له‌سه‌رهێل 85
شه‌ممه‌ 27 خه‌رمانان 2721
سازمانی خه‌باتی کوردستانی ئێران
شەڕی باڵەكانی ڕژیم تا دێت گەرمتر دەبێت

 

شەڕی باڵەكانی رژیم رۆژ لە دووی رۆژ بەرینتر دەبێتەوە وتا دێت گورگەكان زیاتر لە یەك بەر دەبن. رێكەوتنی ئەتۆمی(بەرجام) كە باڵێك بەسەركەوتنی دەزانێت و ئوسولگەراكان بە پاشەكشێی دەزانن ،تەنووری ئەو شەڕەی زیاتر گەرم كردوە. هاوكات هەڵبژاردنی رەشەممەی داهاتوو كە باڵەكان بە هەڵبژاردنێكی یەك لاكەرەوەی جیناحی دەزانن، هەڵویستی باڵی رۆحانی-رەفسەنجانی و هاوكات دژكردەوەی موحافیزەكارانی لێكەوتۆتەوە. ئاخوند رۆحانی رۆژی 28ی گەلاوێژ لە دانیشتنێكی هاوبەشی نێوان دەوڵەت وپارێزگارانی رژیم، بە ئاماژە بە وەرێخستنی هەڵبژاردن، باڵی ئوسولگەرایان وشۆڕای نیگابانی دایە بەر رەخنە وگوتی: بۆ دەكرێت باڵیك بلێت من  شتێكم دۆزیوەتەوە كە دەتوانم بەهەموو رەنگێك دەری  بێنم، بەم جۆرە نیە. رۆحانی پاشان بە ڕەدكردنەوەی سەڵاحیەتی كەسانی سەروە ڕەفسەنجانی-رۆحانی لە لایەن شۆرای نیگابانی خامەنەیی لە رابردوودا ئاماژەی دا و لە بارەی ڕۆلی شۆرای نیگابان گوتی: ئیمە جێگەیێكمان لە وەڵات نیە كە گەرەكی بێت كەسی ساڵح ودڵسۆز كە گەرەكیانە بە كەڵك وەرگرتن لە ئەزموونەكانیان خزمەت بە وەڵات بكەن، ڕەدی سەڵاحیەت بكەن. مۆرەكانی باڵی رۆحانی- ڕەفسەنجانی بە بیانووی بەشداری كردن لە فیتنەگێڕی ڕەد دەكرێنەوەو رۆحانی دەڵێت ئێمە شاندی بەێوەبەریمان نیە كە باڵێك پەسەند بكاو باڵێك ڕەد بكاتەوە. لە دوای ئەم لێدوانانەی ئاخوند رۆحانی، سەرانی ڕژیم لە هێرشێكی هەموو لایەنەدا بۆ سەر رۆحانی،قسەكانی ناوبراویان بە جەوسازی ئەژمار كردو ناویان نا چەواشەكاری لەدژی شۆڕای نیگابان. لەو پێوەندیەدا ئاخوند سادقی ئامولی لاریجانی سەرۆكی دەزگای قەزایی رژیم لە دژ كردەوە سەبارەت بە قسەكانی رۆحانی گوتی: بۆچی هێندێك لە ئاغایان باڵبازی لە دژی شۆرای نیگابان وەرێدەخەن وقسەی چەواشەكارانە دەكەن وقسەو باس لەو بارەوە دروست دەكەن؟ سەرۆكی نیزامی قەزاییەی رژیم لە درێژەی قسەكانیدا لە دژی رۆحانی وبە بەرگری لە شۆرای نیگابان داوای لە رژیم كرد لە بارەی چارەنووسی هەڵبژاردنەوە خۆراگرانە رابوەستێت.ئاخوند ئەحمەدی خاتەمیش بەرنوێژی هەینی تاران لە كۆبوونەوەی ئەندامانی شاندی چاودێری شۆرای نیگابان ولە دژ كردەوە سەبارەت بە قسەكانی رۆحانی گوتی: ئەركێك كە یاسای بنەرەتی لە ئەسڵی 90 خستویەتیە سەرشانی شۆرای نیگابان،چاودێریە لەسەر هەڵبژاردنی مەجلیس وسەرۆكایەتی كۆمار ومەجلیسی شۆرای ئیسلامی وگەرانەوە بۆ دەنگی گشتی و ریفراندۆمە.