خەبات مێدیا: ڕێکخراوی نەتەوەیەکگرتووەکان لەسەرەتای ساڵی زایینی ڕاپۆرتێک لەسەر پەرەسەندنی ڕێژەی سێدارە لە ڕژیمی ئێران بڵاو کردەوە و نیگەرانی خۆی دەربڕی و ڕایگەیاند: ژمارەیەکی زۆر لە سێدارەکان بە پێچەوانەی پێوەری دادگای دادپەروەرانە و ناڕوون بوون.
لەم ڕاپۆرتەدا هاتووە کە هەندێک لە سێدارەکان بەپێی سوێندی کەس و کاری کوژراو و بە بێ بەڵگەی باوەڕپێکراو جێبەجێ کراون.
پاش بڵاوبوونەوەی ئەم ڕاپۆرتە دەزگای دادی ڕژیم ئەم ڕاپۆرتەی بە (سیاسی و کردەوەیەکی نابەجێ) لەقەڵەم دا و نووسی: ئەویکە پێوەرە جیهانییەکانی مافی مرۆڤ سەرنج نادەن بە هەمەچەشنی کلتوری گەورەترین کێشەیەکە کە ئەبێتە هۆی پێشێلکردنی مافی مرۆڤی وڵاتەکان لە ئازادی بیروهزر و پێشێلکردنی مافی مرۆڤ لە جیهان بە گشتی).
ڕێکخراوی نەتەوەیەکگرتووەکان لە بەشی شکەنجە و دەسبەسەرکردنی بێ هۆکار پێداگری کردەوە کە بێبەش کردنی بەندکراوان لە دەرمان، نیگەرانی ئێمە دوو هێندە دەکاتەوە.
لە کاتێکدا ڕژیمی ئێران بەردەوام تاکەکان لەسەر بیروهزری سیاسی و ئایینی لە بەند دەکات و شکەنجە و دواتر لەسێدارەیان ئەدات، لە پاساوی ئەم ڕاپۆرتەدا وتی: لە ئێران هیچ کەسێک لەسەر بیروهزر و یان سەربە ڕێکخراو و گروپێکی تایبەت لە بەند نەکراوە.

لە بەشێکی دیکەی ڕاپۆرتی ڕێکخراوی نەتەوەیەکگرتووەکان، سەرنج خراوتە سەر گەڵاڵەی بەرزکردنەوەی حەشیمەت و به سنووردارکردنی ئینتەرنێت ئاماژە دەکات و باس لە لێکەوتەکانی ئەم گەڵاڵەیە دەکات.
ڕێکه‌وت: 2022-06-22 07:59:03
به‌شی ( هه‌واڵی ئێران )