له‌سه‌رهێل 94
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 19ی بەفرانباری 1394

گیان لە دەستدانی دوو زیندانی لە زیندانی ورمێ

له‌گرتووخانه‌ی ناوه‌ندیی شاری ورمێ، به‌هۆی بڵاوبوونه‌وه‌ی په‌تای ئه‌نفوڵانزاوه دوو به‌ندكراو‌گیانیان له‌ده‌ست دا. به‌پێی راپۆرتی هەواڵدەرییەكان، په‌تای ئه‌نفوڵانزا له‌گرتووخانه‌ی ناوه‌ندیی شاری ورمێ بڵاو بۆته‌وه‌و له‌ئه‌نجامدا دوو به‌ندكراو گیانیان له‌ده‌ست داوه‌. ئه‌م هه‌واڵه‌ش له ‌لایه‌ن به‌رپرسانی گرتووخانه‌كه‌و ناوه‌ندی هه‌واڵی چالاكانی مافی مرۆڤی ئێرانه‌وه‌پشتڕاست كراوه‌ته‌وه‌. ئه‌وه‌له‌كاتێكدایه‌كه‌به‌ندكراوانی گرتووخانه‌ی ورمێ ڕایانگه‌یاندووه‌كه‌، ڕێژه‌یه‌كی یه‌كجار زۆر به‌ندكراو له‌و گرتووخانه‌یه‌ڕاگیراون و له‌به‌رانبه‌ردا، ئیمكاناتی پزیشكی و بێهداری له‌نزمترین ئاستی خۆیدان و وه‌ڵامده‌ر نین.په‌تای ئه‌نفوڵانزای به‌راز ماوه‌ی چه‌ند مانگێكه‌له‌ئێران بڵاو بۆته‌وه‌و به‌و هۆیه‌وه‌تا ئێستا چه‌ندین هاووڵاتی گیانیان له‌ده‌ست داوه‌. هاوكات كاربه‌ده‌ستانی كۆماری ئیسلامیش به‌رده‌وام ڕایده‌گه‌یەنن كه‌له‌ماوه‌یكی كه‌م‏دا په‌تای ئه‌نفوڵانزای به‌راز كۆنتڕۆڵ ده‌كه‌ین.

 

 

 

 

 

 

 

 

دۆزینه‌وه‌ی 55 نه‌خۆشی تووشبوو به‌ ئه‌نفۆڵانزای H1N1 له‌ کوردستان

جێگری زانستی ته‌ندروستی زانکۆی زانستی پزیشکی پارێزگای کوردستان له ڕاگرتنی‌ 584 که‌س له‌ نه‌خۆشخانه‌کانی سه‌رتاسه‌ری پارێزگا به‌هۆی کێشه‌ی هه‌ناسه‌وه‌ هه‌واڵی دا و وتی: 55 نه‌خۆشی تووشبوو به‌ ئه‌نفۆڵانزای H1N1 جۆری ئاندومیک له‌ پارێزگای کوردستان دۆزراونه‌ته‌وه‌. بە پێی راپۆرتی هەواڵدەرییەكان، دوکتۆر فه‌رزام بیدارپوور به‌ ئاماژه‌ به‌م بابه‌ته‌ وتی: تاکوو ئێستا له‌ پارێزگای کوردستان 55 که‌سی تووشبوو به‌ ئه‌نفۆڵانزای H1N1 جۆری ئاندومیک دۆزراونه‌ته‌وه‌. ناوبراو به‌ ئاماژه‌ به‌وه‌ی که‌ به‌داخه‌وه‌ 5 که‌س له‌و که‌سانه‌ که‌ تووشی ئه‌نفۆڵانزای H1N1 بوون، گیانی خۆیان له‌ده‌ست داوه‌، زیادی کرد: سه‌رجه‌م ئه‌و 5 که‌سه‌ نه‌خۆشییه‌کی ڕێخۆشکه‌ر بۆ زاڵبوونی ئه‌و ڤایرووسه‌یان بووه‌ و ئه‌وه‌ش‌ بۆته‌هۆی مه‌رگی ئه‌وان.

 

 

 

 

 

 

 

 

وه‌زاره‌تی ده‌ره‌وه‌ی تورکیا باڵوێزی ئێرانی بانگهێشت کرد 

ڕۆژنامه‌ی حکوومەتی ده‌یلی سه‌باح ڕایگه‌یاند که‌ وه‌زاره‌تی ده‌ره‌وه‌ی تورکیا باڵوێزی ئێران له‌و وڵاته‌ی بانگهێشت کردووه‌. بە پێی راپۆرتی هەواڵدەرییەكان، ئه‌م ڕۆژنامه‌یه‌ به‌ گێڕانه‌وه‌ له‌ سه‌رچاوه‌یه‌کی ئاگادار نووسیویە: شه‌وی پێنجشه‌ممه‌ی ڕابردوو باڵوێزی رژێمی ئاخوندی ئێران بانگهێشتی وه‌زاره‌تی ده‌ره‌وه‌ی تورکیا کراوه‌. به‌ پێی زانیارییه وه‌ده‌ستهاتووه‌‌کان، وه‌زاره‌تی ده‌ره‌وه‌ی تورکیا ناڕه‌زایه‌تی ده‌ربڕیوه‌ سه‌باره‌ت به‌و ڕاپۆرتانه‌ی که‌ له‌ میدیاکانی ئێراندا بڵاو کراوه‌ته‌وه‌ له‌باره‌ی ئه‌وه‌ی که‌ له‌ نێوان سه‌فه‌ری ڕه‌جه‌ب ته‌ییب ئه‌ردۆغان، سه‌رۆک کۆماری تورکیا بۆ ڕیاز و له‌سێداره‌دانی شێخ نه‌مر باقره‌لنه‌مر، مامۆستای به‌ناوبانگی عه‌ره‌بستان په‌یوه‌ندی هه‌یه‌ و ئه‌و ڕاپۆرتانه‌ی به‌ توندی ئیدانه‌ کردووه‌.

 

 

 

 

 

 

 

 

كوژرانی 7 پاسداریتری رژێمی ئاخوندی لە سووریە

حەوت پاسداریتری رژێمی ئاخوندی لە سووریە كوژران. بە پێی راپۆرتی هەواڵدەرییەكان، رۆژی هەینی 18ی بەفرانباری 1394، هەواڵدەرییەكانی سەر بە رژێمی ئاخوندی بڵاویان كردەوە كە حەوت پاسداری رژێمی ئاخوندی كە بۆ كوشتاری رژێمی ئاخوندی رۆیشتبوونە ئەو وڵاتە  لە تێكهەڵچوونی چەكداریدا كوژراون. بە پێی ئەم راپۆرتە، ئەم پاسدارە كوژراوانە بریتین لە، نزام مۆحسنی، جەمشید ئەحمەدی و محەمەد زەكان عەتایی كە لە شاری شیراز نێردراون و هەر وەها مێهدی حسینی، سەلیم سالاری و حەسەن ئەسەدۆڵاهی كە لە شاری قۆم نێژران و پاسداریكیتر بە ناوی محەمەد زەهروەند كە لە ناشتنەكەیدا بەرپرسانی ئەمنییەتی و سیاسی رژێمی ئاخوندی بوونیان هەبووە.

 

 

 

 

 

 

 

 

عەرەبستان 4 جاسووس و تیرۆریستی رژێمی ئاخوندی موحاكمە دەكات

عەرەبستان چوار كەس لە ئەندامانی رژێمی ئاخوندی كە لەو وڵاتە بە تاوانی جاسووسی و تیرۆریستی دەستبەسەر كراون دادگایی دەكات. بە پێی راپۆرتی هەواڵدەرییەكان، یەكێك لەو كەسانە بە تاوانی جاسووسی دەستبەسەر كراوە و سێكەیتریشیان بە تاوانی كارۆ تیرۆریستی دادگایی دەكرێن. بە پێی ئەم راپۆرتە، هەواڵی دادگاییكردنی ئەم چوار جاسووس و تیرۆریستە لە كاتێكدا بڵاو كراوەتەوە كە عەرەبستان لە نارەزایەتی بە هێرش كردنە سەر سەفارەتەكەی لە تاران و دەستێوەردانەكانی رژێمی ئاخوندی لە وڵاتانی عەرەبی، پەیوەندییەكانی خۆی لەگەڵ تاران بچراندووە.

 

 

 

 

 

 

 

 

 زیاتر لە سێ ملیۆن کەس لە یەمەن ئاوارە بوون

زیاتر لە سێ ملیۆن کەس لە خەڵکی یەمەن، بەهۆی بەردەوامی شەڕ و پێکدادان لە وڵاتەکەیان ئاوارە بوون و لە رەوشێکی زۆر سەختدا دەژین. بە پێی راپۆرتی هەواڵدەرییەكان، ئەوان لەلایەن چەندین رێکخراوێکی خێرخوازیەوە هاوکاری دەکرێن و شوێنی مانەوەیان بۆ دابین دەکرێت، بەڵام کەموکوڕییەکی یەکجار زۆر بە هاوکارییەکانەوە دیارە، چونکە رێکخراوە نێودەوڵەتییەکان هاوکارییەکانیان کەم کردووەتەوە، بەتایبەتی هاوکاریە داراییەکان. عەبدولوەهاب شەرەفەدین، بەڕێوەبەری یەکەی ئۆپەراسیۆنەکانی هاوکاریکردنی ئاوارەکان دەڵێت:"کۆمەڵێک بەشمان هەیە کە شت دابین دەکەن و هاوکار دەبن لە نیشتەجێکردنی ئەم ئاوارانە، لە ناویشیاندا خواردن و شەڵتەر بۆ ئاوارەکان دابین دەکەن، بەڵام هێشتاش کەموکوڕییەکی یەکجار زۆر هەیە سەبارەت بە هاوکارییەکان لەلایەن رێکخراوە نێودەوڵەتیەکانەوە، بەتایبەت هاوکارییە داراییەکان" نەشوان ئەل عەتتاب، بەڕێوەبەر لە وەزارەتی تەندروستی رایگەیاند:"بەهۆی ئەوەی کە وڵاتەکەمان پێیدا تێپەڕ دەبێت ، بەهۆی هێرشەکانی هاوپەیمانان بە سەرکردایەتی سعودیە زیاتر لە هەشت هەزار کەس شەهید بوون و 28 هەزار کەس بریندارن، زیاتر لە سێ ملیۆن کەس ئاوارە بوون لە ئەنجامی ئەم هێرشانەو گەمارۆدانی ناوچەکانەوە، رەوشی تەندرووستی لەم وڵاتە بەرەو خراپتربوون چووە، بەهۆی گەمارۆدانی ئەم ناوچانەوە".

 

 

 

 

 

 

 

 

سوپای ئیسرائیل جلوبەرگی دژە چەقۆ دروستدەکات

کۆمپانیایەکی ئیسرائیلی جلوبەرگێکی تایبەتی بۆ سوپای ئیسرائیل دروستکرد، ئەوەش لە پێناو پاراستنیان لە چەقۆکێشانی ئەو هێرشبەرە فەلەستینییانەی هێرشیاندەکەنە سەر. بە پێی راپۆرتی هەواڵدەرییەكان، جلوبەرگەکە پێکهاتووە لە ئیلەگێک بۆ بەشی سەرەوەی سەربازەکان و بڕیارە ئەم هەفتەیە ژمارەیەک بەسەر ئەو سەربازانەدا دابەشبکرێت کە لەخاڵەکانی پشکنین دەوامدەکەن، لەو ناوچانەی زۆرترین بەریەککەوتنی تێدایە لەگەڵ فەلەستینییەکان. بە گوتەی رۆژنامەی ماحانیە، کە سوپای ئیسرائیل دەریدەکات بەشی دەرەوەی ئەو جلوبەرگە لە ماددەی پلاستیک دروستکراوە و ناوچەی نێوان گەروو و تا دەگاتە خوار کۆئەندامی هەناسە دەپارێزێت، دیوی ناوەوەیشی پێکدێت لە قوماشێکی نەرم.  داهێنەری بیرۆکەکە کۆمپانیای ئیف ئێم ئێسە، کە بەردەوام کەرەستەو پێداویستیی پۆشاکی سوپا و هێزە ئەمنییەکانی ئیسرائیل دروستدەکات. 
ڕێکه‌وت: 2016-01-09 16:04:54
به‌شی ( هه‌واڵی کوردستان )





دیمانه

سیاسی