له‌سه‌رهێل 98
سێ‌شه‌مه 4 خه‌زه‌ڵوه‌ر 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 20ی بەفرانباری 1394

 

 

كوژرانی هاووڵاتییەکی کورد بە تەقەی ڕاستەوخۆی هێزە نیزامییەکان

هێزە نیزامییەکانی حکوومەتی ئاخوندی ئیران هاووڵاتییەکی کوردی شاری "سێرۆ"، سەر بە بەخشی سۆماتی برادۆست، کە باوکی سێ منداڵ بووە دایە بەر دەستڕێژی گولـلە و لە ئەنجامدا گیانی لەدەست دا. بەپێی هەواڵی هەواڵدەریی کوردپا، هاووڵاتییەکی کورد بە ناوی "گەرمان مەحموودپور"، تەمەن ٤٦ ساڵ و کوڕی "عەلی"، بە هۆی تەقەت ڕاستەوخۆی مەئمورانی هێزە ئینتزامییەکانی حکوومەتی ئێران، لە شاری سێرۆ سەر بە پاریزگای ورمێ گیانی لەدەست دا. ئەو ڕووداوە ڕۆژی چوارشەممە ڕێکەوتی ١٦ی بەفرانباری ١٣٩٤ ڕوویداوە و تەرمی ناوبراو تا ئێستاش لە ساردخانەی نەخۆشخانەی "ئیمام" ڕاگیراوە. گەرمان مەحموودپوور خەڵکی گوندی "مافەران" بووە و هێزە نیزامییەکانی ناوچەکە بەبێ هیچ ئاگادارکردنەوەیەک ناوبراویان داوەتە بەر دەستڕێژی گولـلە.

 

 

 

 

 

 

 

 

باگهێشتی کچە پاسكیل‏سواری كورد بۆ ئۆردووی تیمی نه‌ته‌وه‌یی ئێران 

به‌رپرسی ئیداره‌ی وه‌رزش و لاوانی شاری سه‌قز ڕایگه‌یاند كه‌، کچە پاسكیل‏سواری خه‌ڵكی سه‌قز بۆ ئۆردووی تیمی نه‌ته‌وه‌یی ئێران بانگهێشت كرا. بە پێی راپۆرتی هەواڵدەرییەكان، "فه‌رهاد خاكی" له‌كۆنفڕانسێكی ڕۆژنامه‌وانیدا ڕایگه‌یاند كه، "مائیده‌ڕه‌زه‌وی" وه‌رزشوانی كوردی پارێزگای كوردستان، له‌لایه‌ن "پریمووس ئسترانكار"ی ڕاهێنه‌ری نوێی خه‌ڵكی ئیسلۆڤێنییەوه‌، بۆ به‌شی "كراس كانتری" ئۆردووی تیمی كچان لە ته‌مه‌نی "لاوان"دا، بانگهێشت كرا. ناوبراو له‌درێژه‌ی وته‌كانیدا ڕایگه‌یاند كه‌له‌و ئۆردوویه‌دا ٢٤ پاسكیل‏سواری هه‌ڵبژێردراو له‌سه‌رانسه‌ری پارێزگاكانی ئێرانەوە بانگهێشت كراون.‌ هه‌ر له‌و په‌یوه‌ندییه‌دا سه‌رۆكی پاسكیل‏سواره‌كانی شاری سه‌قز ڕایگه‌یاند كه‌، به‌شداریی "مائیده‌ڕه‌زه‌وی" له‌ئۆردووی تیمی نه‌ته‌وه‌یی ئێراندا، جێگه‌ی شانازییه‌بۆ پارێزگای كوردستان. باهۆنه‌ر هه‌روه‌ها ڕایگه‌یاند كه،‌ته‌نیا له‌سه‌قز ١٤ هه‌زار وه‌رزشوان ڕێكخراون و له‌و ڕێژه‌یه‌ش، ١٢٠ كه‌سیان به‌شێوه‌ی پیشه‌یی له‌ڕشته‌ی پاسكیل‏سواریدا كار ده‌كه‌ن.

