له‌سه‌رهێل 108
سێ‌شه‌مه 5 ره‌زبه‌ر 2722
سازمانی خه‌باتی کوردستانی ئێران
هێزە سەرکوتکەرەکانی رژیم شەوانە هەڵدەكوتنە سەر ماڵی هاووڵاتیان

هێزە سەرکوتکەرەکانی رژیم شەوانە هەڵدەكوتنە سەر ماڵی هاووڵاتیان

بەپێی ڕاپۆرتانەی لە ناوخۆوە بەدەستمان گەیشتووە, هێزە بەکرێگیراوەکانی حکومەت شەوانە هەڵدەکوتنە سەر ماڵی هاووڵاتیان و لاوەكان و پیاوان دەسبەسەر و شیشە و پەنجێرەی ماڵەكان دەشكێنن. هەروەها بەپێی ڕاپۆرتەکان و ئەو فیلمانەی پێمان گەیشتوون خەڵکیش بە شناسایی کردنی لیباس شەخسییەکانی سەر بە وەزارەتی ئیتلاعات, زۆرێک لەو بەکرێگیراوانەیان سزا داوە و لە شەقامەکانیش هێزەکانیان ڕاو ناوە.
ڕاپەڕینەکانی جەماوەر بۆ مەحكوم كردنی شەهیدكرانی #ژینا_ئەمینی و پشتیوانی و هاودەردی لە خانەوادەی ئەمینی و شاری سەقز و كوردستان، بە یەکگرتوویی و هاوئاهەنگی زۆرترەوە لە شارەکانی ئێران و کوردستان بەردەوامە. لە شاری ورمێ خەڵکی کورد و تورک بە شێوەیەکی یەکگرتوو دروشمی "آذرباییجان بیدار است مدافع کردستان است" سەر ئەدەن, لە زانستگاکانی تاران و ئەزەهرا خوێندکارانی بوێر وێڕای لابڕدنی لەچک و سەرپۆش بەرەورووی هێزی ئەمنیەتی زانستگاکە بونەتەوە و دروشمی "مرگ بر دیکتاتور" سەر ئەڵێنەوە. شایانی باسە ماڵپەڕەکانی بەیتی خامنەیی، دەوڵەت، بانکی ناوەندی و وەزارەتی ئیرشاد و حەوزەی علمییەی قۆم هاک کراون.
هێزە تاوانكارەكانی رژیم راستەوخۆ دەستڕێژی لە خەڵكی راپەڕیو دەكەن و مخابن تا ئێستا، فواد قەدیمی خەڵکی دیواندەرە، ئیمان بێهزاد پوور لە سنە، فەرجاد دەرویشی ۲۳ ساڵان لە ورمێ، ڕەزا لوتفی لە دێگولان، زەکەریا خەیاڵ تەمەن ۱۶ ساڵ لە پیرانشار، پەیوەست بە كاروانی شەهیدان بوون. هەروەها لە سنە پێنج چالاکی بزوتنەوەی ژنان بە ناوەکانی: فەرانەک ڕەفێعی, باران ساعدی, ماهروو هیدایەتی, ئازادە جەماعەتی و بەهار زەنگی بەند و لە کامیاران ئەنوەر قوربانی یەکێک لە چالاکانی مەدەنی ئەو شارە و لاوێک بەناوی ئیحسان قادری دەستبەسەر کراون.
ڕاپەڕینەکان هەتا دێ بەتەوژمتر دەبێ و وێڕای شەهید و بریندار بوونی ژمارەیەك لە راپەڕیوان و دەستبەسەر كرانی ژمارەیەكی زۆری دیكە، بەڵام راپەرین و ناڕەزایەتیەكان تا دێ گشتگیرتر و بەربەڵاوتر دەبێتەوە


ڕێکه‌وت: 2022-09-21 17:26:50
به‌شی ( هه‌واڵه‌کان )






به‌شی : هه‌واڵی کوردستان
ڕێکه‌وت : 2022-09-19

به‌شی : هه‌واڵی ئێران
ڕێکه‌وت : 2022-09-16