له‌سه‌رهێل 104
پێنجشه‌ممه‌ 27 گه‌لاوێژ 2722
سازمانی خه‌باتی کوردستانی ئێران
هێرشی ئیسرائیل بۆ سەر ژمارەیەک چەک و چۆڵی سەربازی ڕژیمی ئێران

خەبات مێدیا: کاناڵی 12ی ئیسرائیل دەڵێت: لە هێرشی ئەم دواییە بۆ سەر تەرتووسی سووریا ژمارەیەکی زۆر گرینگی چەک و چۆڵی سەربازی ڕژیم کراونەتە ئامانج.

کاناڵی 12ی ئیسرائیل بە ئاماژە کردن بە هەوڵی دووبارەی فەرماندەکانی سپای ترۆریستی پاسداران بۆ ناردنی سیستەمی دژە ئاسمانی بۆ سووریا، ڕایگەیاند: کە لە هێرشی مووشەکی سەرلەبەیانی ڕۆژی شەممە بۆ سەر ڕۆژئاوای سووریا ژمارەیەک چەک وچۆڵی نێردراوی سەربازی گرینگ کە یەک حەوتوو پێش ئێستا لە ئێرانەوە نێردرابوون, کراونەتە ئامانج.
هەواڵدەری دەوڵەتی سووریا سەرلەبەیانی ڕۆژی شەممە ڕایگەیاند کە ئیسرائیل بەتەقاندنی چەند مووشەکێکی ئاسمانی لە دەریای مەدیتەرانە، چەند شوێنێکی بەرهەمهێنانی مریشکی لە شارۆچکەی حەمیدیە لە باشووری بەندەری تەرتووس کردۆتە ئامانج کە چەند کەسێکی مەدەنیش بریندار بوون.
بەپێی وتەی کاناڵی 12ی ئیسرائیل که شەوی شەممە لە ڕاپۆرتێکدا بڵاوی کردەوە وتی ئەو ناوچانەی کراونەتە ئامانجی هێزەکانمان نیشان دەدات کە ئامانج لەو هێرشە ژمارەیەک چەک و چۆڵی سەربازی بوو، کە حەوتووی پێشوو لە کەشتییەکی ئێرانی بەتاڵ کراوە.
جێی ئاماژەیە ئەم ڕاپۆرتە باس لەوە دەکات کە ئەم هێرشە هاوکاتە لەگەڵ هەوڵە نوێیەکانی ڕژیمی ئێران بۆ گواستنەوەی سیستەمی بەرەنگاری ئاسمانی خۆی بۆ سووریا بە ئامانجی پارێزگاری لە بەرژەوەندییە سەربازییەکانی.
هەر لەسەر ئەو بابەتە چوار ساڵ پێش ئێستایش وال ئێستریت ژۆرناڵ لە ڕاپۆرتێکدا ڕایگەیاند هێرشی ئیسرائیل بۆ سەر بنکەی (تی 4) بە ئامانجی لەناوبردنی چەک و چۆڵی سیستەمی دژە ئاسمانی کە ڕژیمی ئێران دروستی کردووە و بۆ دامەزراندن گواسترابوویەوە بۆ سووریا ئەنجام درا.
دوا بەدوای ئەو هێرشەی کە 20ی خاکەلێوەی ساڵی 1397 ڕووی دا فڕۆکە جەنگیەکانی ئیسرائیل هێرشیان کردە سەر بنکەی (تی 4) لە پارێزگای حەمسی سووریا کە بەوهۆیەوە 14 کەس لە ئەندامانی سپای ترۆریستی پاسداران کوژران.
هەروەها بەپێی ڕاپۆرتی ئەو کاناڵە ئێسرائیلیە، هەوڵی نوێی ڕژیمی ئێران بۆ گواستنەوەی سیستەمی دژە ئاسمانی بۆ سووریا، بەسەرپەرەستی یەکێک لە فەرماندە باڵاکانی سپای ترۆریستی پاسداران و بە هاوکاری ئەرتەشی ڕژیمی سووریا لەحاڵی جێبەجێ کردندایە.

ڕێکه‌وت: 2022-07-03 17:52:21
به‌شی ( هه‌واڵی ئێران )






  به‌شی : هه‌واڵی کوردستان   کات : 2022-08-17 20:54:20
به‌شی : هه‌واڵی ئێران
ڕێکه‌وت : 2022-08-14

به‌شی : هه‌واڵی ئێران
ڕێکه‌وت : 2022-08-13

به‌شی : هه‌والی جیهان
ڕێکه‌وت : 2022-08-13

سیاسی