له‌سه‌رهێل 95
شه‌ممه‌ 27 خه‌رمانان 2721
سازمانی خه‌باتی کوردستانی ئێران
شەری زێرینگەری یان رووبەرووبوونەوەی جیددی باڵەكانی رژیم

 

بە هاتنی رژیم بۆ قۆناغی دوای بەرجام، شەری باڵەكانی ناوخۆیی لەسەر پاراستن و وەرگرتنی پلە و پێگە و پووڵ و داهات لە قۆناغی رەخنە و گازەندەوە بۆتە شەڕە دەم و شەڕی فیزیكی. هێندێك لە كارناسان ئەو رووبەرووبوونەوەیانە بە شەڕی زێرینگەری دەشوبهێنن كە كۆتاییەكەی چەواشەكردن و فریودانی خەڵك و جیهانیانە بۆ درێژەدان بە حكوومەتی ئاخوندەكان و دەسەڵاتداریەتیەكەیانە  و هێندێكیش لەسەر ئەو بڕوایەن كە بابەتەكە لەو رواڵەت سازیانە تێپەڕیوە و باسی مانەوە و نەمانی باڵ و عەمەلیات كردنی باڵەكان لە جەستەی نیزامی دەسەڵاتداری ئێران لە ئارادایە. لەم ناوەدا فریوكاریی و شانۆگەرییەكان لە لایێك و رووبەرووبوونەوە جیدییەكانی ماوەێك لەمەوپێشیش لە لایێكی تر پێویستە لە لای یەك دابندرێن هەتا راستیەكان لەهەناوی رووداوەكان ئاشكرا بكرێن. 

لەدوای پەسەند كردنی بەرجام لەمەجلیسی رژیم، ئاخوند روحوڵلا حوسێنیان كە لە نوێنەرەكانی باڵی خامنەییە هەڕشەەی مردنی لە عەلی ئەكبەر ساڵحی و زەریف كرد. حسێنیان كە لە رووی داماویی لە راست بتۆن رێژی رئاكتۆری ئەراك كاری گەیشتە دابەزینی فشاری خوێنی و رەوانەی نەخۆشخانە كرا، گۆیا ساڵحی لە كاتی سەردانی لە حوسێنیان لە نەخۆشخانە بە ناوبراوی ووتووە كە هەم ئێوە كایەی سیاسیتان كردووە و هەم ئێمەش. ویستوویەتی بڵێ خەڵك دڵخۆش مەبن هەمووتانمان لەسەر كار داناوە و ئێمە هەموو یەك ئامانج و مەبەستمان هەیە و ئەو یارییە سیاسیانەی كە لە مەجلیس و شوێنەكانی تر دەكرێتە مەیدانی شەری زێرینگەری ئێمە، بۆ راگرتنی دۆخی ئێستا وبەردەوامی دەسەڵاتداریەتی دوو چینی ئاخوند و پاسدارە. میللەت دڵخۆش مەبەن هیچ خەبەرێك بوونی نییە. 

ووتووێژێكیش لە لایەن مەهدی رەفسەنجانی تاقانەكەی رەفسەنجانی لە بڵاوكراوەكانی مەجازیی بڵاو بوویەوە كە ناوەرۆكی سەرەكیەكەی ئەوەیە كە بابەتی من (زیندانی بوونەكەی ) یاری باوكم( هاشمی رەفسەنجانی) لەگەڵ خامنەیی بۆ بەردەوامی دەسەڵاتداریەتیەكەیانە. 

راستیەكە چیە؟ ئەوەی ئەو رۆژانە لە ئارادایە شەری زێرینگەری یان خود سەرهەڵدانی درزێكی جیددی لە باڵەكانی ناوخۆییە؟ خامنەیی و بەشێك لە حكوومەت تەنانەت ئاخوند رەفسەنجانی لەسەر پێویستی دوو رەوت بوونی حكوومەت ( لە چاولێكەری لە مۆدێلی هێندێك لە وەڵاتانی جیهان) پێداگری دەكەن . سەعید حەجاریان لە تیۆریسەنەكانی باڵی بەناو رێفۆرمیستە ئیسلامیەكان (هەمان ریفۆرمخۆازان) لەسەر ئەو بڕوایە بوو كە پاراستن و مانەوەی حكوومەتی ئاخوندی لە بوون بە دوو رەوتی جیاوازیی دەسەڵاتداریەتی و دەستاودەست كردنی دەسەڵات لە نێو ئەو دوو رەوتەیە. بەڵام لە بنەڕەتدا ئەو دوو باڵە ئەوەندەیان خاڵی هاوبەش لە فكر و شێوەی سەركووتی خەڵك و دزی و راورووتی داراییەكانی خەڵك و وەڵات هەیە كە جیاوازییەك لەنێوان ئەو دوو باڵە بۆ خەڵكی ئێران بوونی نییە. 

