له‌سه‌رهێل 82
دووشه‌مه‌‌ 27 گوڵان 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 21ی بەفرانباری 1394

 

سێ فیلمی دەر‌هێنەرێکی کورد بۆ فێستیڤاڵی نێونەتەوەیی هەڵبژێردرا

سێ فیلمی "یەک هیچ"، "برگ‌های پاییز" و "ماهی" لە دەرهێنەرێکی کوردی خەڵکی شاری سەقز، بەشداریی لە فێستیڤاڵی نێونەتەوەیی فیلمی "ئەتلەس" لە وڵاتی ئەمریکادا کرد. بەپێی هەواڵی هەواڵدەریی کوردپا، سێ کورتە فیلمی، یەک هیچ، گەڵاکانی پاییز و ماسی، لە دەرهێنەرێکی سینماکاری کوردی خەڵکی شاری سەقز، بە ناوی "سامان حوسێن‏پوور"، لە دووهەمێن فێستیڤاڵی نێونەتەوەیی "ئەتلەس" لە وڵاتی ئەمریکا بەشدار دەبێت و پیشان دەدرێت. دووهەمین فێستیڤاڵی نێونەتەوەیی فیلمی " ئەتلەس" لە وڵاتی ئەمریکا، لە ڕێکەوتی ١٥ هەتا ٣١ی ژانوییە بەڕێوە دەچێت. سامان حوسێن‏پوور، هەتا ئێستا سێ کورتە فیلمی بەرهەم هێناوە و یارمەتیدەر و بەشدار بووە لە بەشە جۆراوجۆرەکانی دروستکردنی زیاتر لە ٢٠ کورتە فیلمی دیکەدا.سامان حوسین‏پوور لەدایکبووی ساڵی ١٣٧١ی هەتاویە لە شاری سەقز، و لە تەمەنی ١٤ساڵییەوە دەستی بە کاری شانۆیی کردووە و هەر لەو تەمەنەشدا چالاکییەکانی خۆی لە بواری سینماییەوە دەست‏پێکردووە.

 

 

 

 

 

 

 

 

بەرزبوونەوەی رێژەی مەرگی بەكارهێنەرانی مادەی هۆشبەر لە كوردستان

 له‌ ماوه‌ی 8 مانگی ڕابردووی ئه‌مساڵ 54 که‌س به‌هۆی به‌کارهێنانی مادده‌ی هۆشبه‌ر و هه‌روه‌ها ڕووداوی کار له‌ پارێزگای کوردستان گیانی خۆیان له‌ده‌ست داوه‌، که‌ لە هەردوو بوارەکەدا شاهیدی بەرزبوونەوەی ئەو ڕووداوانه‌ین. بە پێی راپۆرتی هەواڵدەرییەكان،  دوکتۆر غوڵامڕه‌زا هۆمایوون پوور بەرێوەبەری گشتی پزشكی دادوەری پارێزگای سنە بە هه‌واڵنێرانی ڕاگه‌یاند: له‌ ماوه‌ی 8 مانگی ڕابردووی ئه‌مساڵ 33 که‌س به‌هۆی به‌کارهێنانی مادده‌ هۆشبه‌ره‌کان له‌ پارێزگای سنە گیانی خۆیان له‌ده‌ست داوه‌ که‌ له‌چاو 25 که‌سی قوربانیانی ماوه‌ی هاوشێوه‌ی ساڵی ڕابردوو له‌سه‌دا 32 به‌رزبوونی بووه‌. هۆمایوون پوور زیادی کرد: بهپێی ئه‌م ڕاپۆرته‌ به‌ گشتی کوژراوانی 8 مانگی ڕابردووی ئه‌مساڵ 29 که‌س پیاو و 4 که‌س ژن بوون و ئه‌مه‌ له‌ حاڵێکدایه‌ که‌ به‌گشتی قوربانیانی به‌کارهێنانی مادده‌ هۆشبه‌ره‌کان له‌چاو ماوه‌ی هاوشێوه‌ی ساڵی ڕابردوو 22 که‌س پیاو و 3 که‌سیش ژن بوون.ناوبراو ڕوونیشی کرده‌وه‌: هه‌روه‌ها له‌ 8 مانگی ڕابردووی ئه‌مساڵ 21 که‌س به‌هۆی ڕووداوی کار له‌ پارێزگای سنە گیانی خۆیان له‌ده‌ست داوه‌ که‌ 20 که‌س پیاو و یه‌ک که‌سیش ژن بووه‌ که‌ له‌چاو ماوه‌ی هاوشێوه‌ی ساڵی ڕابردوو 12 که‌س بووه‌ که‌ هه‌موویان پیاو بوون. 

