له‌سه‌رهێل 78
دووشه‌مه‌‌ 27 گوڵان 2721
سازمانی خه‌باتی کوردستانی ئێران
هەواڵەكانی كوردستان، ئێران و جیهان 4ی رێبەندانی 1394

دۆخی جەستەیی زیندانیيكى سیاسی کورد نالەبارە

محەممەدئەمین عەبدوڵڵاهی زیندانیی سیاسیی کورد، خەڵکی شاری بۆکان، لە زیندانی بیرجەند لە دۆخێکی زۆر نالەبار دایە و لە کەمترین ئیمکاناتی بێهداشتی بێ‏بەرییە.بە پێی راپۆرتی هەواڵدەرییەكان، محەممەدئەمین عەبدوڵڵاهی زیندانیی سیاسی لە شاری بیرجەند، بارودۆخێکی زۆر نالەباری هەیە و دوای ماوەیەکی درێژ کە لە قەرەنتینەی زیندانی بیرجەند ڕاگیراوە، بۆ بەندێک کە بەندی زیندانیانی بەساڵاچوو و هەروەها ئەو کەسانەی کە نەخۆشیی جۆراجۆریان هەیە، ڕاگوێزراوە.عەبدوڵڵاهی بۆ بەندی ١٠٧ی ئەو زیندانە ڕاگوێزراوە کە لە سەرەتاییترین ئیمکاناتی بێهداشتی بێ‏بەشە. ئەو زیندانییە سیاسییە سەرەتای مانگی ڕەزبەر، دوای ناڕەزایەتی دەربڕین لە پێ‏نەدانی مەرەخەسی بە ناوبراو، لە زیندانی تەبەسەوە بۆ بیرجەند ڕاگوێزرا و بەرپرسانی زیندانی بیرجەند، سەرەڕای دابین‌کردنی وەپیقه لە لایەن بنەماڵەکەیەوە، لەگەڵ ئازادیی مەرجدار یان ڕاگواستنی ناوبراو بۆ زیندانی شاری بۆکان، دژایەتییان کردوە. عەبدوڵڵاهی خێزاندارە و منداڵێکی هەیە و بنەماڵەی ناوبراو لە شاری بۆکانی پارێزگای ورمێ نیشتەجێیە. محەممەدئەمین عەبدوڵڵاهی، پاییزی ساڵی ١٣٨٤ی هەتاوی، دەستبەسەر و دوای ١٥ مانگ بەبێ هیچ لێپرسینەوەیەک لە دادگای ئینقلابی مەهاباد، بە تۆمەتی "محارەبە" (شەڕ لەگەڵ خودا) و هاوکاریی لەگەڵ یەکێک لە حیزبە کوردییەکان و پڕۆپاگەندا دژی نیزام بە ١٨ ساڵ زیندان و دوورخرانەوە بۆ زیندانی تەبەس مەحکووم کرا.جێگەی باسە كە، برایەکی محەممەدئەمین عەبدوڵڵاهی، بە نێوی محەممەد عەبدوڵڵاهی، بە ئیعدام مەحکووم کراوە و هەنووکە لە زیندانی ورمێ‌دا لە دەستبەسەری دایە.

 

 

 

 

 

 

 

 

له‌سه‌قز دایك و کچێک به‌هۆی گاز گرتووییەوە گیانیان له‌ده‌ست دا

 ڕۆژی شه‌ممه‌ڕێكه‌وتی٣ی به‌فرانباری ساڵی ١٣٩٤ی هەتاوی، به‌هۆی گازی "مۆنۆئۆكسیدی كه‌ربۆن"ەوە، دایكێک و منداڵه‌سێ ساڵانه‌كه‌ی، له‌سه‌قز خنكان و گیانیان له‌ده‌ست دا. بە پێی راپۆرتی هەواڵدەرییەكان، شه‌یدا ده‌بیری" ٢٨ ساڵان و كچه‌سێ ساڵانه‌كه‌ی به‌نێوی "هێلیا ته‌یمووری" به‌هۆی گازگرتووییەوە‌خنكاون.دەگوترێت کە دوای ئاگاداربوون و گه‌یشتنی تیمه‌كانی فریاكه‌وتن، ته‌رمی بێ‏گیانی ئەو دایكە و منداڵه‌كه‌ی بۆ نه‌خۆشخانه‌گوازراونه‌تەوه‌، به‌ڵام به‌داخه‌وه‌هه‌وڵه‌كان بۆ ڕزگاركردنیان بێ‏ئه‌نجام بوون. جێگەی باسە كە،ستاندارد نەبوونی زۆپا و دیکەی کەرەستە گەرمکەرەوەکان و کەمتەرخەمیی و خەمساردیی بەرپرسان لەو پەیوەندییەدا، لە هۆکارە سەرەکییەکانی گیانلەدەست دانی خەڵک بە گازی مۆنۆئۆکسیدی کەربۆنن.

