئەندامانی خانەوادەی مامۆستا شێخ ڕەئوف و ژمارەیەك لە خزمان و دۆستانی خانەوادەی گەورەی حوسەینیەكان، رێورەسمی تەڵقین و ئەسپەردەكردنی بە خاكی گۆرستانی واژە بەرێوە چوو.
لە پاش رێورەسمی تەڵقین كە لە لایەن دکتۆر موحەممەد پێنجوێنی بەرێوە چوو، رێزدار كاك بابەشێخ سكرتێری گشتی سازمانی خەباتی كوردستان وەك گەورەو نوێنەری سەرجەم بنەماڵە چەند وتەێكی پێش كەش بە ئامادە بووان كرد. بەرێز كاك بابەشیخ لە قسەكانی دا وتی: شارباژێر و سلێمانی مەڵبەندی كوردایەتی و مەردایەتی و تێكۆشەرانی قارەمانپەروەرەو ئێمە لێرە خۆمان بە میوان نازانین و خۆمان بە هاوبەش دەزانین، چونكە هەر لەم گۆرستانە قەبری باب وباپیرانمانی لێیە و سەربەرزین بەوەی كە لە نیشتمانی خۆمان دەژین و كەس و كارمان لێرە ئەنێژین . مامۆستا شیخ رەئوف وەسیەتی كرد كە گۆرەكەی بهیندرێتەوە گۆرستانی واژە و ببێتە میوانی مامۆستا شێخ جەلالی حوسەینی چونكە هەم فەقێی بوو و هەمیش سالانێك لە ریزی سازمانی خەبات ی كوردستانی ئێران نزیك و هاوباوەر و هاورێبازی بوو و تا دوانەفەس لەگەڵ رێبازەكەی مایەوە. مامۆستا شیخ رەئوف و هەموو هاوچارەنووسەكانی بۆ یەك ئامانجی پیرۆز و بەرز ئاوارە بووین و ریگەی دەربەدەری مان هەڵبژاد، ئەویش بۆ ئامانجی رزگاری نیشتمان. كەسێكی وەك مامۆستا شیخ رەئوف دەیتوانی لەوپەری ئیمكانات دا ژیان بكات بەڵام ئامادە نەبوو سەر بۆ ستەم و دیكتاتۆری دانەوێنی و بۆیە رێگەی خەبات و شۆرش و رێگەی پیرۆزی سازمانی خەبات ی كوردستانی هەڵبژارد بۆ ئەوەی گەل و نیشتمانەكەی ئازاد بێ. كاتێكیش لە كوردستانی گەرمێن میوان بوو مال و جێگەی ژیانی لە خزمەت هاوەلاتیان و خزمانی بوو و بۆیە گرینگە بەشداریمان كردووە و بێگومان بەشێكی زۆری ئێوەی بەرێز كە لە ژیانی مامۆستا ئاگادارن، دەزانن كە ناوبراو كەسایەتیەكی چەندە بەرزی هەیە و چەندە خزمەتی نیشتمانی كردووە. بەرێز كاك بابەشێخ حوسەینی لە كۆتایی قسەكانی دا ووتی: بە نۆبەی خوم لە لایەن هەموو كەس و كار و بە نوێنەرایەتی خانەوادەی مامۆستا شێخ ڕەئوف سپاسی هەموو ئێوەی بەرێز و خزمانی واژە ئەكەم كە عەزیەتان كێشاوە و گەورەیتان نواند و جارێكی تر خزمایەتی و كەسایەتی خۆتان سەلماندەوە.
لەدوای كۆتایی هاتنی رێورەسمی ئەسپەردە كردنی تەرمی مامۆستا شیخ رەئوفی حسێنی دوانیوەری هەمان رۆژ لە مزگەوتی حاجی جەلای ئاسنگەر لە شاری سلێمانی رێورەسمی پرسە و سەرەخۆشی بۆ داندرا و رێزدار كاك بابەشێخی حسێنی سكرتێری گشتی سازمانی خەباتی كوردستانی ئێران و كوڕانی مامۆستا شێخ رەئوف پێشوازییان لە خەڵك كرد.

ڕێکه‌وت: 2022-05-27 09:10:20
به‌شی ( سکرتێری گشتی )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی