له‌سه‌رهێل 81
سێ‌شه‌مه 5 ره‌زبه‌ر 2722
سازمانی خه‌باتی کوردستانی ئێران
بەشداری سكرتێری گشتی سازمانی خەبات لە گردبوونەوەی جیهانی ئێرانی ئازاد


خەبات مێدیا: رۆژی 9ی گەلاوێژی 1401ی هەتاوی گردبوونەوەی جیهانی ئێرانی ئازاد بە بەشداری ئێرانیانی ئازادە و كەسایەتیە سیاسیەكان لە 101 وەڵاتی جیهان بەرێوەچوو.
لەو گردبوونەوەدا كە دوو سەرۆك كۆمار، 9 سەرۆك وەزیر، 3 سەرۆكی پارڵەمان، 2 راوێژكاری ئاسایشی نەتەوەیی، 9 وەزیری دەرەوە و 29 وەزیری پێشووی وەڵاتان، 42 سەناتۆر و نوێنەری پارڵەمان، 14 كەسایەتی دیاری ئەمریكایی و 79 پارڵەمانتێر لە وەڵاتانی ئوروپایی، عەرەبی و كانادایی بەشداربوون.
ئەو ساڵیش لە گردبوونەوەكەدا خانم مریەمی رەجەوی سەرۆككۆماری هەڵبژیردراوی شۆرای ملی مقاومەتی ئێران و دەیان كەسایەتی سیاسی و پارڵەمانتار و بەرپرسی پێشووی وەڵاتان وتاریان پێشكەش كرد.
لە كوردستانیش كاك بابەشێخی حوسەینی سكرتێری گشتی سازمانی خەباتی كوردستانی ئێران پەیامێكی گرینگی لەسەر دۆخی خەڵكی ئێران، خەڵكی كوردستان، دۆخی رژیم و بەرەی مقاومەت و خەبات دژ بە رژیمی ئاخوندی پێشكەش كرد.
لە وتارەكەیدا كاك بابەشێخی حوسەینی وتی: ساڵی رابردوو ساڵێكی پر دەستەكەوت و سەركەوتوون بوو بۆ مقاومەتی خەڵكی ئێران و مقاومەت و خەباتی مافخوازانەی خەڵكی كوردستان بوو. ساڵێك كە خەباتی جەماوەری دژ بە دەسەڵاتی دیكتاتۆر و خۆسەپێن و سەرانی نیزامی گەندەڵی ئاخوندی لە ناوخۆی شارەكانی ئێران و كوردستان لە ترۆپكدا بوو و خەباتی خەڵكی ئێران و چالاكانی خەباتكار و تیمە شۆرشگێڕەكان "كانونهای شورشی" گەورەترین چالاكی مەیدانی و سایبەریان لە بەرامبەر ئەو دەسەڵاتدا ئەنجام داوە.
درێژەی وتەكانی بەرێز سكرتێری گشتی ئیشارەی دا بە: ئاشكراكردنی پیلانە تیرۆریستیەكانی رژیم لە دەرەوە، پشتیوانی بەربڵاوی پارت و كەسایەتیەكانی جیهان لە مقاومەتی سازماندراو وەكوو تەنیا رێگەچار و تەنیا جێگرەوەی دیموكراتیكە لە ئێرانی داهاتوودا لە هەمووی گرینگتر بە ئاكام گەیشتنی حەمیدی نووری تاوانكار و تۆڵەی خوێنی شەهیدانی كوردستان و ئێران لە كوشتاری 67دا لە ئاستی نێونەتەوەیی و جیهانی و حوكمی زیندان بۆ ئەسەدوڵا ئەسەدی دیپلۆمات ترۆریست و تیرۆریستەكانی هاوكاری.
بەرێز سكرتێری گشتی لە درێژەی بابەتەكەیدا وتی: سازمانی خەباتی كوردستانی ئیران خودموختاری بۆ كوردستانی ئێرانی بەپێی پەسەندكراوی شۆرای ملی مقاومەتی ئێران و پێداگری مقاومەت لەسەر هاتنەدیی مافی نەتەوەكانی ئێران لە چوارچێوەی ئێران بە پێشكەوتوو دەزانێ و پشتیوانی لە پرۆژەی 10 خاڵی خانم مریەمی رەجەوی دەكات.
كاك بابەشێخ لە پێوەند بە كەهكەشانی ئەو ساڵ گوتی: من پشتیوانی لە بەرێوەچوونی گردبوونەوەی ئەو ساڵ دەكەم و بێ گومانم كە كەهكەشانی ئەو ساڵ "1401" زیاتر لە هەر كاتێكی دیكە جێگرەوەی سەرەكی رژیم لە مەیدان دا نیشان دەدا و لەو رووەوە بەو شكۆیەی ئەو رەوتە باڵانسی هێز لە نێوان هێزە خەڵكیەكان و دژە خەڵكیەكان دەرخەری توانای مقاومەتی ئێران و كوردستانی ئێران و هەڵوەشانەوەی پیلانەكانی و سازشكاران دژ بە خەڵكی ئێرانە.
سكرتێری گشتی سازمانی خەبات لە كۆتایی وتارەكەیدا وتی: لە كۆتاییدا دوانزەهەمین ساڵرۆژی كۆچیی دوایی مامۆستا سەید جەلال حوسەینی دامەزرێنەری سازمانی خەبات دا سلاو دەنێرم بۆ مامۆستا و تێكڕای شەهیدانی خەباتی رەوا و شۆرشگێڕانە لە بەرامبەر دەسەڵاتی ئاخوندی و شەهیدانی سەرفەراز و قارەمانی سازمانی خەبات.
ڕێکه‌وت: 2022-08-07 08:17:12
به‌شی ( سکرتێری گشتی )






به‌شی : هه‌واڵی کوردستان
ڕێکه‌وت : 2022-09-19

به‌شی : هه‌واڵی ئێران
ڕێکه‌وت : 2022-09-16