له‌سه‌رهێل 77
شه‌ممه‌ 27 خه‌رمانان 2721
سازمانی خه‌باتی کوردستانی ئێران
ترۆر و كۆمەڵكوژی ، پلانی نەگۆڕی دەسەڵاتی ئێرانە

 

هێرشی ترۆریستی رژیم بۆ سەر هێزەكانی ئوپوزسیون لە دەرەوەی وەڵات بە تایبەت عێراق وكوردستان رابردوویێكی هەیە.لە ساڵەكانی 1990بەم لاوە كە كوردستان بووە مەیدانی تەراتێنی رژیم وبە كرێگیراوانی،زۆرترین قۆربانی وەبەر سازمانی خەبات وحیزبەكانی دیكە كەوت.لە كۆی هیرشی ترۆریستی بۆ سەر شۆرشگێران نێزیك بە 400 كەس شەهید بوون وسەدانی دیكەش بریندار.لە ساڵەكانی 2000بەم لاوە تەوژمی ترۆر وڕەشەكوژی رژیمی ئاخوندی كەمتر بۆوە وبە هۆی هوشیاربوونەوەی خەڵك ودەركەوتنی ماهیەتی دژەكوردانەی رژیم و گۆڕانی بارودۆخی ئابووری كوردستان ڕژیمی ترۆریست وترۆریست پەروەری ئاخوندی دەستی كورت بۆوە وتا رادەیێك ئەمنیەت وئۆقرەیی بۆ هێزەكانی رۆژهەڵات لە باشوور گەراوەتەوە.دیارە هەتا ئێستاش رژیم پلانی كردەوەی ترۆریستی دەگێڕێت وهیچ كات غافڵ نەبووە لە پیلانی ترۆری نەیارانی لە كوردستان،بەڵام وەك پێشوو ئەو كردەوانەی بۆ ئەنجام نادرێت.لە ماوەی رابردوودا چەندین پلانی ترۆریستی لە دژی حیزبەكان بەرێوەبردوە ولە نوێترین كردەوەی كردەوەی ترۆریستیدا ویستی چەند كەس ترۆ بكات وبنكەكان بتەقێنێتەوە و دەیهەوێت جارێكی دیكە ترس وتەوەحوش لە نێو بنكەی حیزبەكان دروست بكات و وبۆ ئەم مەبەستەش لەو ئاڵۆزیە سیاسیەی هەریم كەڵك وەردەگرێت. لە حاستی عێراق،كە دەسەڵات بە دڵی ئاخوندانە وپێشتر نووری مالكی نوێنەرایەتی قازانجەكانی رژیمی لە بەغدا دەكرد،هێرشی ترۆریستی دەكردە سەر موجاهیدین وبۆ خۆدەرباز كردن لە لۆمەی رۆژئاوا،لە رێگەی جەیشی موختار ورێكخراوە ترۆریستیە نەناسراوەكانی دیكە،هێرشەكانی وەئەستۆ دەگرت. پێشتر كەمپی ئەشرەفیان دایە بەرهێرش ولە چەند كردەوەیێكی دڕندانەدا دەیان كەسیان لەو شوێنە كردە قۆربانی. ئێستاش كەمپی لیبرتی هەڵكەوتوو لە بەغدا، بۆ چەندەمین جاردەكەوێتە بەر هێرش و رژیم گەرەكیەتی لەو قۆناغەدا كە دۆخی ناووچەكە بە دڵخوازیەتی كەڵك وەربگرێت ولەژێر ناوی جۆراوجۆر نەیارانی ترۆروكۆمەڵكوژ بكات.