له‌سه‌رهێل 90
شه‌ممه‌ 27 خه‌رمانان 2721
سازمانی خه‌باتی کوردستانی ئێران
كارەساتی مادەی هۆشبەر و دیاردەی موعتادانی سەر شەقام

 

مادەی هۆشبەر ئەو دیاردەیەی كە دەستی خستۆتە بینەقاقای كۆمەڵگا و بە بەردەوامی و بە چركە هاوەلاتیان دەكاتە قوربانی و شیرازەی كۆمەڵگا و خاوخێزانەكانی بە تەواوی لێك هەڵوەشاندووە. 

كارەساتەكە رۆژ لەدوای رۆژ لە حاڵێ‌ پەرەسەندن دایە و دوایین ئاماژەكانیش ئاستی بەرفراوانی ئەو كارەساتە پشت راست دەكاتەوە.

بە گوێرەی راپۆرتی میدیاكانی سەر بەحكوومەت كە زۆر جار كەمتر لە رێژەی راستەقینەی خۆیەتی لە ساڵی رابردوو دا نزیك بە 550 هەزار كیلۆ مادەی هۆشبەری جۆراوجۆر دۆزراوەتەوە. ئەو سەرژمێرییە لەماوەی 6 مانگی سەرەتای ساڵی 1394 گەیشتووە بە 300 هەزار كیلۆ، كە هەر بەمجۆرە بڕوات ئەمساڵ رێژەی مادەی هۆشبەری ئاشكرابوو زیاتر لە سەرژمێری ساڵی رابردوو دەبێ.  

هەروەها  30 لەسەدی سەرجەمی مادەی هۆشبەری هاوردە كراو بۆ ناو ئێران دۆزراوەتەوە و بەو پێیە 70 لەسەدی مادە هۆشبەرەكان لە ئێران بە كار دەهێندرێن. بە پێی سەرژمێرییە بلاوكراوەكان ، 55 لەسەدی بەكارهێنەران ی مەوادی موخەدیر تریاك بە كار دێنن، 26 لەسەد مادەی شیشە بە كار دێنن، 16 لەسەد كراكی ئەفغان، 8 لەسەد هیرۆئین، 6 لەسەد حەشیش و 3 لەسەدیش ئێكستازی  بە كار دێنن. بەسەرنج دان بە كەڵك وەرگرتنی جۆراوجۆری مەوادەی هۆشبەر كۆی گشتی ژمارەكانی سەرەوە زیاتر لە 100 لەسەد نیشان دەدات. 

دەسپێكی تەمەنی كەڵك وەرگرتن لە مادەی هۆشبەر گەیشتووەتە ژێر 16 ساڵ. یەك لەسەدی خوێندكاران یان موعتادن و یان ماەی هۆشبەریان ئەزمون كردووە. وێرای ئەوەی كە 4.2 لەسەدی خوێندكارانی ئێرانیش تووشی ئیعتیاد و مادەی هۆشبەر بوونە. 

لە 4 مانگی سەرەتای ئەمساڵ سەرژمێریی قوربانیەكانی مادە هۆشبەرەكان لە ناو پیاوان 838 و لە ژنان دا 101 كەس راگەێندراوە.  لە بەراوردی زۆرترین قوربانیەكان بە ریز ناوی شارەكانی تاران، خوراسانی رەزەی و ئیسفەهان دێ‌. بە پێی ووتەی وەزیری ناوخۆی كابینەی رۆحانی لە مانگی گەلاوێژی ساڵی 1393 بە بوونی 100 هەزار موعتادی سەرشەقام لە ئێران زیاتر لە 13 تا 15 هەزار كەسیان لە تاران دەژین. 

بێگومان هۆی سەرەكی بەربڵاوبوونەوەی مادەی هۆشبەر، سپای پاسداران و باڵەكانی جینایەتكاری رژیمی ئاخوندین. ئامانجی ئەوان لەناوبردنی وردە وردەی لاوانی ئێرانە كە بۆ خۆیان دەیان جار دانیان بەوە ناوە كە لاوان وەكوو بومبێكی چیندراون لە دژی نیزامی ئاخوندی. 

 بە پێی سەرژمێریی ناوەندەكانی رژیم سەرژمێری تووشبووان بە مادەی هۆشبەر 4 میلیۆن كەسە كە بێگومان سەرژمێرییە راستەقینەكان زۆر زیاتر لەو ژمارەن. زیانەكانی مادەی هۆشبەر بە ئابووری ئێران 40 هەزار میلیارد تمەن راگەێندراوە , بە پێی راپۆرتی پزیشكی قانونی رژیم سەرژمێریی قوربانیانی مەوادی هۆشبەر لە سێ مانگی سەرەتای ئەمساڵ 666 كەس بوونە. بە پێی راپۆرتەكانی پزیشكی قانونی، 347 حاڵەت ژەهراوی بوونی لەرادەبەدەر، 220 حاڵەت كێشەی درێژ ماوە و 99 حاڵەتیش مردن بە هۆی كەڵك وەرگرتن لە مەوادی سەرخۆشكەر بووە. لە سێ مانگی سەرەتای ساڵی 93 قوربانیانی مەوادی هۆشبەر لە ئێرانی ژێر دەسەلاتی ئاخوندەكان لەگەڵ گەشەی 5.4 لەسەدی رووبەروو بووە لەكاتێك دا كە سەرژمێری خەسارەتەكان لەماوەی هاوشێوەی ساڵی پێشوو 632 كەس بووە. لە ئێستا دا تەمەنی ئیعتیاد گەیشتووەتە 13 ساڵ و ئەو سەرژمێرییانە نیگەرانیەكان زیاتر دەكات. بە پێی دوایین زانیارییەكان پەرەسەندنی ئیعتیاد لە نێو لاوانی ژیر 18 ساڵ 100 لەسەد بووە و 3 لەسەد لە موعتادەكانیش لە نێوان 15 تا 19 ساڵ تەمەنیان بووە. ساڵی رابردوو لە زمانی بەرپرسانی رژیم وریایی درا كە نزیك بە یەك میلیۆن و 400 هەزار منداڵ لە ژێر هەرەشە و مەترسی تووش بوون بە مادەی هۆشبەر دان و و كەڵك وەرگرتن لە شیشە تەنیا بە ماوەی 2 ساڵ لە ژێر 4 لەسەد گەیشتووەتە 22 لەسەد. 

 
ڕێکه‌وت: 2015-10-27 07:52:33
به‌شی ( وتاری کۆمه‌ڵایه‌تی )





دیمانه

سیاسی