 

 

 

 

 

 

 

 

یارمه‌تی گه‌یاندنی شاخه‌وانانی بۆکان و مه‌هاباد به گوندی به‌سری 

45 شاخه‌وان له‌ شاره‌کانی بۆکان و مه‌هاباد به‌ پشتیوانی گشتی خێرخوازانی ئه‌م دوو شاره‌ یارمه‌تییان گه‌یاندووه‌ به‌ خه‌ڵکی گوندی به‌سری له‌ ڕێگای بۆکان- مه‌هاباد که‌ ماوه‌یه‌که‌ گیرۆده‌ی به‌فر هاتبوون. بە پێی راپۆرتی هەواڵدەرییەكان، تاهر په‌هنایی، به‌رپرسی ده‌سته‌ی شاخه‌وانانی مه‌هاباد ئه‌مڕۆ (یه‌کشه‌ممه‌/ 20ی به‌فرانبار) رایگەیاند، چه‌ندین هه‌ڵبژارده‌ی شاخه‌وانی له‌وان 28 که‌س له‌ شاری مه‌هاباد و 17 که‌سیش له‌ شاری بۆکان، به‌ ڕێپێوانێکی 4 کاتژمێری به‌ره‌و گوندی به‌سری به‌ڕێککه‌وتن و  یارمه‌تییه‌کانی دیکه‌ و له‌وان ماکی خۆارکی و که‌ره‌سته‌ پێویسته کۆکراوەکان به‌ ئۆتۆمبێلیان گواستراوەتەوە بۆ ئەو گوندە به‌سره‌ و بۆ که‌سانی تووشبووی نه‌خۆشی گولی. ناوبراو زیادی کرد: یارمه‌تییه‌ کۆکراوه‌کان له‌ لایه‌ن شاخه‌وانان و خێرخوازانی ئه‌م دوو شاره‌، له‌ نزیک 60 میلیۆن ڕیاڵ و دابین کردنی ماکی خۆارکی هه‌ر به‌م بایه‌خه‌، ڕاده‌ستی نه‌خۆشانی گوندی به‌سره‌ کراوه‌ و هه‌روه‌ها حه‌وته‌ی ڕابردووش تیمێکی حه‌وت که‌سی له‌ شاخه‌وانانی مه‌هابادی یه‌ک هه‌زار و 800 نان و ڕێژه‌یه‌ک که‌ره‌سته‌ی پێویستیان به‌ ده‌ستی خه‌ڵکی ئه‌م گونده‌ گه‌یاندووه‌. به‌سری گوندێکی بچووکی له‌بیرکراو له‌ مه‌ودای 18 کیلۆمه‌تری مه‌هاباد له‌ جاده‌ی بورهانه‌ و له‌ ئێستادا 27 بنه‌ماڵه‌ی ئه‌م گونده‌ تووشی نه‌خۆشی گولین.

 

 

 

 

 

 

 

 

 گەندەڵیێكی 200 میلیۆن یۆرۆیی دیکە لە ئێران ئاشکرا بوو

 وەزارەتی ئیتلاعاتی رژێمی ئاخوندی ڕایگەیاند؛ باندێکی دزیی ٨ هەزار میلیاردییان دۆزیوەتەوە. بە پێی راپۆرتی هەواڵدەرییەكان،ڕۆژنامەی ئارمان لە هەواڵێکدا بڵاوی کردەوە؛ جێگری وەزیری ئیتلاعاتی رژێمی ئاخوندی ئێران، بۆ خەبات لە دژی گەندەڵییە ماڵییەکان ڕایگەیاندووە؛ باندێکی دزیی زەبەلاحمان دۆزیوەتەوە کە بڕی ٨ هەزار میلیارد تمەن "گەنداڵیی ماڵییان" کردووە. بەپێی ئەم هەواڵە باندی ئاماژەبۆکراو، بە دامەزراندنی چەندین کۆمپانیای بازرگانی و بە ڕواڵەت، دانی ڕاوێژ بە کۆمپانیاکانی دیکە، لە باری بازرگانی و دزەکردن بۆ نێو ڕێکخراوی کاروباری ماڵیاتی، زانیارییە نهێنییەکانیان دزیوە و لەو ڕێگەوە، هەوڵی دەوردانەوەی یاساکانی ماڵیاتیان داوە کە بەم شێوەیە توانیویانە بڕی ٨ هەزار میلیارد تمەن بدزن. ئەم باندە ماوەی چەندین ساڵە بە هاوکاریی یەکێک لە بانکەکانی ئێران کار دەکەن و هەر جارە و بە شێوازێک بۆ وێنە قاچاخی شتومەک، قۆرخ کردنی زەوی، ساختەکردنی بەڵگە، پارەشوشتنەوە و کاری ئەرز، درێژەیان بە چالاکییەکانیان داوە. ماوەیەک پێش ئێستاش باندێکی هاوشێوە، دەستی بەسەردا گیرا، کە تێیدا "محەمەد ڕەزا خاوەری" سەرۆکی بانکی "ملی" بڕی ٣ هەزار میلیارد تمەنی دزیبوو.

