له‌سه‌رهێل 96
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 16ی بەفرانباری 1394

چەندین كۆبوونەوەی نارەزایەتی لە شارەكانی كوردستان بەرێوە چوو

چەندین كۆبوونەوەی نارەزایەتی و مانگرتن لە شارەكانی ئیلام سنەو كرماشان بەرێوە چوو. بە پێی راپۆرتی هەواڵدەرییەكان، رۆژی سێشەممە 15ی بەفرانباری 1394، كۆمەڵێك لە كارمەندانی شارەداری ئیلام لە نارەزایەتی بە پێنەدانی حەقدەستی دوواكەوتوویان لە مەیدانی مۆعەلم بەرانبەر شارەداری ئەو شارە كۆبوونەوەێكی نارەزایەتییان وەرێخست. هەر بە پێی ئەم راپۆرتە، لە شاری سنە كۆمەڵێك لە كارمەندانی ئیدارەی تەبلیغاتی ئیسلامی رژێم لە نارەزایەتی بە پێنەدانی حەقدەستەكانیان دەستیان دایە خۆپیشاندان. هەروەها خوازیارانی ئازموونی وەرگرتن لە بانكی میللەتی سنە لە بەرانبەر لقی سەرەكی ئەو بانكە دەستیان دایە خۆپیشاندان و رایانگەیاند، بەرێوەبەرانی رژێم لەو بانكە بە پارتیبازی كەسانی خۆیان لەو ئازموونەدا وەرگرتووە. جێگەی باسە كە لە كرماشانیش، لە بەرانبەر فەرمانداری ئەو شارە كۆمەڵێك لە كرێكارانی دەركراو لە نارەزایەتی بە پێنەدانی حەقدەست و مافەكانیان كۆبوونەوەی نارەزایەتییان بەرێوە برد.

 

 

 

 

 

 

 

 

چالاکانی مەدەنی ڕێزیان لە دوو کەسایەتی ئەدەبی و هونەری گرت

 چالاکانی فەرهەنگی و مەدەنیی شاری سنە سەردانی دوو کەسایەتی بواری ئەدەب و هونەری ئەو شارەیان کرد. بەپێی هەواڵی هەواڵدەریی کوردپا، بەشێک لە چالاکانی فەرهەنگی، مەدەنی و ڕۆژنامەوانانی کورد، لە ماڵی عەدنان بەرزنجی کۆبوونەوە و ڕێزیان لە هەوڵەکانی ئەو مامۆستا کوردە لە بواری فێرکردنی زمانی کوردی لە نێو لاوانی کورددا گرت. لەو ڕێورەسمەدا، سەباح حەسەنی چالاکی فەرهەنگی ڕایگەیاند: "منداڵەکانی ئێمە هەوڵەکانی عەدنان بەرزنجی بۆ فێرکردنی زمانی کوردی بەرزدەنرخێنن و وەچەکانی داهاتوو خزمەتەکانی ناوبراو لەبیر ناکەن. لە درێژەدا هەریەک لە ئیقباڵ ڕەزایی، فەردین کەمانگر ڕۆژنامەنووس و سۆهراب جەلالی چالاکی کۆمەڵایەتی و تەوفیق سەرئەفراز کە لە چالاکانی مەدەنی ئەو شارەن، چەند پەیڤێکیان سەبارەت بە زمانی زگماکی پێشکەش کرد و ڕێزیان لە هەوڵ و ماندووبوونی عەدنان بەرزنجی گرت. عەدنان بەرزنجی گوتی: "ژیانم بۆ زمانی زگماکی تەرخان کردووە و ئەو بابەتەش بۆ من زۆر دڵخۆشکەر و شیرینە". عەدنان بەرزنجی مامۆستای زمانی کوردی و بەڕێوەبەری دامەزراوەی فێرکردنی زمانی کوردی "ڕاژە" یە لە شاری سنە. لە لایەکی دیکەوە بەشێک لە چالاکان و هونەرمەندانی بواری موسیقا و ڕۆژنامەوانی، ڕۆژی هەینی ڕابردوو لە ماڵەکەی خۆیدا چاویان بە هونەرمەنی کورد "عەباس نیرومەند " کەوت . هونەرمەندان لەو چاوپێکەوتنەدا ڕێزیان لە هەوڵەکانی ئەو مامۆستایەی موسیقای کوردی گرت.عەباس نیرومەند یەکێک لە هونەرمەندانی پێشەنگی بواری هونەری موسیقای کوردستانە کە ٨٤ساڵ تەمەنی خۆی لە ڕاستای بەرەوپێشبردنی موسیقای کوردی تێپەڕ کردووە و ئێستا بە هۆی پیری و نەخۆشی لە جێگەدا کەوتووە.

