له‌سه‌رهێل 98
دووشه‌مه‌‌ 27 گوڵان 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 3ی رێبەندانی 1394

رووداوی هاتووچوو لە سەوڵاوا 5 كوژراوی لێكەوتەوە

 لە جادەی مەریوان بۆ سنە و لە نزیک گوندی نگڵ، لە ئەنجامیپێکدادانی دوو ماشین‏دا، ٤ کەس لە ئەندامانی بنەماڵەیەک گیانیان لەدەست‏ دا. بەپێی هەواڵی هەواڵدەریی کوردپا، سێ کەس لە ئەندامانی بنەماڵەیەکی خەڵکی شارۆچکەی پایگەلانی سەربە سەوڵاوا، لە ڕووداوێکی هاتوچۆدا گیانیان لەدەست دا. لەو ڕووداوەدا، کە ئێوارەی ڕۆژی پێنج‏شەممە، یەکی ڕێبەندان لە نزیک گوندی نگڵ ڕوویدا، سێ کەس بە ناوەکانی شەهاب پوور محەممەد(باوک)، شیلان ڕەحیمی(دایک) و شینا پوور محەممەد( منداڵ) دەستبەجێ گیان لەدەست دەدەن.هەروەها لە پاش ئاگرگرتنی پێژۆی ئەو بنەماڵەیە، دوو کەس لە سەرنشینەکانی پرایدێک کە بەوێ‏دا تێدەپەڕن و بۆ یارمەتیدانی لێقەوماوان دادەبەزن، تووشی ئاگری سووتانی تانکیی نەوت و پێژۆکە دەبن و ئەوانیش دەبنە قوربانی. یەکێک کە کوژراوەکانی ناو پرایدەکە ناوی محەممەد ڕەحیمی برای شیلانە. دەوترێت لە دوای ڕووداوەکە، تانکیی نەوتەکە ئاگری تێ بەر دەبێ و ٤ جار تەقینەوەی ئاگرین ڕوو دەدا. هەر بەپێی هەواڵی گەیشتوو، سێ کەس لە بریندارەکان لە دۆخێکی ناجێگیردان و تووشی تەنگیی نەفەس هاتوون. لەم پێوەندییەدا، پارێزەرێکی کورد بە دەرکردنی نامەیەکی سەرئاوەڵا، دەوڵەتی بە بەرپرسیار زانیوە. حوسەین ئەحمەدی‏نیاز لە نامەیەدا کە ڕووبە پارێزگاری کوردستانە دەنووسێت:  بەپێی ئەسڵەکانی ١١٣، ١٢١ و ١٢٧ دەوڵەت بەرپرسیارە و دەبێت لێژنەیەک بۆ بەدواداچوونی ئەو ڕووداوە پێک بێت.

 

 

 

 

 

 

 

 

لە سەقز پیشانگای نەقاشی هونەرمەندێکی کورد کرایەوە

هونەرمەندی دەست ڕەنگینی کورد بەشیر ناسری، لە درێژەی چالاکییە هونەرییەکانیدا، پیشانگایەکی "نەقاشی" لە شاری سەقز کردەوە. بە پێی راپۆرتی هەواڵدەرییەكان، ئافرێنەری پەیکەرەی "خۆڕاگریی کۆبانێ" پیشانگایەکی شێوەکاریی بە ١٧ تابلۆ لە نیگارخانەی شاری سەقز خستە بەرچاوی هونەردۆستانی ئەم شارە و پێشوازییەکی گەرمی لێ‏ کرا. ئەم هونەرمەندە کوردەی خەڵکی شاری پاوە لە پارێزگای کرماشان خوێندنی لە بواری هونەر لە زانکۆی هونەری تاراندا تەواو کردووە و ماوەی چەندین ساڵە لە بوارەکانی پەیکەرسازیی و شێوەکاری، چالاکی دەکات و تا ئێستاش چەندین بەرهەمی هونەریی خوڵقاندووە کە گرینگترینیان بریتین لە سەردیسی هونەرمەندان مەزهەر خالقی، شێرکۆ بێکەس، خاڵۆ حسەین کۆهکەن، مامۆستا هەژار، مەولەویی کورد و ...هتد.

