له‌سه‌رهێل 74
شه‌ممه‌ 27 خه‌رمانان 2721
سازمانی خه‌باتی کوردستانی ئێران
پێشێلكردنی ئاشكرای مافی كەمینە مەزهەبیەكان لە ئێرانی ژێر دەسەڵاتی ئاخوندی

 

بارودۆخی ئێران لە پێوەند بە ئازار و پێشێلكردنی مافی كەمینە مەزەهەبیەكان هەروا لە دۆخێكی خەماویی دایە و بە سەرەنج دان بە بەڵینەكانی حەسەنی رۆحانی پێش هەڵبژاردنەكانی سەرۆك كۆماری نەتەنیا ئالوگۆرێك دروست نەبووە بەڵكو خەراپتر بووە. 

رژیمی جینایەتكاری ئێران هەروا بەردەوامە لەسەر پێشێلكردنی مافی كەمینە مەزەهەبیەكان بە شێوەی سیستماتیك و ئازاری مەزەهەبەكان جگە لە ئیسلامی شیعەی ئاخوندیی هەورا بەردەوامە و فشار و سەركووتەكان لەسەریان دۆخێكی كارەساتباری بۆ دروستكردون.  لە كاتێك كە سەرۆك كۆماری رژیمی گەندەڵی ئاخوندی حەسەنی رۆحانی پێش هەڵبژاردنەكان و پێش پێكهینانی دەوڵەت لە ژێر دروشمی تەدبیر و هیوا بەڵینی دابوو كە پێش بە رەوتی ئازار و پێشێلكردنی مافی كەمینە نەتەوەیی و مەزەهەبیەكان دەگرێت و كۆتایی بەو رەوشە دێنێ‌. 

لە مادەی 18ی جارنامەی گەردوونی مافەكانی مرۆڤ كە حكوومەتی ئێرانیش یەك لەو وەلاتانەیە واژووكەر و بە رۆاڵەت پێبەندییەتی هاتووە، هەر مرۆڤێك ئازادە لە هەڵبژاردنی بیركردنەوە و ویژدان و دینی.  ئەو مافە بریتیە لە ئازادی جیابیری، گۆرینی مەزهەب و ئازادی بانگەشە بۆ ئایین و دەربڕینی باوەر چ بە شێوەی تاك و چ لەناو كۆمەڵ و هاورێ لەگەڵ خەڵكی تر، لە چوارچێوەی پەروەردە و بەرێوەبردنی بۆنەكان و تاعەت و عیبادەت لە ژینگە گشتی و تایبەتیەكان. 

بەڵام حكوومەتی زاڵ بەسەر ئێران كە پێویستە پێ بەندی بەندەكانی جارنامەی گەردوونی مافی مرۆڤ بێ، هەروا لەسەر ئەو بەڵینەی خۆ لادەدا و كەمینە نەتەوەیی و ئایینیەكان دەچەوسێنێتەوە و مافەكانیان لە ژێر سێبەری حكوومەتەكەی پێشێل دەكرێن. زۆر روون و ئاشكرایە رژیمی ئاخوندی بە سەرەنج نەدان بە بەڵینەكانی، یاسای بنەڕەتی خۆیشی كردۆتە یاساێكی تەك مەزهەبی و و ئیجباری و هەموو مافەكان دراوە بە ئیسلامی شیعە. هەڵبەت ئەوەش پێویستە بوترێت كە زۆرجار كەسانێك سەر بە ئەو مەزهەبەش ئەگەر وەك بەرێوەبەران و دەسەڵاتداران بیر نەكەنەوە دەكەونە بەر تیغی غەزەبی دەسەلاتداران و یان دەخرێنە زیندان و یان دووردەخرێنەوە و لەناودەچن. پێشێلكردنی مافی نەتەوەكان و مەزهەبەكان كە لە لایەن دەست و پێوەندەكانی رژیمەوە بەرێوە دەچێ هەمووی لە ژێر پاڵپشتی و فەرمانی رێبەری خوێنخۆری رژیمی ئێران واتە عەلی خامنەیی سەرپەرشتی دەكرێت. 

گرتنی چالاكانی سیاسی و مەدەنی كورد و نەتەوەكانی تر و هێرشی درندانەی هێزە ئەمنیەتیەكان بۆ سەر كلیسا بچووكەكان و گرتنی ژمارەیێكی زۆر لە مەسیحی و  و دەرویشە گونابادییەكان و رووخانی مزگەوتی سووننی مەزهەبەكان لە تاران و رووخانی ماڵی هاوەلاتیانی بەهایی و بەری كردنیان لە مافی خوێندن و دەیان پێشێلكاریی تر نمونە و بەڵگەی زیندون بۆ پێشێلكاریی ئاشكرای مافی كەمینە نەتەوەیی و مەزەهەبیەكان لە وەلاتی ئێران . 

ئەوە لە كاتێكدایە كە بەرپرسانی رژیمی ئێران لە هەوڵدان تا بە فریوكاریی وای دەربخەن مافی خەڵكی ئێران پێشێل ناكرێ‌ و ئێران وەڵاتێكی دیموكراتیكە. بەڵام راستیەكەی ئەوە بووە كە ئەو رژیمە هەرگیز رۆژێك لە رۆژان پێبەندی بنەماكانی دیموكراسی نەبووە و  بە بەردەوامی پەرەی بە ئیعدام و كوشتار و بشێوی لە ناوچەكە و پشتیوانی لە ترۆریسم و پێشێلكردنی مافی كەمینە نەتەوەیی و مەزهەبیەكان داوە. 

 

 ئەمیر عەبدیان

 
ڕێکه‌وت: 2015-09-30 18:49:05
به‌شی ( وتاری سیاسی )





دیمانه

سیاسی