له‌سه‌رهێل 102
دووشه‌مه‌‌ 27 گوڵان 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 2ی رێبەندانی 1394

 

 

زیندانیێكی سیاسی كورد بە 5 ساڵیتر زیندان سزا درایەوە

یۆسف كاكە مەمی زیندانی سیاسی كورد لە پەروەندەێكی نوێدا كە لە زیندان بۆیان ساز كردووە بە 5 ساڵیتر زیندان سزا درا. بە پێی راپۆرتی هەواڵدەرییەكان، یۆسف كاكە مەمی، زیندانی سیاسی كوردی راگیراو لە زیندانی ورمێ، رۆژی دووشەممە 28ی بەفرانباری 1394، لە ئیجرای ئەحكامی زیندانی ورمێ 5 سالیتر سزای زیندانیان پێ راگەیاند. بە پێی ئەم راپۆرتە، كاكە مەمی بە تۆمەتی پەیوەندی لەگەڵ ناوەندەكانی مافی مرۆڤ بەرەو رووی ئەم سزایە بووەتەوە. جێگەی باسە كە كاكە مەمی زیندانی سیاسی كورد، لە ساڵی 86 لە لایەن هێزە ئەمنییەتییەكانی شاری بۆكانەوە دەستبەسەر كرا و دواتر لە دادگای شۆرشی مەهاباد بە تۆمەتی هاوكاری لەگەڵ یەكێك لە حیزبە كوردییەكان بە 9 ساڵ زیندان سزا درا.

 

 

 

 

 

 

 

گەنجێکی خێزانداری كورد بە هۆکاری ئابووری، خۆی کوشت

دەرنجامەکانی دۆخی نالەباری ئابووری لە شاری مەهاباد، خۆکوژی گەنجێکی ٢٥ ساڵەی بەدواوە بوو. بەپێی هەواڵی هەواڵدەریی کوردپا، گەنجێک لە یەكێ لە گوندەکانی سەر بە شاری مەهاباد، دەستی دایە خۆکوژیی و کۆتایی بە ژیانی خۆی هێنا. ناسنامەی ئەو هاووڵاتییە کە ڕۆژی ڕابردوو، ٢٩ی بەفرانبار لە گوندی " خانەقا" خۆی کوشتووە، "ش.م" ڕاگەیەندراوە. ناوبراو بە وتەی خزمەکانی، تووشی کێشەی دابین کردنی بژیوی ژیان ببوو و وەک سەرپەرەستی بنەماڵەکەی، توانای دابین کردنی ژیانێکی شیاو بۆ هاوسەر و منداڵە ساواکەی نەبوو.  بەپێی ڕاڤەی ڕێکخراوی پزیشکیی یاسایی، بنەما و هۆکاری خۆکوژییەکان لە ئێراندا، پرسی ئابوورییە و زۆرترین ئاماری ئەو بەشەش لە کەسانی تەمەن ٢٥ تا ٤٥ ساڵ پێک‏دێت.

 

 

 

 

 

 

 

 

كۆبوونەوەی نارەزایەتی لە شارەكانی ئیلام، سنە و كرماشان

لە شارەكانی ئیلام، سنە و كرماشان خەڵكی نارازی كۆبوونەوەی نارەزایەتییان بەرێوە برد. بە پێی راپۆرتی هەواڵدەرییەكان، رۆژی پێنجشەممە 1ی رێیەندانی 1394، كۆمەڵێك لە كارمەندانی بیمارستانی كەوسەری ئیلام لە نارەزایەتی بە بەرێوە نەچوونی گەڵاڵەی رێكخستنەوەی حەقدەستەكان و هەروەها پێنەدانی 4 مانگ مافی ئیزافە كاری لە ناو ئەو خەستەخانەی كۆبوونەوە. بە پێی ئەم راپۆرتە، رۆژێك پێشتریش لە شاری سنە، كرێكارانی ئیدارەی ئاوی ئەو شارە بە نیشانەی نارەزایەتی بە پێنەدانی حەقدەستەكانیان لە بەرانبەر ئەو ئیدارەیە كۆبوونەوەی نارەزایەتییان وەرێخست. جێگەی باسە كە، هەر لە رۆژی پێنجشەممە 1ی رێبەندان، كۆمەڵێك لە سەهامدارانی عەداڵەت لە نارەزایەتی بە دیارنەبوونی چارەنووسی بەهرەی سەهامەكانیان لە بەرانبەر شیركەتی تەعاوەنی سەهام عەداڵەتی كرماشان كۆبوونەوە.

