له‌سه‌رهێل 92
شه‌ممه‌ 27 خه‌رمانان 2721
سازمانی خه‌باتی کوردستانی ئێران
یــــــــــادێک لــــــــــــە شـــــــەهیدانـــــــــــــی ســـــــــــــاوان

رۆلەی فیداكاری گەلن ،

تیشكی ئەستێرەی دەم ئاسۆ و،

دركەی بەیانی دەم كەلن .

سپێدەی رۆژی رزگارین ،

شنەی شەماڵی بەختیارین .

پەنای جوتیار و رەنجدەرن ،

شۆڕشگێڕ و تێكۆشەرن .

بزەی سەرلێوی مناڵن ،

پەپولەی هەست و خەیاڵن.

نەسیمی سوبحی ئاواتن ،

مامۆستای وانەی خەباتن .

ئەوینداری گەل و هۆزن ،

هێما و نیشانەی پیرۆزن .

سوڵتانی ولاتی عەشقن .

بۆ گەل سەرقافڵە و سەرمەشقن.

سەریان بەرزە وەكو ،سەرتوون،،

بەنرخن وەك زێڕ و ئاڵتوون .

باڵا بڵند وەك ،، وەزەنێ ،،

هیچ هێزێك هەڵیان ناكەنێ .

،،بەردەكل چاوی بۆ رشتوون ،

،،ئاوەسپی روخساری شوشتوون

،، قەڵا رەش ،، بۆیان رەش پۆشە ،، كەژەڕێ دڵ بە پەرۆشە.

ئەویندارانی چاوەڕێ هێشتاش هەروا چاوەڕوانن ،

بە رۆژ لە رێ و بانی جاران ،

شەو لە ئاسمانێ دەڕوانن .

ئەستێرەی دڵدار دەدوێنن ،

دڵگیراون ، سەربەهەش و مل بە كوێنن

ئەوانە كێن واپیرۆزن ؟!

خۆشەویستی گەل و هۆزن ؟!.

مایەی شانازی خێزانن ،

تاجی سەری كوردستانن ؟!.

ئەوانە پۆلە شەهیدی ساوانن .

فیدای گەل و نیشتمانن !.

خوێنیان رژا بۆ رزگاری ،

بۆ سڕینەوەی هەژاری .

بۆ وەی وڵاتیان رزگاربێ ،

كێشەی نەتەوەیان چار بێ !

حەوتەوانەكەی ئاسمانن ،

حەوت شەهیدەكەی ،،ساوانن،، .

سڵاو لەو گیانە پاكانە ،

رۆڵەی بە وەفا و تاقانە .

ئەو حەوت ئەستێرە گەشانە ،

بریتین لەم شەهیدانە :

غەزالی شۆڕە سواری كورد .

قادری خاوەن دەست و برد .

هەڵمەتی خاوەن مژی و بیر .

كاكە زاهیری ئازا و ژیر .

تاهیر بەوری بە هەو و تاو .

ئەحمەدی گەنج و تازە لاو .

لە بۆ كورد رشتیان خوێنی گەش

سڵاو لە گیانی حەمە ڕەش .
ڕێکه‌وت: 2015-10-29 10:02:04
به‌شی ( شه‌هیدان )





دیمانه

سیاسی