هەر لەم پێوەندیدا  نوێنەرانی سەروە خامەنەیی لە مەجلیسی ئاخوندان هیرشیان كردە سەر رۆحانی. عەلی ئێرانپور رۆحانی تاوانبار كرد كە سەروە رژیمی ئیسرائیلە ونوێنەرایەتی ئەوان دەكات.ناوبراو گوتی: هێندێك كەس لە راستای قازانجی دژمنانی سوێند خواردووی نیزامی پیرۆزی ئێران هەنگاو هەڵدەگرن وبە بێ‌ سەرنجدان بە ئەسڵی 98و 99ی یاسای بنەرەتی، هەوڵ بۆ لاوازكردنی دامەزراوەی پیرۆزی شۆرای نیگابان دەدەن كە بە داخەوە ئەم نیەتە پیسە ئی رژیمی سەهیونیستی ودژمنانی دەرەكی ونێوخۆییە. وریای دەدەم بەو كەسانە كە ریگە بە هاتنی كەسانی وەك بەنی سەدرو ومەجلیسی شەشەم نادرێت. كوچكزادەش كە یەكێكی دیكە لە ئەندامانی مەجلیسی رژیمە گوتی: رۆحانی كە سوێندی خواردوە پاسەوانی مەزهەبی فەرمی ونیزامی جمهوری ئیسلامی ویاسای بنەرەتی بێت،بە پێچەوانەی دەقی نوسراوی یاسای بنەرەتی رەخنە لە كاری شۆرای نیگابان دەگرێت. ئاغای بێ‌ هونەر بەخوا ئەم كارانە ودرێژەدان بەو قسانە دەبێتە هۆی دیكتاتۆری. بۆ كۆماری بوونی ئەم نیزامە هەروەكوو ئیسلامیەتەكەش خوێن ڕژاوە. من وریایی دەدەم ئەگەر راست دەكەی وپێملی خامەنەیت،بەقسەی ناوبراو بكە كە هاوپێوەندی و نەبوونی ناكۆكی بە پێویست دەزانێت بۆ ئەم رۆژگارە. دوو باڵی نێو حاكمیەوتی رژیم كە مونافسەی كۆكرنەوەی هێز بۆ قۆرخ كردنی دەسەڵات دەكەن،لە ئێستاوە كە 7 مانگی ماوە بۆ هەڵبژاردنی بە نێو مەجلیس، كەوتوونەتە تاوانبار كردنی یەكدی وباڵی خامەنەیی هەموو هەوڵیانە كە مەجلیسی شەشەم دووپات نەبێتەوە وقۆرسایی باڵی رۆحانی –رەفسەنجانی لە موحافیزەكاران زیاتر نەبێت.هەر چەند هەڵبژاردن لە ساختارو پەیكەرەی رژیمی دیكتاتۆری ئاخوندی بابەتێكی فۆرمالیتە وچەواشەكارانەیە ولە ئیستاوە هەموو نوێنەرانی مەجلیسی یازدەهەم دیاری كراون، بەلام بە پلان و بەرنامە هەموو سەرەوەختێكی هەڵبژاردن ، هەڵمەتێكی فراوانی پروپاگەندەی هەڵبژاردن وەرێ‌ دەخەن وگەرەكیانە بەهەر جۆرێك بێت بەرگی دیموكراسی وهەڵبژاردنی ئازاد بكەنە بەریان.ئەم رێكارەیان بۆ هەڵبژاردن لە كاتێكدایە كە هێندێك لە مۆرەسووتاوەكانی رژیم باس لە شێوەی هەڵبژاردن لە نێو ئەو سیستمەدا دەكات وبە شەرمەوە دەلێن كەبە بوونی فڵتێرو شۆڕای نیگابان و وەزارەتی ئیستسوابی،كەی هەڵبژاردنێكی پاك ئەنجام دەدرێت.

 
ڕێکه‌وت: 2015-09-03 18:49:31
به‌شی ( وتاری سیاسی )





دیمانه

سیاسی