 

 

 

 

 

 

 

 

لە بۆکان ڕێگە لە بەڕێوەچوونی ڕێوڕەسمێکی فەرهەنگی گیرا

جارێکی دیکەش ناوەندە ئەمنیەتییەکانی سەر بە رژێمی ئاخوندی ئێران، لە کوردستان پێشیان بە بەڕێوەچوونی کۆڕێکی ئەدەبی ـ فەرهەنگی لە شاری بۆکان گرت. بەپێی هەواڵی هەواڵدەریی کوردپا، ڕێوڕەسمی بیرئانینی هەردوو کەسایەتیی بیاڤی ئەدەب و شیعری کوردی، عەباس حەقیقی و موحەممەد نووری، بە هۆی ڕێگە نەدانی ئیدارەی ئیتلاعاتی بۆکان، هەڵوەشایەوە. ئەو ڕێوڕەسمە بە هاوکاریی چالاکانی ئەدەبی و مۆڵەتی ئیدارەی فەرهەنگ و ئیرشاد، قەرار بوو کە ڕۆژی یەکی ڕێبەندان لە ساڵۆنێکی گەورەی شاری بۆکان بگیردرێت. لە درێژەی ئەو ڕاپۆرتەدا هاتووە کە؛ سەرەڕای لەمپەر و بیانووەکانی ناوەندە ئەمنییەکان، چالاکانیی بۆکانی ڕێوڕەسمەکەیان لە شوێنی ئەنجومەنی ئەدەبیی ئەو شارە کە زۆر بچووک و تەنگەبەر بوو بەڕێوە برد. لە کوردستانی ئێران، ناوەندە ئیتلاعاتی و نیزامییەکان دەسەڵاتی لەڕادەبەدەریان هەیە و دەتوانن کە هەموو بڕیارێکی ئیدارە دەوڵەتییەکان، یەک لەوان ئیدارەی فەرهەنگ و ئیرشاد، 

 

 

 

 

 

 

 

 

خۆكوشتنی خوێندكارێكی تەمەن 13 ساڵ لە كرماشان

خوێندكارێكی تەمەن 13 ساڵانی كرماشانی ئەمرۆ لە خوێندمگاكەی لە كرماشان خۆی كوشت. بە پێی راپۆرتی هەواڵدەرییەكان، سەرهەنگ محەمەد رەزا ئاموویی رایگەیاند كە ئەمرۆ، یەكشەممە 4ی رێبەندانی 1394، خوێندكارێكی تەمەن 13 ساڵی كرماشانی لە یەكێك لە خوێندنگاكانی كۆرانەی ئەو شارە كۆتایی بە ژیانی خۆی هێنا. بە پێی ئەم راپۆرتە، ئەم خوێندكارە لە ئاودەستی خوێندنگاكەی خۆیدا خۆی هەڵواسیوە و كۆتایی بە ژیانی خۆی هێناوە. جێگەی باسە كە تاكوو كاتی بڵاوكردنەوەی ئەم هەواڵە هیچ زانیاریێك لەمەر هۆكاری خۆكوشتنی ئەم خوێندكارە بڵاو نەكراوەتەوە.

 

 

 

 

 

 

 

 

مەترسی بێكاری 2.3 میلیۆن كەس لە ئێران بوونی هەیە

كاری 2.3 میلیۆن كەس لە ئێران هەر دەم لە بەردەم هەرەشەی لە ناو چووندایە. بە پێی راپۆرتی هەواڵدەرییەكان، زیادبوونی هەڵاوسان لە ماوەی یەك ساڵی رابردوو بووە بە هۆی زیادبوونی 280 هەزار كەسی رێژەی ئەو كەسانەی كە كاری ناتەواویان هەیە. بە پێی ئەم راپۆرتە، نوێترین گۆرانكاری و ئامارەكان باس لە پێویستی خێرای دۆزینەوەی كاری نوێ لە ئێرانە و ئەمەش سەرەرای بوونی لاوانێكی زۆر كە بە تەمای كارن. بەرپرسانی حكوومەتی چەندین جار باسیان لەوە كردووە كە، 4 میلیۆن و 600 هەزار لاو كە سەر قاڵی خوێندنن بەم زووانە دێنە ناو خوازیارانی بازاری كارەوە و هەروەها سەرەرای بوونی2.6 میلیۆن كەس بێكار، ئەگەر بارودۆخی بازاری كاری ئێران هەروەها بمێنێتەوە دەبێت چاوەروانی سوونامی بێكاری خوێندكاران لە ئێران ببین. جێگەی باسە كە، سەرەرای مەترسی بێكاری 7 میلیۆن كەس لە چەند ساڵی داهاتوو، حاڵەتێكی شاراوە لە بازاری كاری ئێراندا بوونی هەیە كە بە بێكاری شاراوە ئەژمار دەكرێن. یانێ سەرەرای ئەوەیكە كارێكیان هەیە، نە شاغڵن و نە بێكاریشن و لە سنووری بێكاریدان و هەر ئان مەترسی بێكار بوونیان لە ئارادایە.