 

 

 

 

 

 

 

 

بەحرێنیش پەیوەندی لەگەڵ رژێمی ئاخوندی ئێران پچڕاند

حکومەتی بەحرێن سەرجەم پەیوەندییە دیپلۆماسییەکانی لەگەڵ رژێمی ئاخوندی پچڕاند و، 48 کاژێر مۆڵەتی بۆ باڵیۆز و دیپلۆماتکارانی رژێم دیاریكرد تاوەکو خاکی مەنامەی پایتەخت بەجێبێڵن. بە پێی راپۆرتی هەواڵدەرییەكان، عیسا ئەلحیمادی، وەزیری کاروباری راگەیاندن و پەرلەمانی بەحرێن رایگەیاند "ئەنجوومەنی وەزیرانی بەحرێن بڕیاری داوە سەرجەم پەیوەندییە دیپلۆماسییەکانی لەگەڵ ئێران بپچڕێنێت و. حکومەتی بەحرێن 48 کاژێر مۆڵەتی بە دیپلۆماتکارانی رژێمی ئاخوندی داوە تاوەکو خاکی بەحرێن بەجێبێڵن". بەحرێن دوای سعودیە دووەمین وڵاتە کۆتایی بە پەیوەندییە دیپلۆماسییەکانی لەگەڵ رژێمی ئاخوندی ئێران دەهێنێت. دوای لەسێدارەدانی کەسایەتییەکی ناسراوی شیعە بەناوی نەمر باقر ئەلنەمر، بەرپرسانی سیاسی و ئایینی رژێمی ئاخوندی رەخنە و هەڕەشەی تووندیان ئاراستەی سعودیە کرد. جێگەی باسە كە، وڵاتانی سودان و بەحرەین بەهۆی پاڵپشتی لە سعودیە پەیوەندییەکانیان لەگەڵ ئێران پچڕاند و ئیمارات ئاستی پەیوەندییەکانی کەمکردەوە، هەروەها رۆژی سێشەممە 15ی بەفرانبار کوەیت باڵیۆزەکەی لە ئێران کشاندەوە.

 

 

 

 

 

 

 

 

كۆنگرەی ئەمریكا گەمارۆی نوێ دژ بە رژێمی ئاخوندی تاوتوێ دەكات

بە پێی راگەیاندنی سایتی وەزارەتی خەزێنەداری ئەمریكا رۆژی پێنجشەممە 17ی بەفرانباری 1394، بریار وایە كە تەرحی گەمارۆی نوێ دژ بە رژێمی ئاخوندی تاوتوێ بكات. بە پێی راپۆرتی هەواڵدەرییەكان، تەرحی گەمارۆكان لە ژێر ناوی یاسای روونكردنەوەی ماڵی تیرۆریستی رژێمی ئاخوندی لە كومیتەی دەرەكی مەجلیسی نوێنەرانی ئەمریكا بە سەرۆكایەتی ئد رۆیس تاوتوێ دەكرێت. بە پێی ئەم راپۆرتە، ئەم تەرحە سەرۆك كۆماری ئەمریكا پابەند دەكات كە هێندێك لە بانكەكانی رژێمی ئاخوندی لە لیستی گەمارۆكان بهێڵێتەوە.

 

 

 

 

 

 

 

 

ئەگەری لە سێدارەدانی 20 زیندانی لە زیندانی گەوهەردەشتی كەرەج

مەترسی لە سێدارەدانی 20 زیندانی لە زیندانی گەوهەردەشتی كەرەج لە ئارادایە. بە پێی راپۆرتی هەواڵدەرییەكان، رژێمی ئاخوندی 20 زیندانی مەحكووم بە ئێعدامی لە زیندانی گەوهەردەشتی كەرەج لە رۆژەكانی یەك شەممە و دووشەممە، بە مەبەستی بەرێوەبردنی حوكمەكەیان بۆ ژوری تاكەكەسی گواستووەتەوە. بە پێی ئەم راپۆرتە، رۆژی یەكشەممە 10 كەس لەو زیندانیانە بە مەبەستی بەرێوەچوونی حوكمەكەیان بۆ ژوری تاكەكەسی گوازراونەتەوە ز هەر وەها رۆژی دووشەممە 14ی بەفرانبار، 10 زیندانیتر لە زیندانی قەزەلحەسارەوە بۆ زیندانی گەوهەردەشت گوازراونەتەوە و بریارە هەموویان پێكەوە لە سێدارە بدرێن.

