له‌سه‌رهێل 87
دووشه‌مه‌‌ 27 گوڵان 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 28ی بەفرانباری 1394

گواستنەوەی زیندانیێكی سیاسی كورد بۆبێهداری زیندانی ورمێ

مستەفا سەبزی زیندانی سیاسی كورد، بۆ بێهداری زیندانی ورمێ گوازرایەوە. بە پێی راپۆرتی هەواڵدەرییەكان، مستەفا سەبزی زیندانی سیاسی كوردی راگیراو لە زیندانی ورمێ بە هۆی تێكچوونی باری تەندرووستی بە هۆی كاریگەری مانگرتنەكەی رۆژی شەممە 26ی بەفرانبار بۆ بێهداری زیندانی ورمێ گوازرایەوە. بە پێی ئەم راپۆرتە، ناوبراو لە نارەزایەتی بە جیانەكردنەوەی زیندانییەكان لە زیندانی ورمێ و راگرتنی زیندانیانی سیاسی لە ناو زیندانیانی عادی دەستی داوەتە مانگرتن لە خواردن. جێگەی باسە كە سەبزی لە بێهداری زیندان ئیزنی بە پزیشكەكان نەداوە كە سۆرۆمی لێ بدەن و رایگەیاندووە كە تا ئەو كاتەی زیندانیانی سیاسی بۆ بەندی سیاسی نەگوازرێنەوە دەست لە مانگرتنەكەی هەڵناگرێت.

 

 

 

 

 

 

 

 

گواستنەوەی زیندانیێكی سیاسی كورد بۆ ژوری تاكەكەسی

زیندانیێكی سیاسی كورد بۆ ژوری تاكەكەسی زیندانی ورمێ راگویچزرا. بە پێی راپۆرتی هەواڵدەرییەكان، رەحمان رەشیدزادە، زیندانی سیاسی كورد لە زیندانی ورمێ كە بە هۆی جیانەكردنەوەی زیندانیان لەو زیندانە مانی لە خواردن گرتبوو بۆ ژوری تاكەكەسی زیندانی ورمێ رلاگوێزرا. بە پێی ئەم راپۆرتە، رەحمان رەشیدزادە زیندانی سیاسی كوردی خەڵكی ورمێ، سەرەتای خەرمانانی ئەمساڵ بە تۆمەتی كۆبوونەوە و كار لە دژە بەرژەوەندییەكانی رژێمی ئاخوندی دەستبەسەر و بۆ ماوەی 3ی ساڵ زیندان سزا درا.

 

 

 

 

 

 

 

 

گواستنەوەی لانیكەن 40 زیندانی مەحكووم بە ئێعدام بۆ ژوری تاكەكەسی

رۆژی رابردوو لانیكەم 40 زیندانی مەحكووم بە ئێعدام راگیراو لە زیندانی دەستگردی ئیسفەهان بە مەبەستی بەرێوە چوونی حوكمەكەیان بۆ ژوری تاكەكەسی گوازراونەتەوە. بە پیچی راپۆرتی هەواڵدەرییەكان، رۆژی 27ی بەفرانباری 1394، لانیكەم 40 زیندانی مەحكووم بە ئێعدام لە زیندانی دەستگردی ئیسفەهان كە حوكمەكەیان لە لایەن دیوانی باڵای نیزامەوە پشتراست كراوەتەوە گواتزراونەتەوە بۆ ژوری تاكەكەسی. بە پیچی ئەم راپۆرتە، بریار وایە كە سەر لە بەیانی ئەمرۆ 28ی بەفرانبار حوكمی لە سێدارەدانی ئەو 40 زیندانییە جێ بە جێ بكرێت.

 

 

 

 

 

 

 

 

خۆكوشتنی 12 خوێندكار لە سەرەتای ئەمساڵەوە

12 خوێندكار لە ئێران لەماوەی 10 مانگی رابردووی ساڵی 1394، خۆیان كوشتووە. بە پێی راپۆرتی هەواڵدەرییەكان، لە سەرەتای ساڵی 1394، تاكوو ئێستا 12 خوێندكاری ژێر 18 ساڵ خۆیان كوشتووە. كە 8 كەس لەو خوێندكارانە لە رێگای خۆهەڵواسین، 3 كەس لە رێگای خۆخستنە خوارەوە لە پرد یان بینا و كەسیك بە چەك و كەسێكیش بە ژەحر خۆیان كوشتووە. بە پێی ئەم راپۆرتە ئەم ئامارە تەنیا ئەوانە لە خۆ دەگرێت كە لە ئاكامی خۆكوشتندا گیانیان لە دەستداوە ئەگینا رێژەی ئەو كەسانەی كە هەوڵی خۆكوشتنیان داوە زۆر لەمە زیاترە و ئامارەكان باس لە هەوڵی خۆكوشتنی 720 كەس دەكەن لە ئێران كە هەوڵەكەیان بە ئامانج نەگەیشتووە. جێگەی باسە كە كارناسان هۆكاری سەرەكی خۆكوشتن لە ئێران بۆ كێشەی كۆمەڵایەتی، بێكاری و هەژاری دەگێرنەوە.