بە بروای نووسەر  شەری زێرینگەری لە شكڵی رواڵەت و فریوكارانەی چۆتە دەرەوە و ئیتر لە كۆنترۆڵی رژیم دا نییە. ركابەری و شەری باڵەكانی رژیم لەسەر دروست كردنی سەرچاوەكانی ژیانی وەڵات وەك دەسەڵاتی سیاسی و پێگەی كۆمەڵایەتی و وەدەست هێنانی سەرچاوەی ماڵی وەڵات چۆتە ناو قۆناغێكی نوێیەوە. بابەتی ناكۆكیەكانی دوو باڵ لەسەر دەستراگەیشتن بەو سەرچاوانەیە و بە زمانێكی تر ڕكابەری لەسەر دزی و راورووتی ماڵی گەڵانی ئێران و وەدەست هێنانی پێگە و پلەی زیاترە. هەموو  دروشمەكانی لایەنەكان لەسەر ئەو تەوەرە نیەت شوومانەیە و بۆ گەیشتن بە ئامانجەكەیان لە هەر رێگە و ئامرازێك (نامرۆڤانەترین و نائیسلامیانە ترین رێگەكان) كەڵك وەردەگرن.  بەڵام ئیتر ئەو گشتە فریوكارییەی ئاخوندان و كەڵك وەرگرتن لە ئامرازی جۆراوجۆر و ئامرازی دژ بە یەك بۆ درێژە دان بە حكوومەت لە كۆتایی رۆژەكانی خۆی ئیتر ئەو كاریگەرییە كارامەیەی نییە. نە پۆپۆلیسم تێكەڵ بە مەهدەویەت و تێئۆری سەرهەڵدانی ئەحمەدی نەژاد كە باسی ئیرانی بوونی دەركرد و بە پشت بەستن بە حكوومەتە غەیرە دینەكانی وەك (وێنێزۆئیلا ، چین و كۆرەی باكور) زیاتر لە 800 میلیارد دۆلار داهاتی وەڵاتی بە فیرۆ دا و نە تەنانەت شیعەگەرایی دەسكردی خامنەیی بە ئیدعای رابەرایەتی جیهانی ئیسلام كە بە بەردەوامی لەسەر دوو بنەڕەتی سەركووتی ناوخۆیی و قبووڵی سووكایەتی و گۆشەگیری دەرەوەیی و نێودەوڵەتی راوەستاوە و نە ئامرازی كەڵك وەرگرتن لە دروشمە زریقە و بریقەدارەكانی خەڵك سالاری دینی و ریفۆرمیستە درۆینەكان بە چەكی ئەهوەن كردنەوە ئاڵۆزییەكان و ئازادی بەیان و ... هیچكام ئیتر  ناتوانێ‌  ئەو رژیمە سەرانسەر لە دروشم و تێكەڵ بە درۆ و ئیدعایە بگەێنێتە ئامانج.  هەموو ئامرازە بە كاربراوەكان لە لایەن ئاخوندەكانەوە بۆ دەسەڵاـداریەتی لە ئێران لەماوەی ئەو 36 ساڵە وەك( ماركسیستی ئیسلامی، شیعەگەرایی ئیمام زەمانی، ئیسلاحخوازیی دینی و خەڵك سالاری ، میانەرەویی و دووریی لە گرژی، پان ئیرانیسم و پۆپۆلیسم و ....) یان بۆ درێژە دان بە حكوومەت بە كار هێنا، بەڵام ئەو حكوومەتە سەرانسەر درۆ و فریوكارە بە بێ بەرنامە، بەرنامەی سەرەكی خۆی كە دریژە دان بە ژیانی سیاسی دەسەڵاتی ئاخوندییە بردۆتە پێش. ئێستا كاری خەڵكی ئێران گەیشتووتە جێیك كە هاشمی رەفسەنجانی وەكوو رزگاریدەری خەڵك ( ئێوە بیخوێننەوە رژیم) خۆی پیشان دەدا. ناوبراو بە زانینی نەفرەتی خەڵك لە خامنەیی و سپا  دەیهەوێ‌  بازار گەرمی بۆ هەڵبژاردنەكانی داهاتوو و بەڵێنی سەركەوتنی باڵی خۆی بدات  وبە درۆ خەڵك بێنێتە سەر ئەو قەناعەتەی كە بە بەدەست هێنانی مەجلیسەكانی خوبرەگان و شۆرای ئیسلامی دەتوانێ‌ خەڵك بە سرینەوەی خامنەیی و باڵی نابراو هیوادار بكات. 

 

 
ڕێکه‌وت: 2015-12-01 09:39:45
به‌شی ( وتاری سیاسی )





دیمانه

سیاسی