 

 

 

 

 

 

 

 

كوژرانی 10 پاسداریتری رژێمی ئاخوندی لە سووریە

10 پاسداریتری رژێمی ئاخوندی كە بۆ پشتیوانی لە حكوومەتی دیكتاتۆری بەشارئەسەد رۆیشتبوونە ئەو وڵاتە كوژراون. بە پێی راپۆرتی هەواڵدەرییەكان، راگەیاندنەكانی سەر بە گرووپی تیرۆریستی قودسی رژێمی ئاخوندی رۆژی سێشەممە 15ی بەفرانباری 1394، بڵاویان كردەوە كە، 9 پاسدار و بەكرێگیراوێكی رژێمی ئاخوندی كە بۆ كوشتاری خەڵكی بێ تاوانی سووریە رۆیشتبوونە ئەو وڵاتە لە تێكهەڵچوونە چەكدارییەكاندا كوژراون. بە پێی ئەم راپۆرتە لاشەی ئەو كوژراوانە بۆ ئێران گەرێنراونەتەوە. جێگەی باسە كە رۆژی سێشەممە لاشەی ناوسالاری سێهەمی سوپا بە ناوی عەبدۆڵا فۆربانی كە پێشتر لە سووریەدا كوژرابوو لە گوندی سەحراروودی شاری فەسا نێژراوە.

 

 

 

 

 

 

 

 

چه‌ند زانیاریه‌كی نه‌زانراو ده‌رباره‌ی سوده‌كانی مۆز

1.رێگری له‌ خه‌مۆكی ده‌كات:

مۆز پێكهاتووه‌ له‌ پێكهاته‌ی (tryptophan) تریبتۆفان كه‌ ده‌بێته‌ هۆی زیادبونی هۆرمۆنی سیرۆنۆنین له‌ له‌شدا(هۆرمۆنی دڵخۆشی)، هه‌روه‌ها رێژه‌یه‌كی زۆری ڤیتامین B6 تێدایه‌ و رێژه‌ی شه‌كر له‌ خوێندا به‌رز ده‌كاته‌وه‌ و وزه‌به‌خشه‌ كه‌ده‌بێته‌هۆی گۆرانكاری ئه‌رێنی له‌ شێوازدا.

2.چاره‌سه‌ری‌ كه‌م خوێنی ده‌كات:

مۆز رێژه‌یه‌كی‌ زۆر ئاسنی‌ تێدایه‌ كه‌ رێژه‌ی‌ هیمۆگڵۆبین له‌ خوێندا زیاده‌كات.

3مێشك به‌هێز ده‌كات:

له‌ توێژینه‌وه‌ یه‌كدا ئه‌وه‌ سه‌لمێنراوه‌ كه‌ ئه‌و منداڵانه‌ی له‌نێوان ژه‌مه‌كاندا مۆز ده‌خۆن، به‌تایبه‌تی له‌ به‌یانیان و نیوه‌ڕواندا زیاتر سه‌ركه‌وتوون له‌ تاقیكردنه‌وه‌كاندا.

4.رێگری‌ له‌ هێڵنج هاتن ده‌كات له‌ماوه‌ی‌ دووگیانیدا: 

مۆز له‌ نێوان ژه‌مه‌كاندا ده‌بێته‌ هۆی‌ به‌رزبونه‌وه‌ی‌ رێژه‌ی‌ شه‌كر له‌ خوێندا به‌ تایبه‌تی‌ له‌ به‌یانیاندا رێگری‌ له‌ هێڵنج هاتن ده‌كات له‌ ژنه‌ دووگیانه‌كاندا. 

5.رێگره‌ له‌ په‌شۆكان: 

مۆز ئه‌و میوه‌یه‌یه‌ كه‌ ده‌وڵه‌مه‌نده‌ به‌ ڤیتامین بی، هه‌روه‌ها یارمه‌تیده‌ره‌ له‌ هێوربونه‌وه‌ی شێوازی‌ توره‌بوون ئه‌گه‌ر تۆ له‌ ژێر پاڵه‌په‌ستۆیه‌كی زۆردای‌ ئه‌وا مۆز بخۆ بۆ ئه‌وه‌ی‌ هێوربیته‌وه‌.

6.به‌سوده‌ بۆ برینی گه‌ده‌:

له‌به‌رئه‌وه‌ی مۆز میوه‌یه‌كی نه‌رمه‌ بۆیه‌ وه‌كو خۆراكێكی تایبه‌تی بۆ نه‌خۆشی به‌كاردێت هه‌روه‌ها به‌سوده‌ بۆ نه‌خۆشیه‌كانی ریخۆڵه‌، به‌شێوه‌یه‌كی سروشتی رێگره‌ له‌ترشی گه‌ده‌ بۆیه‌ به‌سووده‌ بۆ نه‌خۆشیه‌كانی گه‌ده‌ به‌تایبه‌تی برینی گه‌ده‌. جێگەی باسە كە خواردنی مۆز بە سكی برسی زیانی زۆری بۆ لەش هەیە
ڕێکه‌وت: 2016-01-06 15:31:36
به‌شی ( هه‌واڵی کوردستان )





دیمانه

سیاسی