 

 

 

 

 

 

 

 

 

بلیمەتی پاوەیی پلەی یەکەمی دوکتۆرای زانستی تاقیگەی مسۆگەر کرد 

فەرشید فەتحی خەڵکی شاری پاوە لە تاقیکردنەوەکانی دوکتۆڕای پسپۆڕی (phd) بەشی گرووپی پزیشکی لە قۆناغی دوکتۆری زانستی تاقیگەدا بە نمرەی ٩٥/٩٤ پلەی یەکەم لە سەر ئاستی وڵات و پلەی شەشەم لەسەر ئاستی وڵاتی لە تاقیکردنەوەی زارەکی زانستی تاقیگەدا بەدەستهێنا. بە پێی راپۆرتی هەواڵدەرییەكان، "فەرشید فەتحی" کوڕی فایەق فەتحی خەڵکی شارۆچکەی پاوە لە تاقیکردنەوەکانی دوکتۆرای پسپۆڕی (phd) بەشی گرووپی پزیشکی لە قۆناغی دوکتۆرای زانستی تاقیگەدا به نمرەی ٩٥/٩٤ پلەی یەکەم لە سەر ئاستی وڵات و پلەی شەشەم لەسەر ئاستی وڵاتی لە تاقیکردنەوەی زارەکی زانستی تاقیگەدا بەدەستهێنا. بەڕێوەبەری پەروەردە و فێرکردنی پاوە دوای ڕاگەیاندنی ئەو هەواڵە، وتی: جێی خۆشحاڵییە کەسانی فەرهەنگی و رۆڵەکانی فەرهەنگی، قوتابیانی شاری پاوە کارنامەیەکی درەوشاوەیان لە ئەزموونەکانی دوکتۆرا و بوارەکانی دیکەی زانستی و پەروەردەیی و وەرزشی بەدەست هێناوە کە ئەمە هێمای بەرزبوونەوەی ئاستی زانستی و پەروەردەیی لە شاری پاوەیە. سەعدی فەتاحی وتیشی: هیوادارام بە بەردەوامبوونی ئەم ڕەوتە ڕوو لە گەشەیە ئاستی زانستی، پەروەردەیی و وەرزشی لە شاری پاوە، شاهیدی زیاتر سەرکەوتنی کەسانی فەرهەنگی و قوتابیان لە سەر ئاستی وڵات، پارێزگا و شاردا ببینین.

 

 

 

 

 

 

 

 

سێ ئەمریکایی لە لایەن هێزە میلیشیاکانی سەر بە ئێران ڕفێندران

سێ هاووڵاتیی ئەمریکایی لە بەغدا لە لایەن هێزە میلیشیاکانی سەر بە رژێمی ئاخوندی ئێران لەو شارە، ڕفێندران. بە پێی راپۆرتی هەواڵدەرییەكان، بەرپرسانی زانیاریی عێراق و ئەمریکا ڕایانگەیاندووە کە سێ هاووڵاتیی ئەمریکایی لە شاری بەغدای پێتەختی عێراق، لە لایەن میلیشیا شیعەکانی سەر بە رژێمی ئاخوندی ڕفێندراون. ئەو سێ هاووڵاتییە ئەمریکاییە، حەوتووی ڕابردوو لە بەغدا وون بوون کە دواتر ڕوون بووەوە لە لایەن ئەو هێزە میلیشیا شیعەیەی کە ئێران پشتیوانی لێ دەکات، بێ‌سەروشوێن کراون. هەواڵدەریی ڕۆیتێرز" لەم بارەیەوە ڕایگەیاند کە؛ ڕۆژی هەینیی ڕابردوو، ئەو سێ هاووڵاتییە ئەمریکاییە لە ماڵی خۆیان لە ناوچەیەک بە ناوی "دورە"ی بەغدا، ڕفێندراون. جێگەی باسە كە، ناوی دوو کەس لەو سێ هاووڵاتییە ئەمریکاییە "وائل ئەلمەهدی" و عەمرۆ محەممەد" ڕاگەیەندراوە.

 

 

 

 

 

 

 

 

بەرپرسێكی باڵای رژێمی ئاخوندی بە تۆمەتی جاسووسی بۆ ئیسرائیل دەستبەسەر كرا

بەرپرسێكی باڵای رژێمی ئاخوندی لە سازمانی سەناێعی بەرگری ئێران،( سا ئێران) بە تۆمەتی جاسووسی بۆ ئیسرائیل دەستبەسەر كرا. بە پێی راپۆرتی هەواڵدەرییەكان، محەمەد حسین حاجی مۆبینی، كارمەندی فەرمی وەزارەتی بەرگری رژێمی ئاخوندی كە لە شیركەتی سا ئێران كار دەكات و بەرێوەبەری بەشی ئەمنییەتی فەزا و گۆرینەوەی زانیارییە بە تۆمەتی جاسووسی بۆ ئیسرائیل لە لایەن بەرێوەبەرایەتی دژە جاسووی ئیتلاعاتەوە دەستبەسەر كراوە. بە پێی ئەم راپۆرتە، ئەم بەرپرسی باڵایەی رژێم دوای لێكۆلێنەوەی ئیتلاعات لەسەر داواكاری سازمانی پاراستنی زانیاری وەزارەتی بەرگری رژێم و دوای مانەوەی بۆ ماوەێك لە بەندی 209ی زیندانی ئەوین رادەستی ئەو سازمانە كراوە و دوای ئەو رادەستكردنە تا ئێستا هیچ زانیاریێك لەمەر چارەنووسی ناوبراو بڵاو نەكراوەتەوە.

 

 

 

 

 

 

 

 

فەرەنسا ژمارەی كوژراوەكانی داعشی لە 2014وە تائێستا راگەیاند

جان ئیڤ لۆدریان وەزیری بەرگری فەرەنسا رایگەیاند، لەڕێی ئەو هێرشە ئاسمانیانەی هاوپەیمانی نێودەوڵەتی بە سەرۆكایەتی ئەمریكا لە هاوینی ساڵی 2014وە لە دژی رێكخراوی تیرۆریستی داعش ئەنجامیان دەدات، نزیكەی 22 هەزار چەكداری ئەو رێكخراوە تیرۆریستە كوژراون. بە پێی راپۆرتی هەواڵدەرییەكان، لۆدریان بە تۆڕی فرانس 24ی راگەیاند: "هاوپەیمانی نێودەوڵەتی لە سەرەتای دەستپێكردنی هێرشە ئاسمانییەكان لە دژی رێكخراوی تیرۆریستی داعش لە عیراق و سوریا، ژمارەی كوژراوەكانی ئەو رێكخراوەی بە 22 هەزار ئەژمار دەكات، ئەو ژمارەیەش تا ئاستێك نزیككراوەیە".  وەزیری بەرگری فەرەنسا، ژمارەی چەكدارەكانی داعشی بە نزیكەی 35 هەزار چەكدار مەزەندە كرد كە بە وتەی ئەو، لانی كەم 12 هەزارییان بیانین.  وتیشی: "لەوبڕوایەدام بۆردومانەكانمان داعشی تێكشاندووە و تواناكانی رێكخراوەكەی لاوازكردووە، بەڵام هاوكات لەگەڵ ئەو دۆخە نوێیەدا خۆی گونجاندووە". 
ڕێکه‌وت: 2016-01-22 15:51:10
به‌شی ( هه‌واڵی کوردستان )





دیمانه

سیاسی