له‌سه‌رهێل 86
شه‌ممه‌ 27 خه‌رمانان 2721
سازمانی خه‌باتی کوردستانی ئێران
پــــــڕوســــەی گـــــەورەی دوای ڕێكــەوتــنی ئـــەتــــــۆمــــی

 

دووهەم، روسیا بە پشتیوانی شێعەكانی (ئێران و سوریا ) خۆی دەكاتە دوژمنی وڵاتانی ئێسلامی (سوننی ) و گروپە تێرۆریستەكانی ناوچەكە و لەوە بەدوا لە گەڵ ڕوسیا بە شەڕ دێن و ناوخۆی ڕوسیا بەر هێرش و تەقینەوەی ئەو گروپانە دەكەوێ و قەفقاز و چێچین دیسان دبنەوە ناوچەكانی پڕ لە كێشە بۆ ڕوسیا . و دواتر ئەوەیە كە لە كاتێدا لە لایەن ئوروپا و ئامریكا گەمارۆی ئابۆری خراوەتە سەر ڕوسیا و بۆتە هۆی قوڵبوونەوەی كیشەكانی ئابوریەكانی ناوخۆیی ، خەرج كردنی ملیۆنها دۆلار بۆ ڕاگرتنی ئەسەد بە نرخی ڕووبەڕووبۆنەوە لە گەڵ وڵاتانی عەرەبی و توركیا و ئیسرائیل دەتوانێ قەیرانی ئابوری ڕوسیا و ناڕەزایەتی ناوخۆیی ئەو وڵاتە زیاتر بكات . ڕێی تێ دەچێت وا بیر بكەینەوە كە كێشەی سوریا داوێكە بۆ ئێران و ڕوسیا بەڵام لە ڕاستیدا لە بەرژەوەندی وڵاتانی ڕۆژئاوایی دا نیە و بێ سەرو بەرەیی لە ناوچەكەدا زیاتر دەكات و هەژمونی دەسەڵاتی ئامریكا و عەرەبە سوننییەكان لە ناوچەكەدا تێكدەدات .ئامریكا دەیهەوێ دوای ڕێكەوتنی ئەتۆمی لە گەڵ ئێران كێشەی سوریاش كۆتایی پێبێنێ . لەو لاشەوە روسیا دەیهەوێت ئەو ستراتیژیەی ئامریكا تێكبدات و بە ڕاگرتنی ئەسەد ئامریكا زیاتر لە كیشەكانی ناوچەی ڕۆژهەڵاتی ناوین دا سەرقاڵ بكات و لەو پڕەنسیبە دووری بخاتەوە .

ئامریكا پێش كەم كردنەوەی هێزەكانی لە ڕۆژهەڵاتی ناوین دەبوایە چەند كارێكی بكردایە كە بریتی بوون لە تەیار كردنی ئیسرائیل بە پێشكەوتوو ترین چەك و فڕۆكە و موشەك و زانیاری و ئامرازی بەرگری و پیشەسازی سەربازی و دواییش لابردنی ئەسەد و جێگیركردنی هێزەكانی سەر بە عەرەبستانە لە سوریا و لوبنان بۆ دابین كردنی ئاسایشی ئیسرائیل و تەنگ پێهەڵچنین بە حیزبوڵڵا و حەماس و جیهادی ئیسلامی و ئەوجار ڕێكەوتنە ئەتۆمیەكە لە گەڵ ئێران بۆ دوو مەبەستی ئاماژە پێكراوی سەرەوە بە ئامرازی گۆڕانكاری ناوخۆیی لە ئێران . تەیاركردنی ئیسرائیل و نزیك كردنەوەی هاوكاریەكانی ئەمنیەتی و سەربازی لە نێوان تۆركیا ، عەرەبستان و ئیسرائیل و میسر بۆ ڕوبەڕووبوونەوە بەرامبەر هێزە توندڕەوەكانی ناوچە و بە تایبەت گۆشەنشین كردنی سوپای قودس كە سەرچاوەی چەك و هێز و بودجەی زۆربەی گروپە توندڕەو و تێرۆریستەكانی ناوچەیە دەتوانێ بەرنامەكانی ئامریكا سەركەتوو بكات .

لەوە دچێت سەختترین بەشی پڕۆسەكەی ئامریكا بابەتی گۆشەنشین كردنی سوپای قودس و بە شەكانی تری سۆپای پاسداران و دەست و پێوەندەكانی رژیم بێت لە ناوچەكەدا . ئەوە چۆن بۆ ئامریكا جێ بە جێ دەبێت ؟  وەڵامەكەی ئەوەیە كە ڕێكەوتنی ئەتۆمی خاوەنی هەندێك بڕیارە كە لایەنی ئێرانی بە نوێنەری زەریف قەبووڵی كردووە و خامنەیش ڕەزامەندی لە سەرداوە و هەندێك لەو بابەت و خاڵانەی كە لە ڕێكەوتنی ئەتۆمی دا بۆ ئامریكا گرینگە بەشی سیاسی (نهێنی) ئەو ڕێكەوتن نامەیە كە خاوەنی لایەنی كاریگەر و درێژ خایەنە بۆ گۆڕانكاریە سیاسیەكانی ناو خۆ و دەرەوەی ڕژێم . ئەی ئەم پرسیارەمان بۆ نەهاتۆتە پێش كە بە چ دڵنیانیەكەوە حەسەنی ڕوحانی باسی لە لا چوونی زۆربەی گەمارۆكان و باش بوونی كێشەكانی ئێران دەكات لە ناوخۆ و دەرەوە دا . مەگەر ئەو نازانێت كە بەشێكی زۆری گەمارۆكانی سەر ئێران لە سەر كارە تێرۆریستیەكانی سوپای پاسداران و باڵی سوپای قودس و پشتگیری لە ڕژێمی ئەسەد و گروپەكانی چەكداری و چەتە و دەست و پێوەندەكانی سوپای پاسدارنە لە ناوچەی ڕۆژهەڵاتی ناوین و باكوری ئەفریقا ؟ بەڵێ ڕۆحانی و زەریف باش ئەزانن كە چیان واژۆ كردووە . بۆیە خامنەیی و سوپا لەو ڕێكەوتنە زۆر تۆڕە و ناڕازین ، خامنەیی وایدەزانی هەموو وتەكانی جێ بە جێ دەكرێت كە چی فێڵیان لێ كرا . ئەگەر زەریف و ڕۆحانی ئەو ڕێكەوتنەیان بە ئەنجام نەگەیاندایە گەمارۆكان شكستی بە دەوڵەت و بەرژەوەندیەكانیان دەگەیاند و سۆپا و دەستەو بەرەی خامنەیی گسكیان لەو جەماعەتە دەدا و كۆیان دەكردنەوە . ڕاستە خامنەیی لە سەر ڕێكەوتنی ناوەكی رەزامەند بوە بەڵام بیری لەو فێڵە نەدەكردەوە كە لە ڕێكەوتنە سیاسیەكە دا لە رژێمەكەی بكرێت . بەشێك لەخاڵەكانی ئەو ڕێكەوتننامەیە كە لە ڕێگای ڕۆژنامەكانی ئامریكاییەوە ئاشكرا بووە ئەمانەن :

لەو ڕێكەوتننامەیە دا بۆ ماوەی 8 ساڵ رژیم مافی دروستكردن و كڕینی موشەكی باڵستیك (دوورهاوێژی نیە ) تەنانەت موشكی دوورهاوێژی زیاتر لە 300 كیلۆمیتریش 

رژیم نابێت چەك و چوڵ و هێز بۆ وڵاتانی دیكە و بە تایبەت ناوچە رەوانە بكات چونكا ئەبێتە هۆی تێكچونی ڕێكەوتننامەكە و (كە ئەم وتە لە زاری یەكێك لە نوێنەرانی مەجلیس باسی لێوە كراوە )

ڕژێم دەبێ گێرە شێوێنی هێزەكانی لە ولاتانی دراوسێ ڕابگرێت و هێزەكانی بباتەوە بۆ ناو ئێران

شێواز و شوێنی خەرج كردن و بە كارهێنانی پارە و دراوی ئازاد كراو دەبێت بە شێوەیەكی شەفاف بۆ ولاتانی 5+1ڕاپۆرت بدرێتەوە .