 

 

 

 

 

 

 

 

له‌ ده‌یه‌ی 90 گونده‌کانی تورکیا چۆڵ ده‌کران، له‌ ئێستادا شاره‌کان  

 سه‌رۆکی پارتی سه‌عاده‌تی تورکیا وتی: له‌ ده‌یه‌ی 90ی زایینی چۆڵ بوونی گونده‌کان له‌ ناوچه‌ کوردنشینه‌کانی تورکیامان ده‌بینی، به‌ڵام له‌ ئێستادا به‌داخه‌وه‌ چۆڵ کردنی گونده‌کان به‌ چۆڵ کردنی شاره‌کان گۆڕاوه‌. بە پێی راپۆرتی هەواڵدەرییەكان،مسته‌فا کامالاک،له‌ لێدوانێکدا به‌ ئاماژه‌ به‌وه‌ی که‌ له‌ ماوه‌ی 6 مانگی ڕابردوو گۆڕانکارییه‌کانی ڕۆژهه‌ڵات و باشووری ڕۆژهه‌ڵاتی تورکیا به‌ شێوه‌ی ڕاسته‌وخۆ کاریگه‌ری داناوه‌ له‌سه‌ر ژیانی 1 میلیۆن و 500 هه‌زار هاووڵاتی، ڕایگه‌یاند: له‌ ده‌یه‌ی 90ی زایینی چۆڵ بوونی گونده‌کان له‌ ناوچه‌ کوردنشینه‌کانی تورکیامان ده‌بینی، به‌ڵام له‌ ئێستادا به‌داخه‌وه‌ چۆڵ کردنی گونده‌کان به‌ چۆڵ کردنی شاره‌کان گۆڕاوه‌. ناوبراو زیادی کرد: به‌پێی ڕاپۆرتی فه‌رمی په‌رله‌مانی تورکیا، له‌ ده‌یه‌ی 90ی زایینی 905 گوند له‌ ڕۆژهه‌ڵات و باشووری ڕۆژهه‌ڵاتی تورکیا چۆڵ کرابوون. له‌و کاته‌دا که‌سانێک که‌ ماڵ و سامانی خۆیانیان به‌جێهێشتبوو 378 هه‌زار که‌س بوون به‌ڵام به‌داخه‌وه‌ له‌ ئێستادا له‌ 6 مانگی ڕابردوو به‌ بۆنه‌ی پێکدادانه‌کانی باشووری ڕۆژهه‌ڵاتی تورکیا 1 میلیۆن و 500 هه‌زار هاووڵاتی کوردی ئه‌و ناوچانه‌ خانووه‌کانیان به‌جێهێشتووه‌.

 

 

 

 

 

 

 

 

كوژرانی 6 بەكرێگیراوی سەر بە سوپای قودس لە سووریە

چەچ كەس لە بەكرێگیراوانی سەر بە سوپای تیرۆریستی قودسی رژێمی ئاخوندی لە سووریەدا كوژران. بە پێی راپۆرتی هەواڵدەرییەكان، رۆژی هەینی 2ی رێبەندانی 1394، هەواڵدەرییەكانی سەر بەو هێزە تیرۆریستییە رایانگەیاند كە، شەش ئەندامی ئەو گرووپە كە چواریان سەر بە حیزبی شەیتانی لۆبنان و یەكێكی عێراقی دانیشتووی ئێران و كەسێكی پاكستانی كە لە لایەن رژێمی ئاخوندییەوە بۆ كوشتنی خەڵكی بێ تاوانی سووریە بەكرێگیرابوون لە شەر لەو وڵاتەدا كوژراون. جێگەی باسە كە تاكوو ئێستا زیاتر لە 100 ئەندامی فەرمی سوپای قودس كە ژمارەێكی بەرچاو سەركردەیان تێدا بووە لەو وڵاتە كوژراون.

 

 

 

 

 

 

 

 

 وڵاتانی ئیسلامی بەرانبەر رژێمی ئاخوندی وەستاونەتەوە

ئاسۆشەیتدپرێس لە راپۆرتێكدا رایگەیاند كە وڵاتانی ئیسلامی لەگەڵ عەرەبستان بەرانبەر رژێمی ئاخوندی ئێران وەستاونەتەوە. بە پێی راپۆرتی هەواڵدەرییەكان، ئەو راپۆرتە وێرای ئاماژە بە كۆبوونەوەی لە ناكاوی وڵاتانی هاوكاری ئیسلامی لە ریاز نووسیویە، گەورەترین ناوەندی ئیسلامی،  كارەكانی رژێمی ئاخوندییان بە توندی مەحكووم كرد و لەمەر بچراندنی پەیوەندی دیپلۆماتیك لەگەڵ ئەو رژێمە لە پەنای عەرەبستانن. بە پێی ئەم راپۆرتە، لە راپۆرتەكەدا هاتووە كە، ئەو ناوەندە داگیركاری و هێرش كردنی بۆ سەر كۆنسووڵ و باڵوێزخانەی عەرەبستان لە ئێران و هەر وەها دەستێوەردانەكانی لەمەر كاروباری ناوخۆیی وڵاتانی عەرەبی بە تایبەت، بەحرەین، یەمەن، سووریە و سووماڵی بە توندی مەحكووم كردووە.