نێزیك بە مانگێك بەرسەر هێرشی وەحشیانەی رژیم ودەست وپێوەندەكانی بۆ سەر لیبرتی تێدەپەرێت.ئەو هێرشە دڕندانەی كە بۆ لە ناوو بردنی دانیشتوانی لیبرتی ئەنجام درا ،بە كەڵك وەرگرتن لە فەزای ئاڵۆزی سیاسی و كەشی  پێك هاتووئەنجام درا. بانگهێشتی رژیم بۆ كونفرانسی نێونەتەوەیی ویەن لە بارەی سوریە، ئاخوندانی لە سەرەڕۆیەكان سوورتر كردوهەر لە یەكەم چركەی دەسپێكی كۆبوونەوە، بە هاویشتنی 80 موشەك بۆ لیبرتی زیانێكی زۆری گیانی وماڵی بەو رێكخراوە گەیاندو ئەو پەیامەی دا كە ناووچەكە لە ژێر كونترۆڵی دایە وچی پێخۆش بێت دەیكات.زۆرێك لە شوێنەكانی ئاوردا و تەقاندیەوە وبەم جۆرە هاوبەرژەوەندخوازانی رژیم، ئاكامی كردەیی سیاسەتی سازان وباج دانیان بە ئاخوندەكان خستە بەر چاوی هەموان.ئەو هێرشە كە بووە هۆی شەهید بوونی 24 كەس و بریندار بوونی 200 مرۆڤی بێتاوان وخەسارەتی ماڵی زۆری لێكەوتەوە،بەڵام بە ڕوونی دەری خست كە ترسی سەرەكی ئاخوندان لە مەیدانی سیاسی وسەراسەری تا چ رادەیێكە ولە ناسكترین قۆناغەكاندا ناتوانن ترسی هێزی ئوپزسیون لە سەر نیزام لە بیر بكەن. ئاخوندەكان لە دەورانی رێكەوتنی بەرجام وخواردنی پیاڵەی ژەهری ئەتۆمی زیاتر دووكەرت بوون وچەن باڵی زیاتریان تێكەوتووە ولەگەڵ خواستی بەربڵاوی خەڵك لە نێو خۆ وبەرخودانی رۆژلە دووی رۆژی ئەوان بەرەوو ڕوو بوون ولە هەموو لاییكەوە بێهیوا بوون، هەربۆیە پێویستیان بە رۆحیە دانەوە هەیە، بە تایبەت ئەوەی كەلە ئاكامی ئەو ژار خواردنە و كاریگەری ناووچەیی وشكستی یەك لە دووی یەك وزنجیرەیی لە یەمەن،سوریە وعێراق و كوژرانی زۆرێك لە فەرماندەكان وچەندمۆرەی وەلی فەقێ‌  لە سوریە،بەم جۆرە گەرەكیانە رۆحیەی كرێگیراوان بەهێز بكەن.رژیم لە ئێستادا پێویستی بە خۆ دەر خستن هەیە تا دەری بخات كە كونترۆڵی بەسەر بارودۆخەكەدا هەیە وهەموو شتێكیان لە ژێر كونترۆڵ دایە هەر بۆیە تاویان داوەتەكردەوەی ترۆریستی ونەیارانی سیاسی كۆمەڵكوژ دەكەن ودەیانهەوێ‌ بە ترۆری سەرانی كورد وئەندامانی موجاهیدین وا نیشان بدەنەوەكە ئێستاش توانایان ماوە. ئەم كردەوانەی رژیم پێش لە هەموو شتێك ترسە لە موخالفانی سەرەكی  وتەنگەتاوی رژیم ئاشكراتر دەكات.