هەموو دامەزراوە و بارەگا و پادگانە سەربازیەكان و ناوەندەكانی دروستكردنی موشەك و چەك و چۆل كە ڕۆژئاواییەكان شكیان لێی بێت و لە پێشبینی ڕژیم دا نەبێت دەچنە خانەی پشكنین و ناسینەوە .

و ...

كاری دوایی ئەمریكا ئەوەیە كە ناوی سۆپای پاسداران بخاتە ناو لیستی گرۆپی تێرۆریستیەوە ( ئێستا سوپای قودس لە ناو ئەو لیستە دا دانراوە )  ئەوە بە مانای ئەوەیە هەموو كۆمپانیا ولایەنەكانی بازرگانی و دەڵاڵی و هێنان و ناردنی كاڵا و پوڵ و دراوی سەر بە سوپا و هەموو ئەندامەكانی دەچنە ناو لێستی رەشی ئامریكا و بەر گەمارۆ دەكەون و ئەندامەكانی ناتوانن بۆ زۆربەی وڵاتانی جیهان بچن تەنانەت كوژرانی حوسێن هەمەدانی جێگری قاسم سولێمانی و ئەندامانی تریان لە سوریا و عێراق ئەتوانین وا مانا بكەینەوە كە ئیسرائیل و ئامریكا شەرمیان نیە لە ڕژێم و جیهانیان كە ئەندامانی گروپە تێرۆریستیەكان لە هەر كوێیەكی جیهان بن لە ناو ببن . 

دیارە ئەو جینایەتكارانە تەنها لە ناو ئێراندایە كە گیانی پارێزراو و ئەتوان بە حەزی خۆیان درێژە بە كار و خەونە گڵاوەكانیان بۆ لا ناو بردنی ژیان و سامانی خەڵكانی ئێران بدەن .

ئەگەر پارەكانی ئێران (دراوی بلۆكە كراو وهەروەها بە دەست هاتوو لە فرۆشی نەوت ) كە لە ڕێگەی بانك و دامەزراوەكانی چەند وڵاتێك دەگوازرێتەوە بۆ ناو ئێران بدرێتە دەست دەوڵەتی ڕوحانی و شوێن و شێوازی خەرج كردن و بەكار هێنانیشی بە پێی ڕێكەوتن نامەكە دیاری بكرێت و بكرێتە ڕاپۆرتێك بۆ وڵاتانی 5 كۆ 1 و سوپاش لە ناو لیستی تێرۆر دابێت ، كوا دەوڵەتی ڕوحانی دەتوانێ بە ئاشكرا پوڵ بداتە دەست ئەو هێزە تێرۆریستە كە لە ڕاستیشدا نایهەوێ چونكا سوپا وەفای بۆ هیچ باڵێكی ناو رژیم نەبوە و بە پیی عادەت و ئائینی خۆمەینی بەردەوام خەریكی پانكردنەوەی سەری خزمەتكارانیەتی . كشاندنەوەی هێزەكانی رژێم لە سوریا ،عێراق ،لوبنان و یەمەن و دەست هەڵگرتن لە ئاژاوە نانەوەو لە وڵاتانی تری ناوچەكە و باكوری ئافریقا لە لایەن رژیمەوە كاتێك بۆ دەوڵەتی رۆحانی دەچیتە قوناغی جێبەجێكردنەوە كە سوپا بكەوێتە ناو ئەو لیستەوە و هەروەها لە هەڵبژاردنەكانی ڕەشەمەی ئەمساڵدا بتوانێت لە مەجلسی خوبرەگان و مەجلیسی نوێنەران زۆرترینی كورسیەكان بە دەست بهێنێت و بتوانێت ڕای گشتی ناو ئێران بە هێنانی خەڵك بۆ سەر شەقام و سندوقی دەنگ دان بۆ لای خۆی و بردنەسەرەوەی ئاستی مانۆڕی دەسەڵات لە ناوحكومەت و كۆمەڵگا ڕابكێشێت .

لە خۆوە نیە ئۆباما ڕێكەوتنی ئەتۆمی بە گۆڕینی رەفتاری رژیم ناو دەبات و كارناسانیش بە گوڕینی ڕژیم.

بەڵام ئایا لەو حاڵەتەدا سوپا و خامنەیی دادەنیشن كە باڵی هاشمی لە ناویان ببەن یان كودەتایان لێ دەكەن . 

