له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەرێز بەرێوەبەری گشتی سازمانی خەبات ی كوردستان پشتیوانی لە هەڵمەتی "منیش جل و بەرگی كوردی دەپۆشم" كرد

رۆژی 15ی دیسامبری 2015 بەرێز كاك بابەشێخ حسێنی بەرێوەبەری گشتی سازمانی خەبات ی كوردستانی ئێران بە وێنەیێكی واژوو كراو پشتیوانی خۆی لە هەڵمەتی "منیش جل و بەرگی كوردی دەپۆشم " كرد. 

دوای ئەوەی لە راپۆرتێكدا هەواڵدەری حكوومەتی ئێرنا-ی رژێمی ئاخوندی ئێران گاڵتەی بە جلوبەرگی كوردی كرد، ئەو شەپۆڵیك لە نارەزایەتی كوردانی كوردستانی ئێرانی بەرز كردەوە. ئەم هەواڵدەرییە حكوومەتییە لەپەیوەندی لەگەڵ سەفەرەكانی ئەم دواییانەی مەسعوود بارزانی بۆ عەرەبستان و توركیا، چەند ڕۆژ پێش بەبڵاوكردنەوەی ڕاپۆرتێكی شرۆڤەیی بە نێوەڕۆكی ورووژێنەر و تێكەڵ بە بێرێزی هەستی نەتەوایەتی خەڵكی وكردی خەوشەدار كردووە. لە ڕوانگەی زۆربەی شارەزایانەوە لە ڕاپۆرتی ئاماژەپێدراودا بە خستنە ڕووی هێندیك ڕخنە و تۆمەتی بێ بنەما لەسەر ڕێبەرانی هەریمی كوردستان، بە ئاشكرا بێ ڕێزی بە شێوەی جل و بەرگ و نەریت و فەرهەنگی خەڵكی كورد كردووە كە ئەمەش تووڕەیی و ناڕەزایەتی بەشێك لە هاووڵاتیانی كورد، كێشەی دەروونی ، كۆمەڵایەتی_ مەدەنی لە كوردستاندا لێكەوتووەتەوە.

لە راپۆرتەكەی ئێرنادا سەرۆكی هەرێمی كوردستان بارزانی بە " پیاوە پانتۆڵ لەبەرەكەی باكووری عێراق ناسێندراوە" ئەمەش خەڵكی هەر چوار پارچەی كوردستانی تووڕەكرد و چەندها كەمپەینیان بۆ شەرمەزار كردنی ئەو سووكایەتیە پێكهێنا.  لە ئەنجامی ئەو هەولانە بەرپرسی پەیامنێرانی ئێرنا لە پارێزگا كوردستانییەكان بەشێوەیەكی فەرمی داوای لێبوردنی لە هاونیشتمانیانی كوردستانی ئێران كردووە و، رایگەیاندووە " ئەو راپۆرتە لە بەغداوە نێردراوە و دوای ئەوەی كورد لەدژی بەدەنگهاتن، هەواڵەكە لادرا و بەشێوەیەكی دیكە داڕێژرایەوە".

جێگەی باسە بەرێز كاك بابەشێخ حسینی بەرێوەبەری گشتی سازمانی خەبات لە لێدوانێك بۆ ماڵپەری فەرمی سازمانی خەبات وێرای شەرمەزار كردنی ئەو سووكایەتیانە، ئەو جۆرە لێدوانانەی لە رژیمی ئاخوندی بە بابەتێكی نوێ‌ نەزانی و ووتی : بە درێژایی دەسەڵاتداریەتی ئاخوندی كەمینە نەتەوەیی و ئایینیەكان لەگەڵ ئەم چەشنە بە گاڵتەكردنەی پیرۆزیی و داب و نەریت و كلتوورەكانیان و بریندار كردنی هەستیان رووبەروون و ئەوە بەشێك بووە لە سیاسەتی فاشیستانەی دەسەڵات بە ئامانجی سرینەوەی شوناسی نەتەوە و ئایینەكان لە وەلاتی ئێران. بەرێز حسێنی لە رێگەی ئەو وێنەیە پشتیوانی خۆی بۆ هەڵمەتی مەحكووم كرنی بێ رێزی كردنی سیستەمی ئاخوندی بە بایەخە نەتەوەییەكانی گەلی كورد دەربڕی. 

 
ڕێکه‌وت: 2015-12-21 15:40:04
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی