له‌سه‌رهێل 92
شه‌ممه‌ 27 خه‌رمانان 2721
سازمانی خه‌باتی کوردستانی ئێران
هـــــــەڵـــــــبژاردن و شــــــــەڕی مۆرە و باڵـەكــــــــــانی رژیـم

...اخوندان لە 27ی رەشەممەی 1358كە هەڵبژاردنی یەكەمین خولی مەجلیسی نەتەوەیی بوو،ماهیەتی دژە ئازادی و دژبە مافی هەڵبژێران وهەڵبژاردنیان دەرخست وبە بەتاڵ كردنەوەی ئەو سندووقانەی كە ئاخوندان دەنگیان كەم تێدا هێنابوو،نیوەرۆكی خۆیان نیشان دا وبەم جۆرە یەكێك لە كۆڵەكەكانی دیموكراسی كە مافی هەڵبژاردنە وا پێناسەكرد كەخۆیان دەنگی یەكەم بن وهاووكات ئاكام بە دڵی ئاخوندان بێت.بۆ ئەم مەبەستەو یەكڕەنگ كردنی كۆمەڵگاكە تەنیا سیسمی ئاخوندی رەنگی تێد بێت ووەڵات بە كەیفی ئاخوندان بەرێوەبچێت، هێزە نیشتمان پەروەرو ئازادیخوازەكانیان بە یەكجاری سڕیەوە یان خستیاننە دەرەوەی بازنە وبۆ خۆدیەكانیش دەیان فڵتێر ودەزگایان دروست كردكە تەنانەت پێدا چوونەوە بە پەروەندەی ئەوانیشدا بكرێت نەكا باوەڕی قۆڵیان بە دەسەڵات نەبێت یان رۆژگارێك نیزامیان قبووڵ نەبووبێت.ئاخوندان تا ئیستا بەم شیوە لە پرۆسەی هەڵبژاردن بۆ شەرعیەتدان بە دەسەڵات كەڵكیان وەرگرتووە وگەرەكیانە بە وەرێخستنی هێندێك سیناریو وفێڵ وتەڵەكە جارێكی دیكە لە 7ی رەشەممەی ئەمساڵ خەڵك پەلكیشی سەرسندووقەكانی دەنگدان بكەن وبەم جۆرە بە جیهانیانی نیشان دەنەوە كە سەرچاوەی دەسەڵاتیان جەماوەرە وئەوە خەڵكە نیزامی ئاخوندی راگرتوەو بە بەشداریان لەسەر سندووقەكانی دەنگدان نۆینەرانی راستەقینەی خۆیان كە مۆرە دیاریكراوەكانی رژیمە هەڵدەبژێرنەوە.بۆ گەرم كردنی شانۆیی هەڵبژاردن وبازارگەرمی بۆ سەر سندووقەكانی دەنگدان لە چەند سیناریویێك كەڵك وەردەگرن وبە وەرێخستنەوەی رێكارە هەڵخەڵەتێنەكانیان دەكەونەوە سەر ریگە جیاوازیەكانیان كە كام باڵ خزمەتكارە وكام باڵ گەندەڵ ونۆكەری بێگانەیە. شەڕی باڵەكان بەرەبەرە دەستی پێكردوەو باڵی وەلی فەقێ‌ رەفسەنجانی ورۆحانی بەوە تاوانبار دەكەن كە بەستێن خۆش دەكەن بۆ نفوزی ئەمریكا وبە پێچەوانەشەوە باڵی رەسەنجانی رۆحانی بەرانبەریان بەوە تاوانبار دەكەن كە ئەوان گەرەكیانە نیزام بەرەوو ڕوخان بەرن.