دیارە رژیم ڕیكەوتننامەی ئەتۆمی واژۆ كردوە و لە ئەنجومەنی ئاسایشی نەتەوەیەكگرتەوكانیش دا بۆتە ڕێكەوتنێكی ڕەسمی جیهانی و هەموو لایەنەكانیش دەبێ پێملی بن و هەر چەشنە گرێ دروست كردنێك یان بە جێ نەهێنانی خاڵ و بڕیارەكانی ئەو ڕێكەوتننامەیە لە لایەن ڕژیمەوە یەكەم  دەبێتە هۆی گەڕانەوەی گەمارۆكان و دووهەم هروژمی نیزامی و بۆمبارانكردنی پێگەكەنی رژیم لە ناو ئێران . بۆیە كودەتای سوپا هەر ئەوەی لێ دەكەوێتەوە كە ژێر پێنانی ڕێكەوتنەكە . 

میكانیسمی قۆناغ بە قۆناغی ئەو ڕێكەوتننامەیە بە جۆرێك دارێژراوە كە ڕێگا خۆشكەر دەبێت بۆ قایم كردنی پێگەی دەسەڵاتی میانە ڕۆكانی ئێران كە هاشمی و خاتەمی و ڕوحانی و بنەماڵەی خۆمەینی دەگرێتەوە . ئەم باڵە بیرۆكەكانی ڕەفسەنجانی كە پێیوایە دەبێت رژێم لە سیستەمی میلیتاریزەی سوپاوە بۆ سیستەمی ئەمنیەتی بگۆڕدرێت و بواری ئابوری لە شێوازی هاوردەكردن بۆ بەرنامەی وەبەرهێنان هەنگاو بنێت و هەر وەها سیستەمی ویلایەتی موتڵەقە ببێتە شوڕایی و ئێران بچێتە ناو بازنەی سیستەمی ئابۆری ئازادی جیهان و سەرمایەداری جیهانی و ولاتانی ڕوژئاوایی لە ناو ئێراندا سەرمایەگوزاری بكەن تاقیب دەكەن و لە سەر جێبەجێ كردنیدان بۆ درێژ كردنەوەی دەسەڵاتی كۆماری ئیسلامی جا بەو شێوازەی باسی لێوە كرا . ئاماناجی دەستەی ڕەفسەنجانی بە ڕوحانی و ریفۆرمخوازان لابردنی كێشەكانی سیاسەتی دەرەوەی ئێران و دوور خستنەوەی سێبەری شەڕە لە گەڵ ئامریكا و ئیسرائیل و عەرەبە سوننییەكانە . دیارە ئەگەر ئەو گۆڕانكاریانە ئەنجام نەدەن لە داهاتویەكی نزیكدا ئامریكا وئیسرائیل و هاوپەیمانەكانیان بە ‌هێرشی نیزامی هەڵدەكوتنە سەریان و ئەگەر لەوەش ڕزگاریان بێت ئەوا گەمارۆكان و سیاسەتی ئابوری خامنەیی و سوپا وڵات لەوە وێرانتر دەكات و ئیتر ئەو جار نۆرە دەگاتە خەلك كە لە ناویان ببەن . ئەحمەدی موقەدەم سەركردەی نیروی جینایەتكاری ئینتیزامی ماوەیەك لەوە پێش وتبووی كە ئەگەر كێشەی هەژاری خەڵك چارەسەر نەكرێت ئێتر وانابێت كە خەڵك وەك ساڵی 88 بە ڕێپێوانی بێدەنگ بێن و ئێوارە بڕۆنەوە بۆ ماڵەوە بەڵكو خەڵكی هەژار ئەگەر بێت بە چەقۆی تیژ دێت و تا نانی نەستێنێ ناگەڕێتەوە . باسەكە ئەوەیە . هەر دوو باڵەكەی ناو خۆی ڕژیم چاك ئەزانن بارودۆخەكە بەرەو ئەو ئاستە دەڕوات كە ئەحمەدی موقەدم گوتویەتی و دەیانهەوێ پێش ئەوەی خەڵك بەچوقۆ ئاخۆند و پاسدار لە وڵات وەدەر نێن تەدبیڕیكی بۆ بكەن . هاشمی و ڕۆحانی دەیانهەوێت بە ڕێكەوتنی ئەتۆمی و سەرمایەدانان لە بەشی ئابوری لە لایەن ڕۆژئاواییەكان باری بەرەو هەڵدێری ڕژیم ڕاست بكەنەوە و سوپا و خامنەیی و دواكەوتوانیشی دەیانهەوەی ڕوسیا ببێتە ڕزگاركەریان و بە هۆی شەڕی پێشوەخت و سیاستی گێژەنی دەرەكی كاتی دەست پێكردنی شۆڕشی جەماوەری خەڵكی ئێران دوورتر و دوورتر بخەنەوە . 