 

 

 

 

 

 

 

 

لە سێدارەدانی 19 زیندانی لە ماوەی دوو رۆژدا 

لە ماوەی تەنیا دوو رۆژدا لە لایەن رژێمی ئاخوندی ئێرانەوە 19 زیندانی لە سێدارە دراون. بە پێی راپۆرتی هەواڵدەرییەكان، بەكرێگیراوانی رژێم لە رۆژی پێنجشەممە 17ی بەفرانباری 1394، لاوێكی 25 ساڵەیان لە مەیدانی تەرەباری شەبستەر و زیندانیكیتریان لە خۆی لە بەر چاوی خەڵكەوە لە سێدارە دا. بە پێی ئەم راپۆرتە، هەر لەو رۆژەدا سێ زیندانی لە زیندانی ئەردەبێل و زیندانیێك لە زیندانی هەمەدان لە سێدارە دران. هەر وەها دوو زیندانی لە زیندانی رەشت لە سێدارە دراون. جێگەی باسە كە لە رۆژی چوارشەممە 16ی بەفرانبار، سێ زیندانی لە زیندانی ناوەندی ورمێ، پێنج زیندانی لە زیندانی گەوهەردەشت و سێ زیندانی لە زیندانی ناوەندی كەرەج لە لایەن رژێمی ئاخوندییەوە لە سێدارە دراون.

 

 

 

 

 

 

 

 

8 میلیۆن بێكاری (زۆرینە خوێندەوار) دەستكەوتی دەوڵەتی رۆحانی

دەستكەوتی دەوڵەتی حەسەنی رۆحانی لە ماوەی رابردوودا هەشت میلیۆن بێكار بووە كە زۆربەیان لە چینی خوێندەواری كۆمەڵگای ئێرانن. بە پێی راپۆرتی هەواڵدەرییەكان، یەكێك لە ئەندامانی باندی مۆتەلفە بە ناوی ئەل ئسحاق بە دانپێدانان بە قەیرانی ئابووری ئێران وتی، بە داخەوە وڵات بەرەورووی كێشەی زۆری ئابووری بووەتەوە. بە پێی ئەم راپۆرتە، ناوبراو وێرای ئاماژە بە سیاسەتە هەڵەكانی دەوڵەتی رۆحانی وتی، بێكاری و رەخساندنی هەلی كار گەورەترین كێشەی وڵاتە و بە داخەوە نزیك بە هەشت میلیۆن بێكاری داواكاری كار لە یەك ساڵی رابردوو بوونیان هەبووە و ئەمە لە كاتێكدایە كە ئەوانەی كە لە حەفتەێكدا تەنیا دوو كاتژمێر كار دەكەن بە بێكار هەژمار ناكرێن. جێگەی باسە كە ناوبراو وتی، زۆرینەی كۆمەڵگای بێكاری ئێران لە چینی خوێندەوارن.

 

 

 

 

 

 

 

 

ئەمریكا ویدیۆی تەقاندنی مووشەكەكانی سوپای پاسدارانی بڵاو كردەوە

هێزی دەریایی ئەمریکا دوێنێ شەممە 19ی بەفرانباری 1394، ویدیۆیەکی رەش و سپی بڵاوکردەوە، کە لەلایەن هەلیکۆپتەرێکی ئەمریكاوە تۆمارکراوە و تیایدا چەند کەشتییەکی بچووکی جەنگیی سەر بە سوپای پاسدارانی رژێمی ئاخوندی ئێران دەردەکەون و کۆمەڵێک موشەکی ئاڕاستە نەکراو (پێشکەوتوو نین) لە نزیک کەشتییەکی فڕۆکە هەڵگری ئەمریکا تاقیدەکەنەوە. بەپێی زانیارییەکان، چەند کەشتییەکی بچووکی سەربازیی سەر بە سوپای پاسداران، ژمارەیەک موشەکی ئاڕاستە نەکراویان لە نزیک کەشتیی فڕۆکەهەڵگری ئەمریکی (هاری ئێس ترومان) لە گەرووی هورموز تاقیکردووەتەوە. بە پێی ئەم راپۆرتە، سوپای پاسداران تەواوی ئەم زانیاریانەی ئەمریكای رەتکردەوە و رایگەیاند، کە ئەم تۆمەتە ناڕەوایانە، هاوشێوەی جەنگی دەروونین.گرتە ویدیۆکە، کەشتییە جەنگییەکانی ئێران لە کاتی تاقیکردنەوەی موشەکەکاندا لە نزیک کەشتیی فرۆکەهەڵگری ئەمریکی (هاری ئێس ترومان) نیشاندەدات.
ڕێکه‌وت: 2016-01-10 15:41:06
به‌شی ( هه‌واڵی کوردستان )





دیمانه

سیاسی