 

 

 

 

 

 

 

 

پارتی دیموكراتی گەلان دووهەمین كۆنگرەی خۆی دەبەستێت

له‌سایه‌ی‌ ئه‌و ره‌وشه‌ ناله‌باره‌ی‌ له‌ باكووری‌ كوردستاندا هه‌یه‌، پارتی‌ دیموكراتی‌ گه‌لان (هه‌ده‌په‌) كۆنگره‌ ده‌به‌ستێت و نوێنه‌ری‌ هه‌ده‌په‌ له‌ باشووری‌ كوردستان و عیراق كۆنگره‌كه‌ به‌ گرنگ وه‌سفده‌كات. شیلان ئه‌مین ئۆغڵو، نوێنه‌ری‌ پارتی‌ دیموكراتی‌ گه‌لان (هه‌ده‌په‌) له‌ عیراق و باشووری‌ كوردستان راگه‌یاند: "كۆنگره‌كه‌ كۆنگره‌یه‌كی‌ ئاساییه‌ و پارتی‌  دیموكراتی‌ گه‌لان وه‌ك نه‌ریتی‌ دیموكراتی‌ نێو پارته‌كه‌، كۆنگره‌ی‌ خۆی‌ ده‌به‌ستێت". سه‌باره‌ت به‌ ده‌نگۆی‌ له‌سه‌ركارلابردنی‌ سه‌ڵاحه‌دین ده‌میرتاش هاوسه‌رۆكی‌ (هه‌ده‌په‌)، شیلان ئه‌مین ئۆغڵۆ وتی‌: "له‌ كۆنگره‌كه‌دا ده‌میرتاش وه‌ك ئه‌ندامێكی‌ ئاسایی‌ خۆی‌ كاندید ده‌كات و مه‌سه‌له‌ی‌ هه‌ڵبژاردنه‌وه‌شی‌ بۆ هاوسه‌رۆكی‌ (هه‌ده‌په‌) ده‌كه‌وێته‌وه‌ سه‌ر ده‌ره‌نجامی نێو كۆنگره‌كه‌". پارتی‌ دیموكراتی‌ گه‌لان (هه‌ده‌په‌) دووه‌م گه‌وره‌ پارتی‌ ئۆپۆزسیۆنه‌ له‌سه‌ر ئاستی‌ توركیا و خاوه‌ن 59 كورسی په‌رله‌مانه‌ له‌كۆی‌ 550 كورسی. به‌پێی‌ په‌یڕه‌وی‌ پارته‌كه‌ش سیستمی‌ هاوسه‌رۆكی‌ په‌یڕه‌و ده‌كرێت و له‌ئێستادا هه‌ریه‌ك له‌ سه‌ڵاحه‌دین ده‌میرتاش و فیگه‌ن یوكسه‌كداغ هاوسه‌رۆكی‌ هه‌ده‌په‌ن.

 

 

 

 

 

 

 

 

کۆبوونەوەی نێوان ئۆپۆزسیۆن و رژێمەکەی ئەسەد دواخرا

ئاژانسی هەواڵی ئینتەرفاکسی روسی، لە زاری جێگری وەزیری دەرەوەی وڵاتەکەوە رایگەیاند، کە کۆبوونەوەی نێوان ئۆپۆزسیۆن و حکومەتی سوریا، بە سەرپەرشتیی نەتەوە یەکگرتووەکان لە ژنێفی پایتەختی سویس، بۆ چەند رۆژێکی کەم دواخراوە. بە پێی راپۆرتی هەواڵدەرییەكان،گینادی گاتیلۆڤ، جێگری وەزیری دەرەوەی روسیا، رۆژی هەینی 2ی رێبەندانی 1394، راگەیاند : " بڕیارە کۆبوونەوەی نێوان ئۆپۆزسیۆن و حکومەتی سوریا سەبارەت بە پرسی ئاشتی لەو وڵاتەدا، بە سەرپەرشتیی نەتەوە یەکگرتووەکان و کۆمەڵگەی نێودەوڵەتی لە رۆژی 27 یان 28 ی ئەم مانگەدا رێکبخرێت". سەبارەت بە هۆکاری دواخستنی کۆبوونەوەکە رایگەیاندووە، کە ناروونی لە پێکهێنان و رێکخستنی ئەو وەفدەی نوێنەرایەتیی ئۆپۆزسیۆنی سوریا دەکات، هۆکاری سەرەکیی دواخستنی کۆبوونەوەکە بووە.
ڕێکه‌وت: 2016-01-23 15:47:04
به‌شی ( هه‌واڵی کوردستان )





دیمانه

سیاسی