سوپا باش ئەزانێت لە ڕێكەوتنی ئەتۆمیدا چێان بۆ دوریون و چی لە چارەنووسیاندایە و ئەگەر زوو نەجوڵێنەوە سەروەت و سامانی خەڵك و خاكی ئێرانیەكانیان لە كیس دەچێ و دەچێتەوە گیرفانی هاشمی و دەستەو تاقمەكەی . بۆیە زۆر حەز ئەكەن ئەو ڕێكەوتننامەیە تێك بچێت و نە چێتە بواری جێبەجێ كردنەوە . سوپا و خامنەیی بۆیان دەركەوتووە ئامریكا ( دەقی ڕێكەوتننامەكە ئامریكا دایڕشتووە ) فێڵی لێ كردوون و شتی زۆر لە پشت ئەو ڕێكەوتننامەوە هەیە كە بە واژۆی ئێران و ڕوسیاش گەیشتووە و بۆتە یاسایەكی جیهانی . ئێستا زۆر ترساون و پەلەقاژە دەكەن كە خۆ لە بڕیارەكانی بدزنەوە و جێ بە جێی نەكەن .

ئەگەر جێ بەجێی نەكەن و لە ژێری بدەن و هاوكاری ئاژانس و ڕۆژئاوا نەكەن ئەوا گەمارۆكان لە گەڵ سێبەری شەڕ دەگەڕێتەوە سەر جێی خۆی.  ئەی چار چێە ؟ سوپا ئەیهەوێت باری نائاسیی ڕابگەینێت و بەو هۆیەوە ڕێ لە پشكێنەرانی دامەزراوەی وزەی ئەتۆم بگرێت و  بڕیارەكان جێ بە جێ نەكات چونكا ئێتر كاتی ئەوە هاتوە ئێران دەستبكاتە بەجێهێنانی ڕێكەوتننامەكە بە شێوەی قوناغ بە قوناغ . یەكێك لەو كارانەی سوپا لە بەرنامەی دایە بۆ ڕاگەیەندنی باری نائاسایی ، بردنی وڵاتە بۆ فەزای داخراوتر و میلیتاریزەكردنی وڵات لە ڕێی ڕاگەیاندنی شەڕ بە وڵاتانی ناوچە وەك عەرەبستان و داوەت كردن لە ڕوسیا بۆ شەڕی سوریا بە مەبەستی ڕاگرتنی ئەسەد و دوور خستنەوە قوناغەكانی جێ بەجی كردنی ڕێكەوتننامەكە هەر وەك چۆن 11 ساڵ وتوووێژەكانی لە سەر بابەتی ناوكی درێژە پێدا بۆ كڕینی كات و درێژ كردنەوەی ماوەی مانەوە و درێژەدانی حكومەت و دەسەڵاتە نەگریسەكەیان .

بەڵام كێشەكە بۆ ئەوان لەوەدایە كە ئەو ڕێكەوتننامەیە بۆ هەر قۆناغێك ماوەیەكی دیاری كردووە و مكانیسمی بەڕێوەبردنەكەی كاری عەمەلی و پڕاكتیكی رژیمە نەك ڕۆژئاوا . گروپی 5+1 تەنها جار بە جار گەمارۆكان ڕادەگرن (تەواو لایان نابەن ) و لە درێژماوەدا كەم كەم دراوەكانیان بۆ دەگەڕێننەوە . دڕیژە كێشانی كاتی جێبەجێ كردنی بڕیارەكانی ڕێكەوتننامەكە لە لایەن ڕژیمەوە دوا ماوەیەك رژیم دەگەڕێنێتەوە سەر جێی جاران . 

سوپا قاسمی سولەیمانی نارد بۆ ڕوسیا بۆ ئەوەی پشتیوانی ڕاستەو خۆی سەربازی بۆ ئەسەد بە دەست بهێنێت بەڵام پەیامەكەی سوپا لە چونە ناو گێژەنی زیاتری شەڕ لە ناوچەكە دا و ئێئتلافی سەر بە ڕوسیا یەكەم بۆ ئامریكایە كە لە ڕێكەوتننامەكە سوپای بە هیچ نەزانیوە و ساڵانێك دانیشتن و گفتووگۆی دەستەی ئەحمەدی نژاد و لاریجانی و جەلیلی لە گەڵ وڵاتانی 5+1 هیچی لێ نەكەوتەوە و ڕای ئامریكا بۆ دەسەڵاتی نیزامی و پشتیوانەكەی كە ڕوسیایە ڕاكێش دەكات كە ڕۆژئاواییەكان تێبگەن كە ئەوە ئێمەین كە لە ئێران دەسەڵاتمان بەدەستە و ئەگەر بمانهەوێت ناهێڵێن رێكەوتننامەكە جێ بە جێ بكرێت و ئەبێت لە گەڵ خۆمان رێبكەون و پارەكان بدەنە دەست خۆمان ، و دواتر پەیامێك دەدات بە ڕۆحانی و هاشمی كە ئەبێت واز لە خەیاڵی گرتنە دەستی ناوەندەكانی دەسەڵات لە ناو حكومەتەكەیان بهێنن .

بەڵێ ئامریكا بە پشتیوانی ئورۆپا و كەنەدا و ئوستۆرالیا و ... ئەیهەوێت باری ناوچەی ڕۆژهەڵاتی ناوین هێور وەكات بۆ ئەوەی وزە و كانزاكانی پێویست بگاتە بازاڕەكان و كێشەكانی ئامریكا لەم ناوچەیە دا كەم ببنەوە . چونكا باری ئاسایی و ئابوری باش و هێمنی و دوركەوتنەوە لە كێشە دەرەكیەكان لە ناوچەكەدا بۆ ئێران دەبێتە مەرگی سوپا . لە فەقیری خەڵك و میلیتاریزە بوونی وڵات و بەردەوامی كێشەی درەكی ، سوپا و ئاخۆند درێژە بە حاكمیەتی خۆیان دەدەن . لە كاتی جێبەجێ كردنی ڕێكەوتننامەكە و هاتنی پشكێنەران و دماودەمی هەڵبژاردنەكانی خۆبرەگان و مەجلیس دا لە مانگی ڕەشەمە دەستەی خامنەیی و سوپا دەسەڵاتی خۆیان دەنوێنن و هەر هەنگاوێكیان بۆ لاواز كردنی دەستەی رۆحانی و هاشمی پلەیەك لە ڕێكەوتنەكە دوریان دەخاتەوە بۆیە ئامریكا و ئورۆپا بەشێكی زۆر لە یاساكانی هەڵپساردنی گەمارۆكان و ئازاد كردنی دراوەكانی رژیم لە بانكەكانی جیهان بۆ كاتی دوای هەڵبژاردنەكان و شێواز و چەند و چۆنی دەسەڵاتی دەوڵەتی ڕۆحانی دوائەخەن . ڕۆحانی و تاقمی هاشمی بۆیان ڕونە كە شكستیان لە هەڵبژاردنەكانی كۆتایی ئەمساڵ بە مانای دەسەڵاتی زیاتری سوپا و خامنەییە لە تێكدانی ڕێكەوتننامەكە و بەرەو هەڵدێر بردنی ئەو باندە ، بۆیە هەموو هێزیان لەم هەڵبژاردنەدا بە كار دێنن بۆ ئەوەی لە سەر دەسەڵات بمێننەوە و شكستی تاقمی ڕۆحانی ئەبێتە هۆی زیاتر بوونی بێ متمانەی ڕۆژئاوا بەو دەستەیە و پەشیمان بوونەوەیان لە دانانی سەرمایە و یارمەتی ئابۆری رژیم .   

 

كوتایی  

 
ڕێکه‌وت: 2015-11-28 16:03:45
به‌شی ( وتاری سیاسی )





دیمانه

سیاسی