 

 

 

 

 

 

 

 

كوژرانی 4 پاسداری رژێمی ئاخوندی لە سووریە

لە ماوەی سێ رۆژی رابردوو چوار پاسداری رژێمی ئاخوندی كە بە مەبستی پشتیوانی لە حكوومەتەكەی بەشارئەسەد و كوشتاری خەڵكی بێ تاوانی سووریە رۆیشتوونەتە ئەو وڵاتەكوژراون. بە پێی راپۆرتی هەواڵدەرییەكان، ئەمرۆ یەكشەممە 4ی رێبەندانی 1394، سایتی گرووپی تیرۆریستی قودس كوژرانی یەكێك لە پاسدارەكانی بە ناوی عەباس ئاسمیە كە لە پارێزگای حەڵەبدا كوژراوە راگەیاند. بە پێی ئەم راپۆرتە، لە رۆژی هەینی 2ی رێبەندان، هەواڵی كوژرانی سێ پاسداریتری ئەو گرووپە بە ناوەكانی، عەلی عەبدۆڵاهی، مەیسەم نەزەری و مێهدی حەیدەری بڵاوكرایەوە.

 

 

 

 

 

 

 

 

جۆبایدن داوای‌ ئازادی‌ زیاتری‌ رۆژنامه‌وانی‌ له‌ توركیا ده‌كات

جۆ بایدەن جێگری سەرۆك كۆماری ئەمریكا لە كۆبوونەوەی لەگەڵ هاوسەری رۆژنامەوان جان دۆندار، جه‌ختی‌ له‌سه‌ر ئازادی‌ زیاتری‌ رۆژناوانی‌ له‌و توركیەی‌ كردووه‌ته‌وه‌. بە پێی راپۆرتی هەواڵدەرییەكان، میدیاكانی‌ توركیا ئه‌وه‌شیان ئاشكراكردووه‌ كه‌ سه‌ره‌راِی‌ ئه‌وه‌ی‌ بایدن به‌ سه‌ردانێكی‌ ره‌سمی‌ له‌و وڵاته‌یه‌، به‌ڵام حكومه‌تی‌ توركیا رێگری ده‌كات له‌ كۆبوونه‌وه‌ی‌ له‌گه‌ڵ رۆژنامه‌وانان و روماڵكردنی‌ چالاكییه‌كانی‌.سایتی‌ زه‌مانی‌ توركی بڵاویكردووه‌ته‌وه‌ كه‌ له‌ چوارچێوه‌ی‌ گرتنه‌به‌ری‌ رێوشوێنی‌ ئه‌منی‌ توندوتۆڵدا، جۆبایدن له‌گه‌ڵ ژماره‌یه‌كی‌ دیاریكراو له‌ كه‌ناڵه‌كانی‌ راگه‌یاندن و رۆژنامه‌واناندا كۆبووه‌ته‌وه‌ و رێگری‌ له‌ كۆمه‌ڵه‌ كه‌ناڵ و رۆژنامه‌وانێكیش كراوه‌ كه‌ ویستوویانه‌ له‌و كۆبوونه‌وه‌یه‌دا به‌شداری‌ بكه‌ن. ئیجه‌ جاندار، كوڕی‌ رۆژنامه‌وانی‌ زیندانیكراو جان دۆندار، سه‌رنووسه‌ری‌ رۆژنامه‌ی‌ جمهوریه‌ت له‌باره‌ی‌ كۆبوونه‌وه‌ی‌ له‌گه‌ڵ جۆ بایدن وتی "كۆبوونه‌وه‌كه‌مان كورت بوو، به‌ڵام ده‌رباره‌ی‌ بارودۆخ و ژیانی‌ باوكم پرسیارمان لێكرد و وتمان ئایا ئه‌و باشه‌ یان نا". ئیجه‌ جاندار ئه‌وه‌ ده‌گێڕێته‌وه‌ كه‌ بایدن له‌باره‌ی‌ باوكییه‌وه‌ پێیوتوون كه‌: "باوكت پیاوێكی‌ ئازایه‌ و پێویسته‌ شانازی‌ پێوه‌بكه‌ن". ئه‌وه‌شی‌ وتووه‌ "ئێمه‌ش هه‌وڵده‌ده‌ین بۆ ئه‌وه‌ی‌ ئازادی‌ رۆژنامه‌وانی‌ زیاتر بكرێت".        
ڕێکه‌وت: 2016-01-24 16:24:48
به‌شی ( هه‌واڵی کوردستان )





دیمانه

سیاسی