خەباتمێدیا: ڕۆژی شەممه ۲۷ی ڕەشەمەی ۱۴۰۱ی هەتاوی, شاندێکی نوێنەرایەتی سازمانی خەبات ی کوردستانی ئێران, بەسەرپەرەشتی بەڕێز کاک شۆڕش حاجی, ئەندامی کومیتەی ناوەندی سازمانی خەبات و بەڕێز کاک سامان ئەحمەدی, کادری سازمانی خەبات, بەشدارییان لە ڕێوڕەسمی ساڵیادی دامەزراندنی یەکێتی نەتەوەیی دیموکراتی کوردستان کرد. هەیئەتی نوێنەرایەتی سازمانی خەبات بەم بۆنەوە پەیامی پیرۆزبایی بەڕێز سکرتێری گشتیی, جەنابی کاک بابەشێخ حوسەینی و ئەندامانی سەرکردایەتی سازمانی خەبات ی کوردستانی ئێران یان پێشکەش بە سکرتێر و ئەندامانی سرکردایەتی یەکیەتی نەتەوەیی دیموکراتی کوردستان کرد و لەلایەن بەڕێز کاک غەفوور مەخمووری سکرتێری گشتیی و ئەندامانی سەرکردایەتی پێشوازی گەرمیان لێیوە کرا.