لە نوێترین كاردانەوە وتاوانباركردنی لایەنی بەرانبەر,بەرنوێژی تاران هەڵویستی لە دژی رەفسەنجانی و رۆحانی گرت وگوتی هێندیك مەیلیان بۆ لای ئەمریكایەو هەوڵی ئەوە دەدەن كە لە توڕەیی خەڵكی ئێران سەبارەت بە ئەمریكا كەم بكەنەوەو تەنانەت پێشیان سەربەرزیە ودەڵێن رێكەوتنی بەرجام بووە هۆی پێوەندیمان لە گەڵ ئەمریكا،ئەمەش لە حاڵكدایە كە پێوەندی لەگەڵ ئەمریكا قازانجی نیە ودژایەتی لە گەڵ ئەو وەڵاتە دژایەتیە لەگەڵ خۆبەگەورە زانین .هاووكات ئەم بەر نوێژەی رژیم لە تاران باسی ئەوەش دەكات كە باڵی رەفسەنجانی رۆحانی ئامانجیان وەلی فەقێیەوە و گەرەكیانە لە دژی ئەو شەپۆلە بوەستنەوە كە لە بەرانبەر جیهانی كافراندا وەستاوەتەوە.زۆرێك لە مۆرەكانی سەروە وەلی فەقێ‌ بە راشكاوی باڵی بەرانبەریان بە بەكرێگیراوی رۆژئاوا تاوانبار دەكەن وتا دێت شەڕی زێڕنگەری خۆشتر دەكەن.بۆ كەسانێك كە ماهیەتی رژیمیان نەناسیبێت وكارنامەی 37ساڵە ونۆ دەورە خولی هەڵبژاردن ودەیان شانۆیی دیكە لەم چەشنە دەرسی پێنەدابێتن،ئاساییە كە باوەڕ بە ناكۆكیەكانی سەرانی رژیم لەسەر هەڵبژاردن بۆ خزمەتی زیاتر بكرێت وجاریكی دیكە ببنە بڵنگۆی تەبلیغاتی وبە حوزوریان سەرسندووقەكانی دەنگدان ئاوەدان بكەنەوە. خەڵكی ووریا وماف خوازی كوردستان كە لە یەكەم رۆژەكانی دەسەڵاتداری رژیمەوە پێكهاتەی ئەم رژیمەی ناسیوە ولە یەكەم هەڵبژاردن وراپرسیدا ریگەی بایكوتی هەڵبژارد،فریوی شێعار وپیلانەكانی رژیم ناخۆن ولەم دەورەشدا بە زۆرینە ناچنەوە سەر سندووقەكانی دەنگدان.كاتێك هیچ دەسكەوتێكیان لەم دەسەڵاتەدا نەبووە وهەموو مافەكانیان بە شێوەیێكی سیستماتیك پێشێل دەكرێت،رێگە بە خۆیان نادەن هەموو هەڵبژاردنێك ئەو ئەزموونە تاڵە دووپاتە بكەنەوە.رژیم بۆ بەشداری خەڵك كە دەیان پیلانی گێراوەو بەهەرەشەو گوڕەشەی زیندان ونانبڕین هەوڵی داوە خەڵك راپێچی سەر سندووقەكانی دەنگدان بكات،بەڵام هیچ كات سەركەوتوو نەبوو ونەك بە هەرەشەكانی نەیتوانیوە بەم ئامانجەی بگات بەڵكوو زیاتر خەڵكی دوور كەوتۆتەوە.بێگومان خەڵكی شۆرشگێرو نیشتمان پەروەر لەم شانۆی هەڵبژیران وهەڵبژاردنەدا بەشداری ناكەن و ئەگەر بەشدارێكی كەمیش هەبێت زیاتر لە لایەن ئەو كەسانەوەیە كەناچارن وئەو كەسانەی كە خۆشیان هەڵدەبژێرن لە دەسەڵات نێزیكن.باشتر وایە كەسانی خۆشناو و جیگەی باوەڕی خەڵك خۆی نەپاڵێوێت وهەمیشە لەو سەنگەرەدا بمێننەوە كە سەنگەری جەماوەرە.
ڕێکه‌وت: 2016-01-01 14:33:10
به‌شی ( وتاری سیاسی )





دیمانه

سیاسی