 

 

 

 

 

 

 

 

پەسەندكردنی گەمارۆی نوێ لە لایەن ئەمریكاوە دژ بە رژێمی ئاخوندی

رۆژێك دوای راگەیاندنی بەرێوەچوونی رێكەوتنی ئیتۆمی لە نێوان رژێمی ئاخوندی و وڵاتانی 5 + 1، ئەمریكا دەورێكی نوێی لە گەمارۆكانی دژ بە بەرنامەی مووشەكی رژێمی ئاخوندی پەسەند كرد. بە پێی راپۆرتی هەواڵدەرییەكان، دەوڵەتی ئەمریكا رایگەیاند كە 7 كەس و 3ی ناوەندی بە تۆمەتی پەیوەندی بە بەرنامەی مووشەكی رژێمی ئاخوندییەوە خستووەتە ناو لیستی گەمارۆی نوێیەوە و لە دەستراگەیشتنیان بە بانكەكانی ئەو وڵاتە بێ بەش بوون. بە پێی ئەم راپۆرتە، جگە لە شەش كەسی ئێرانی كەسێكی چینیش خراوەتە ناو لیستی نوێی گەمارۆكانەوە. جێگەی باسە كە سەپاندنی ئەم گەمارۆ نوێیە بە هۆی تاقیكردنەوەی مووشەكی بالستیكی رژێمی ئاخوندی لە چەند رۆژی رابردوودا بووە.

 

 

 

 

 

 

 

 

كلینتۆن: دەبێت چاودێری وردی رژێمی ئاخوندی بكەین

هیلاری كلینتۆن پاڵێوراوی دیموكراتەكان بۆ سەرۆكایەتی ئەمریكا رایگەیاند كە دەبێت چاودیچری وردی كارەكانی رژێمی ئاخوندی ئێران بكەین. بە پێی راپۆرتی هەواڵدەرییەكان، هیلاری كلینتۆن ئەمرۆ دووشەممە 28ی بەفرانباری 1394، وتی، ئەو گەمارۆیانەی كە لە قۆناغی یەكەمدا دژ بە بەرنامە ئەتۆمییەكەی رژێم بە سەریدا سەپا وای لە رژێمی ئاخوندی كرد كە بێتە پای مێزی وتووێژ. ناوبراو هەروەها وتی، گەر چی لە ئێستادا رژێمی ئاخوندی پابەند بووە بە جێ بە جێ كردنی رێكەوتنی ئەتۆمی بەڵام دەبێت بە وردی چاودێری بكرێت. جێگەی باسە كە ناوبراو لەو كۆتاییدا وتی، ئێمە دەبێت دڵنیا بین لەوەیكە رێكەوتنی ئەتۆمی لە لایەن رژێمی ئاخوندییەوە بە باشی جێ بە جێ دەكرێت و چاودێری وردی هەڵسوكەوتە نەشیاوەكانی ئەو رژێمی لە ناوچەكەدا بكەین.

 

 

 

 

 

 

 

 

كەنەدا داوای گۆڕینی ستراتیژی شەڕی داعش دەكات

وەزیری بەرگریی كەنەدا رایگەیاند، پێویستە شەڕی دژی داعش لە هێرشی ئاسمانییەوە بۆ شەڕی زەمینی بگۆڕدرێت و جەختیكردەوە، هاوكارییە سەربازییەكانیان بۆ پێشمەرگە بەردەوام دەبن. بە پێی راپۆرتی هەواڵدەرییەكان، هارجیت ساجان، وەزیری بەرگریی كەنەدا لەچاوپێكەوتنێكی رادیۆی CBC ی وڵاتەكەی ئاماژەی بەوەكرد، شەڕی دژی داعش تەنها كاتێك سەركەوتوو دەبێت، كە هێزە لۆكاڵییە مەیدانییەكان ئەو شەڕە بكەن، بەڵام پێویستە هاوكاریان بكرێت. ساجان گوتی "پێویستە هێزە عێراقییەكان لەسەر زەمینی شەڕەكە هەبن، ئەگەر ئەوە نەبێت، لەو شەڕەدا سەركەوتن بەدەستناهێندرێت". وەزیری بەرگریی كەنەدا، كە مانگی رابردوو سەردانی هەولێری كرد، راشیگەیاند، هێرشە ئاسمانییەكانی هاوپەیمانان دژی داعش كاریگەری نەماوە، بۆیە پێویستە ستراتیژەكە بگۆڕدرێت.
ڕێکه‌وت: 2016-01-18 15:31:33
به‌شی ( هه‌واڵی کوردستان )





دیمانه

سیاسی