 

 

 

 

 

 

 

 

كەم بوونەوەی رێژەی بەشداربووانی قۆناغی دوكتورا لە ئێران

 لە ساڵی خوێندنی ٩٥ دا، نزیک بە ١٥٧ هەزار خوێندکار و خوێندەڤان لە تاقیکردنەوەکانی دەورەی دوکتورادا بەشداریی دەکەن. بە پێی راپۆرتی هەواڵدەرییەكان، خوازیارانی چوونە قۆناغی دوکتورا بۆ ساڵی داهاتوو بە بەراورد بە ساڵی ڕابردوو، نزیک بە ٤٠ هەزار کەس کەمی کردووە. تا ڕۆژی کۆتایی ناونووسین لە ڕۆژی شەممەی ئەو حەوتوویە، ١٥٦ هەزار و نۆسەد و نەوەد و پێنج کەس ناویان تۆمار کراوە. ئەو ڕێژەیە بۆ ساڵی خوێندنی ٩٥ دەبێت و بەشداربووانی ئەو ساڵ ٢٠١ هەزار کەس بووە. بەرپرسێکی ڕێکخراوی هەڵسەنگاندن(سنجش) لە ئێراندا بە ئاماژە  بۆ کەمیی خوازیاران، هۆکاری ئەو بابەتەی ڕوون نەکردووەتەوە.  خوێندنی باڵا بەتایبەتی دوکتورا، لە ئێراندا لە ماوەی چەند ساڵی ڕابردوودا بووەتە ماشینی بەرهەم هێنانی بڕوانامە کە بە وتەی کارناسی ئەو بوارە، چەشنێک گواستنەوەی قەیرانی خوێندن و مێتۆد لە ئاستەکانی کارناسی و کارناسیی باڵا بۆ دوکتورایە.سەرەتاکانی سەرماوەزی ئەو ساڵ، ناوەندی ئاماری ئێران ڕایگەیاند کە ١١٠ هەزار کەسی هەڵگری بڕوانامەی دوکتورا بێکارن کە زۆربەیان پیاون.

 

 

 

 

 

 

 

 

راپۆرتی گاردییەن لە مەر بارودۆخی منداڵانی زیندانی مەحكووم بە ئیعدام لە ئێران

رۆژنامەی گاردییەنی بریتانیا راپۆرتێكی لەمەر بارودۆخی منداڵانی زیندانی و مەحكووم بە ئێعدام لە حكوومەتی ئاخوندییدا بڵاو كردووەتەوە.  لەم راپۆرتەدا لە ژێر ناوی، چاوەروانی مەرگ، منداڵانی زیندانیكراو لە ئێران بەرەرووی ئێعدام بوونەتەوە هاتووە كە، لە ئێران بە پێی یاسا كچان لە تەمەنی 9 ساڵییەوە بەرپرسن لەو تاوانانەی كە گیرۆدەی دەبن و دەتواندرێت بۆ تاوانگەڵێك وەك كوشتن، بازرگانی مادەی هۆشبەر و دزی چەكداری بە مەرگ یان سێدارە سزا بدرێن. زۆرێك لەو كچانە تا تەمەنی 18 ساڵی كە لە سێدارە دەدرێن لە زینداندا دەمێننەوە. جێگەی باسە كە لەم راپۆرتەدا ناوی چەندین لەو كچانە هاتووە كە لە زینداندا چاورێی مەرگن.

