له‌سه‌رهێل 119
هه‌ینی 7 رێبه‌ندان 2722
سازمانی خه‌باتی کوردستانی ئێران
هێزە سەركوتگەرەكانی رژیم پەلاماری ماڵێك دەدەن و سێ برا بریندار دەكەن

رۆژی سێ شەممە 4ی رێبەندانی 1401ی هەتاوی، هێزەكانی رژیمی ئاخوندی لە گوندی بێوران پەلاماری ماڵی ئەحمەد هەمزە لە گوندی بێورانی ناوچەی سەردەشت دەدەن و سێ لە كوڕەكانی بریندار دەكەن.
ئەو كردەوە نامرۆڤانەی هێزەكانی رژیم لەكتێكدایە كە چەند مانگێك لەوەپێش هێمن هەمزە یەكێكی دیكە لە كوڕەكانی ناوبراو لەلایەن هێزەكانی رژیمەوە شەهید كراو كاردانەوەی توندی جەماوەری ناوچەكەی بە دوای خۆیدا هێنا.
هێزەكانی رژیمی ئاخوندی لە كاتێكدا چوونەتە سەر ماڵی خاڵ ئەحمەد كە هیچ بیانوویەكیان بۆ ئەو كارە نەبووەو ئەو خانەوادەیە هێشتا بە دوای چارەسەری بریندارەكانی پێشوویانەوەن و تازیە و پرسەی شەهید هێمن درێژەی هەیە.
ئەو سێ برای شەهید هێمن كە لەلایەن هێزەكانی رژیمەوە پەلامار دراون ناوەكانیان بریتیە لە: ئازاد، عەبدوڵا و محەمەدی هەمزە. لە ئێستادا ئەو سێ برایە لەلایەن خزم و كەس و كار و خەڵكی ناوچەكەوە گوازراونەوە بۆ نەخۆشخانە.

ڕێکه‌وت: 2023-01-24 18:20:43
به‌شی ( هه‌واڵی کوردستان )



خوێنه‌ر ده‌توانێ ئه‌و وتاره‌ له تۆڕه‌کۆمه‌ڵایه‌تیه‌کان بڵاوبکاته‌وه‌‌
ناونیشای وتار: هێزە سەركوتگەرەكانی رژیم پەلاماری ماڵێك دەدەن و سێ برا بریندار دەكەن