 ئاخوندان لە هەر جێگەیێك زیانێك ببینن ،نرخەكەی لە موخالفینیان وەردەگرن ولە ئاور بڕ وكۆتایی شەڕی ئێران وعێراق كە شەڕی ئوپۆزسیونی بە شەڕی عێراقەوە دەبەستەوە بۆ كۆتایی هێنان بە ترسی ناووخۆی ونەهێشتنی دەنگی رەسای زیندانیانی سیاسی وبۆ چاوترسین كردنی جەماوەر ،دەستی دایە قەتڵی عامی زیندانیانی سیاسی لە ساڵی 1367ولە رێگەی فشار بۆ سەر حیزبەكان هەوڵی دا قۆرسایی هێز بۆ خۆیان بگێڕنەوە وكونترۆڵی بارودۆخ بگرنە دەست. ئەمجارە ولە دووی هەڵدانی جامی ژەهر،وەلی فەقێ‌ وورەی ڕووخاو شكاوی بە جینایەت قەرەبوو كردولەم رێگەوە ویستی  رۆحیە بدات بە بەكرێگیراوانی. لە دووی پاشەكشێ لە دروست كردنی بۆمبی ئەتۆم وهەست كردن بە داماوی ڕووی كردە توندكردنی سەركوت وئێعدامی زیاتر لە ناووخۆ و بۆ نەهێشتنی ئەو بارودۆخە، ترۆر وڕەشەكوژی  زیاتر دەكەن. ڕوون  وئاشكرایە كە بڕیاری ترۆرو هێرش بۆ سەر ئۆپوزسیون، لە بەیتی ڕێبەری خامەنەیی دواكەوتوو دەرچێت و  بەرێوەبردنەكەی لە ئەستۆی سوپای ترۆریستی قودس وبەكرێگیراوانیانە كە خۆیان لە چەندین تاقمی جۆراوجۆر لە ناووچەكە دەبیننەوە.بەڵام لەم نێوەدا نابێت ناكارامەیی دەسەڵاتدارانی نێزیك لە رژیم ورێكخراوی نەتەوەكان كە لێپرسراویەتیان بۆ پاراستنی موخالفین و دانیشتوانی  ناو كەمپەكانە لەبەر چاو نەگیرێت.هەروەكوو ئەوەی كە لە بەرانبەر چەكدا ماڵینیان ، لەسەر پاراستنی ئەوان پێیان داگرتبۆوە.ئەو بەلێنیەی كە هیچ كات پێبەندی نەبوون وهەموو جارێك لە دووی كوشتاری ئەندامان  بە شەرمەوە مەحكومی دەكەن وهیچ هەنگاوێكیان بۆ پاراستنیان هەڵنەگرتوە وكاریان نەكردوە بۆ ئەوەی تاوانباران بناسێنن و بە سزایان بگەیەنن.ئەم جۆرە هەڵوێستانەیان وەك چرا سەوزێكە بۆ كوشتاری دوایی وئاخوندانی ددان وچنگ تیژتر دەكات بۆ ترۆو كۆمەڵكوژی و وەك بینیومانە جینایەت لە دژی مرۆڤایەتی دووبارە  دەبێتەوە.ئاخوندان بە بێ‌ خۆ ئامادە كردن ناتوانن جینایەت ئەنجام بدەن.سەرەتا بەناردنی مۆرەكانی ئیتلاعات لە ژێر ناوی خانەوادە بۆ بەر درگای لیبرتی وهاووكات بە ناردنی بەكرێگیراوان بۆ وەڵاتانی جۆراوجۆر بۆ تێكدانی ئارامی وشێوانی فەزای سیاسی دەست پێدەكەن.لەلایێكەوە هاوسەنگەرانی ویلایەت لە تەلەفزیون وماڵپەرەكان وسایتی زنجیرەیی وەزارەتەكان سوكایەتیان بە شۆرشگێران گەیاندۆتە لوتكە تا ڕقی بەكرێگیراوانیان زیاتر بكەن وئەو بەستێنە خۆش بكەن كە خوێنی شۆرشگیران بۆ ئەوان حەڵال بكرێت.ئەوانە كارەكانیان دابەشیوە وجینایەتیان خستۆتە سەر شانی پاسدارانی بروون مەرزیان وگەرەكیانە لە ئاوی لێل ماسی بگرن ولەم ئاشوفتەبازارەدا بە ئیشتیای خۆیان رۆڵە خەباتكارە ماندوویی نەناسەكانی شۆرشی ئازادیخوازانە بۆ دابین كردنی دیموكراسی لە ئێران وكوردستان لە ناوو بەرن،بەڵام ئەم كردەو كارانەی رژیم نەك هێزی گۆڕان وشۆرشی لاواز نەكردوە، بەڵكوو بۆتە هۆی وورە ورۆژ لە دووی رۆژ سەنگەری دژە ئیستبدادو دیكتاتۆری لە كوردستان وئێران ئاوەدانتر دەبێت .

 
ڕێکه‌وت: 2015-12-01 09:42:11
به‌شی ( وتاری سیاسی )





دیمانه

سیاسی