 

 

 

 

 

 

 

 

سی ئێن ئێن: هۆشداری جیدی وڵاتانی عەرەبی بە رژێمی ئاخوندی

سی ئێن ئێن دەڵێت كە دەبێت هۆشداری وڵاتانی عەرەبی بە رژێمی ئاخوندی جیدی بگیردرێت و ئەمە هۆشدارێكی واقێعییە. بە پێی راپۆرتی هەواڵدەرییەكان، شۆرای هاوكاری كەنداوی فارس هێرشی حەفتەی رابردوو بۆ سەر باڵوێزخانە و كۆنسوولی عەرەبستانی لە تاران و مەشهەد بە توندی مەحكوم كرد و بە تیرۆریسم ناوی لێ برد. ئەم شۆرایە هەروەها دەستێوەردانەكانی رژێمی ئاخوندی لە هەموو ناوچەكەدا بە قیزەون ناو لێ برد. بە پێی ئەم راپۆرتە، نیك رابرتسۆن، هەواڵنێری رۆژنامەی سی ئێن ئێن نووسیویە كە، ئەمە پەیامێكی گرنگ بوو كە دۆستانی عەرەبستان لە ئێستادا لەمەر پشتیوانی لەو وڵاتە رایانگەیاند و ئێمە لەم حەفتەیەدا شاهێد بووین كە زۆرێك لە وڵاتانی عەرەبی كە هاوپەیمانی عەرەبستانن پەیوەندییەكانی خۆیان لەگەڵ رژێمی ئاخوندی كەم كردەوە. جێگەی باسە كە لە كۆتایی راپۆرتەكەدا هاتووە كە، كاتێك وڵاتانی عەرەبی لە وشەی تیرۆریسم بۆ رژێمی ئاخوندی كەڵك وەردەگرن، پەیامێكی گرنگ و روونە كە ماناكەی ئەوەیە كە دەستێوەردانەكانی رژێمی ئاخوندی وەك ترۆریسم دەبیندرێت و هۆشدارێكی جیدییە.

 

 

 

 

 

 

 

 

میسر هەرەشەكانی رژێمی ئاخوندی بۆ سەر عەرەبستانی مەحكووم كرد

میسر هەرەشەكانی رژێمی ئاخوندی بۆ سەر عەرەبستانی بە توندی مەحكووم كرد. بە پێی راپۆرتی هەواڵدەرییەكان، سامح شەكری، وەزری دەرەوەی میسر، لە عەرەبستان لە بەرانبەر هەرەشەكانی رژێمی ئاخوندی پشتیوان كرد. بە پێی ئەم راپۆرتە، رۆژی یەكشەممە 20ی بەفرانباری 1394، وەزیری دەرەوەی میسر رایگەیاند، بە توندی هەرەشەكانی رژێمی ئاخوندی بۆ سەر عەرەبستان مەحكووم دەكەین و لە یەكیەتی عەرەب داوا دەكەین تاكوو پەروەندەی دەستێوەردانەكانی رژێمی ئاخوندی مەحكووم بكات و بیداتە سازمانی نەتەوەیەكگرتووەكان.

 

 

 

 

 

 

 

 

لە سێدارەدانی 7 زیندانی لە زیندانەكانی رژێمی ئاخوندی

لە ماوەی دوو رۆژی رابردوودا 7 زیندانی لە زیندانەكانی رژێمی ئاخوندی لە سێدارە دراون. بە پێی راپۆرتی هەواڵدەرییەكان، سەر لە بەیانی ئەمرۆ دووشەممە 21ی بەفرانباری 1394، سێ زیندانی لە زیندانی ناوەندی ساری بە ئامادە بوونی دادستانی مازەندەران لەو زیندانەدا لە سێدارە دران. بە پێی ئەم راپۆرتە، سەر لە بەیانی رۆژی یەكشەممەیش زیندانیێك لە زیندانی خۆرەمئاوا بە تاوانی كوشتن لە سێدارە درا. هەر وەها هەر ئەم رۆ دووشەممە، سی زیندانی بە تۆمەتی مادەی هۆشبەر لە زیندانی لارستان لە سێدارە دران. جێگەی باسە كە بە لە سێدارەدان ئەم 7 كەسە رێژەی لە سێدارەدانەكان لە زیندانەكانی رژێمی ئاخوندی لە ماوەی حەفتەی رابردوو گەیشتە 26 زیندانی.
ڕێکه‌وت: 2016-01-11 15:20:45
به‌شی ( هه‌واڵی کوردستان )





دیمانه

سیاسی